ОМӮЗИШИ ЗАБОНҲОИ ХОРИҶӢ — ТАҚОЗОИ ЗАМОН. Дар Донишкадаи давлатии забонҳои Тоҷикистон Ҳафтаи забонҳои Аврупо ҷамъбаст гардид
ДУШАНБЕ, 23.12.2021 /АМИТ «Ховар»/. Дар партави Паёми солонаи Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ 22 декабр дар Донишкадаи давлатии забонҳои Тоҷикистон ба номи Сотим Улуғзода таҳти унвони «Омӯзиши забонҳои хориҷӣ-тақозои замон» ҷамъбасти Ҳафтаи забонҳои Аврупо дар сатҳи баланд баргузор гардид, хабар доданд аз Донишкадаи давлатии забонҳои Тоҷикистон ба АМИТ «Ховар».
Ректори донишкада Жило Гулназарзода аз ташаббусҳои беназири Пешвои миллат муҳтарам Эмомалӣ Раҳмон дар рушди соҳаи маориф ёдовар шуда, аз ҷумла, изҳор дошт, ки омӯхтани забонҳои хориҷӣ, пеш аз ҳама, мавриди таваҷҷуҳи Сарвари давлат қарор дорад. Аз ин рӯ, мо вазифадорем, ки мутахассисони забондони ба бозори меҳнати ҷаҳонӣ рақобатпазир омода намоем.
Пешвои миллат муҳтарам Эмомалӣ Раҳмон 21 декабр зимни ироаи Паёми солона ба Маҷлиси Олӣ зикр намуданд, ки «таълими забонҳои хориҷӣ, махсусан, русиву англисӣ бояд дар тамоми факултаву шуъбаҳои мактабҳои олӣ боз ҳам беҳтар ба роҳ монда шавад. Зеро Тоҷикистон ҳоло бо 180 давлат робитаи дипломатӣ ва бо 130 кишвар муносибатҳои тиҷоративу иқтисодӣ дорад».
Ҳамоишро донишҷӯён бо забони тоҷикӣ оғоз карда, бо забонҳои англисӣ, олмонӣ ва фаронсавӣ, ки дар факулта омӯзонида мешаванд, идома доданд.
Дар қисмати фарҳангӣ донишҷӯёни факултаи забонҳои Аврупо бо чор забон- тоҷикӣ, англисӣ, олмонӣ ва фаронсавӣ бо маҳорату истеъдоди волои худ, хондани шеърҳо, рақсҳои тоҷикиву аврупоӣ, саҳначаҳои ҳаҷвию тарбиявӣ ва дигар барномаҳои ҷолиб хотири ҳозиринро шод намуданд.
Дар хатми ҳамоиш як гурӯҳ омӯзгорон ва донишҷӯёни фаъоли факулта бо сипосномаи раёсати донишкада қадрдонӣ гардиданд.
АКСҲО: ДДЗТ ба номи С. Улуғзода
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
РӮЗИ БАЙНАЛМИЛАЛИИ ЗАРГАР. Мардуми тоҷик давоми ҳазорсолаҳо бо санъати заргарии худ шуҳрат пайдо кардааст.
НИШАСТИ МАТБУОТӢ. «Феҳристи номҳои миллии тоҷикӣ» дар таҳрири нав таҳия шудааст
