Пойгоҳи низомии ФР дар Тоҷикистон соҳиби 30 танки Т-72Б3М гардид

Декабрь 7, 2021 12:38

ДУШАНБЕ, 07.12.2021 /АМИТ «Ховар»/. Баталиони танкии пойгоҳи низомии 201-уми Русия дар Тоҷикистон бо танкҳои муосири Т-72Б3М таҷҳизонида шуд. Рӯзи душанбе, 6 декабр хадамоти матбуоти Округи марказии ҳарбӣ хабар дод, ки 30 мошини низомӣ бо ҳолати  муосир ба парки пойгоҳ ворид карда шуд, иттилоъ медиҳад АМИТ «Ховар».

Зикр гардид, ки ин имконияти ҷангии танкчиёнро боло бурда, аз ин ҳисоб гардишҳои танкӣ низ беҳтар гашта, имкони муҳофизати экипажи он афзоиш меёбад.

Тавре нашряи ҳукуматии «Российская газета» менависад, Т-72 танки асосии ҷангии қувваҳои хушкигард мебошад. Дар заминаи он тӯли даҳсолаи охир якчанд мошинҳои мукаммали ҷангӣ сохта шудаанд. Аз ҷумла, он танкҳое, ки Русия ва дигар иштирокчиёни хориҷии «Баталиони танкӣ» истифода мебаранд.

Дар намунаи T-72B3M ин мошин бори аввал соли 2018 дар Подмосковие, дар Форуми байналмилалии ҳарбӣ-техникии «Армия» намоиш дода шуд. Тибқи маълумоти корпоратсияи «Уралвагонзавод», ки мошини ҷангиро сохта, истеҳсол мекунад, танк бо муҳаррики нави дизелии дорои 1130 қувваи асп,  низоми муҳофизати ғайрифаъол ва фаъол, инчунин системаи алоқаи «Акведук» муҷҷаҳаз гардонида шудааст.

Инчунин қисматҳои ҷангии танк нав карда шудаанд. Дар ин ҷо таҷҳизоти 125-мм бо баллистикаи беҳтаршуда ва тирҳои захирашуда, муайякунандаи рақамии баллистикӣ ва манзараи мушоҳидавӣ барои фармондеҳи мошини ҷангӣ насб карда шудаанд. Ҳамаи ин имкон медиҳад, ки экипаж рӯзона ва шабона ҳарчӣ зудтар ҳадафро муайян ва маҳв созад.

Дар мавриди пойгоҳи низомии 201-уми Русия дар маҷмӯъ метавон гуфт, ки ба гуфтаи фармондеҳи Округи марказии ҳарбӣ, генерал-полковник Александр Лапин, се баталиони мототирандозии ин сохтор бо таҷҳизоти муосири ҳарбӣ — БМП-2М ва БТР 82А пурра муҷаҳҳаз шудаанд. «Қисматҳои зенитӣ бо маҷмӯаҳои нави ҳамафаслаи «Верба» таъмин шуданд». Ҳамчунин ба пойгоҳ маҷмӯаҳои идоракунандаи ракетавии зиддитанкии «Корнет», туфангҳои снайперии АСВК-М «Корд»,  автомати АК-12, силоҳҳои оташандози реактивии пиёдагарди дорои дурбинии баланд ва ғайра дастрас гардиданд.

ДАР АКС: танки Т-72Б3М. АКС: © Maxim Shemetov/ Reuters

Декабрь 7, 2021 12:38

Хабарҳои дигари ин бахш

Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир шуд
Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт