Пагоҳ бозии финалии Ҷоми Тоҷикистон-2021 миёни дастаҳои «Истиқлол»-и Душанбе ва «Хуҷанд»-и Хуҷанд доир мешавад

Декабрь 8, 2021 09:22

ДУШАНБЕ, 08.12.2021 /АМИТ «Ховар»/. Пагоҳ, 9 декабр бозии финалии Ҷоми Тоҷикистон оид ба футбол-2021 миёни чемпиони ҳашткаратаи Тоҷикистон — «Истиқлол»-и шаҳри  Душанбе ва  барандаи медалҳои нуқраи чемпионати кишвар — дастаи «Хуҷанд»-и шаҳри Хуҷанд дар Варзишгоҳи «20-солагии Истиқлоли Тоҷикистон»-и шаҳри Хуҷанд баргузор мешавад, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дар бозии ҷавобии даври нимфинали Ҷоми Тоҷикистон-2021 дастаи футболи «Истиқлол»-и шаҳри Душнабе бар дастаи «Эсхата»-и шаҳри Хуҷанд бо ҳисоби 3:0 (натиҷаи ду бозӣ – 7:3) ғалаба кард. Голҳоро Манучеҳр Ҷалилов, Рустам Соиров ва Рёта Нома ба нишон расониданд. Дар бозии дигари нимфинал   дастаи футболи  «Равшан»-и шаҳри Кӯлоб дар майдони худ бар дастаи  «Хуҷанд»-и шаҳри Хуҷанд бо ҳисоби 2:0 пирӯз шуд, вале иштирок дар Ҷоми Тоҷикистонро ба анҷом расонд. Дастаи футболи   «Хуҷанд»-и шаҳри Хуҷанд бо шарофати пирӯзии калон (4:0) дар бозии аввал ба финал баромад. Қаблан дар финали Ҷоми Тоҷикистон дастаҳои футболи  «Истиқлол»-и шаҳри Душанбе  ва «Хуҷанд»-и шаҳри Хуҷанд ду маротиба бозӣ кардаанд. Соли 2010  дастаи «Истиқлол»-и шаҳри Душанбе  бо ҳисоби 5:0 ва соли 2017 дастаи футболи «Хуҷанд»-и шаҳри Хуҷанд бо ҳисоби 2:0 пирӯз гардидаанд.

Хотиррасон  мешавем, ки  дастаи футболи «Истиқлол»-и шаҳри Душанбе  дар таърихи мавҷудияташ 8 маротиба — 2009, 2010, 2013, 2014, 2015, 2016, 2018 ва 2019, дастаи футболи  «Хуҷанд»-и шаҳри Хуҷанд чор маротиба – 1997/1998, 2002, 2008 ва 2017  ғолиби Ҷоми Тоҷикистон гаштаанд.

 АКС: Федератсияи футболи Тоҷикистон

Декабрь 8, 2021 09:22

Хабарҳои дигари ин бахш

ФУТБОЛ. Дастаи мунтахаби наврасони Тоҷикистон (U-16) дар мусобиқаи рушди УЕФА дар Македонияи Шимолӣ ширкат мекунад
ФУТБОЛ. Замони баргузории бозиҳои даври чоруми Чемпионати Тоҷикистон миёни дастаҳои Лигаи олӣ муайян шуд
ЛИГАИ ЧЕМПИОНҲОИ КФО. «Истиқлол» натавонист дар ин бозии муҳим бар дастаи «Ал-Ҳилол»-и Арабистони Саудӣ ғолиб ояд
ЛИГАИ ЧЕМПИОНҲОИ КФО. Имрӯз «Истиқлол» бо дастаи «Ал-Ҳилол» -и Арабистони Саудӣ бозӣ мекунад
ФУТБОЛ. «Равшан» ва «Хатлон» дар даври сеюми Чемпионати Тоҷикистон миёни дастаҳои Лигаи олӣ ғолиб омаданд
Барномаи рушди футбол дар шаҳри Душанбе барои солҳои 2022 – 2026 тасдиқ шуд
ЛИГАИ ЧЕМПИОНҲОИ КФО-2022: «Истиқлол» аз «Ал-Ҳилол» шикаст хӯрд
ЛИГАИ ЧЕМПИОНҲОИ КФО. Имрӯз «Истиқлол» бо дастаи футболи «Ал-Ҳилол» бозӣ мекунад
ФУТБОЛ. Замони баргузории бозиҳои даври сеюми Чемпионати Тоҷикистон дар Лигаи олӣ муайян гардид
ЛИГАИ ЧЕМПИОНҲОИ КФО. «Истиқлол» дар даври сеюм бо дастаи футболи «Ал-Ҳилол» бозӣ мекунад
МУБОРАК БОД! Дастаи мунтахаби футзали Тоҷикистон ба марҳилаи ниҳоии Ҷоми Осиё-2022 роҳ ёфт
ҶОМИ ОСИЁ-2022. Имрӯз дастаҳои мунтахаби футзали Тоҷикистон ва Узбекистон миёни ҳам бозӣ мекунанд