ФУТБОЛ. Нозим Бобоҷонов ва Нуриддин Давронов ба дастаҳои «Ал-Аҳлӣ»-и Баҳрайн ва «Персита»-и Индонезия гузариш намуданд

Декабрь 29, 2021 08:55

ДУШАНБЕ, 29.12.2021 /АМИТ «Ховар»/. Нимҳимоятгари дастаи  футболи  «Хуҷанд»-и шаҳри Хуҷанд  Нозим Бобоҷонов ба  дастаи «Ал-Аҳлӣ»-и Баҳрайн гузариш намуд, иттилоъ медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Дастаи футболи  «Ал-Аҳлӣ» дар Премйер Лигаи Баҳрайн баромад мекунад. Дастаи футболи  «Ал-Аҳлӣ»-и Баҳрайн баъди 7 даври рақобатҳо дар зинаи охири ҷадвал бо чаҳор имтиёз мавқеъ дорад.

Хотиррасон мешавем, ки Нозим Бобоҷонов  дар ҳайати  дастаи футболи  «Хуҷанд»-и шаҳри Хуҷанд  барандаи медалҳои нуқраи Лигаи олӣ ва барандаи Ҷоми Тоҷикистон дар соли 2021 гардидааст.

Бозингари шинохтаи  30-солаи тоҷик Нуриддин Давронов фаъолияти футболбозии худро дар дастаи футболи  «Персита»-и Индонезия идома медиҳад.

Шартнома миёни футболбоз ва ин даста то 30 майи соли 2022 ба имзо расидааст. Акнун Нуриддин Давронов  шарафи дастаи  футболи  «Персита»-и  Индонезияро ҳимоя мекунад.

Нуриддин Давронов қабл аз ин бо дастаи дигари Индонезия «Борнео»  шартномаи яксола дошт. Қарордоди футболбози тоҷик бо дастаи футболи  «Борнео» якчанд рӯз пеш ба охир расид.

Ёдовар  мешавем, ки  дастаи футболи  «Борнео»-и Индонезия  пас аз бекор кардани шартнома бо Нуриддин Давронов расман бо футболбози ҷопонӣ Кей шартномаи нав ба имзо расонд. Акнун Кей ивазкунандаи Нуриддин  Давронов дар  дастаи футболи  «Борнео»  буда, ҳамчунин таҳти рақами 8 ба майдон мебарояд.

 АКС: Федератсияи футболи Тоҷикистон

Декабрь 29, 2021 08:55

Хабарҳои дигари ин бахш

ФУТБОЛ. «Хатлон» ва «Регар-ТадАЗ» дар чемпионат миёни дастаҳои Лигаи олӣ ғолиб омаданд
ФУТБОЛ. Дастаи мунтахаби наврасони Тоҷикистон (U-16) дар мусобиқаи рушди УЕФА дар Македонияи Шимолӣ ширкат мекунад
ФУТБОЛ. Замони баргузории бозиҳои даври чоруми Чемпионати Тоҷикистон миёни дастаҳои Лигаи олӣ муайян шуд
ЛИГАИ ЧЕМПИОНҲОИ КФО. «Истиқлол» натавонист дар ин бозии муҳим бар дастаи «Ал-Ҳилол»-и Арабистони Саудӣ ғолиб ояд
ЛИГАИ ЧЕМПИОНҲОИ КФО. Имрӯз «Истиқлол» бо дастаи «Ал-Ҳилол» -и Арабистони Саудӣ бозӣ мекунад
ФУТБОЛ. «Равшан» ва «Хатлон» дар даври сеюми Чемпионати Тоҷикистон миёни дастаҳои Лигаи олӣ ғолиб омаданд
Барномаи рушди футбол дар шаҳри Душанбе барои солҳои 2022 – 2026 тасдиқ шуд
ЛИГАИ ЧЕМПИОНҲОИ КФО-2022: «Истиқлол» аз «Ал-Ҳилол» шикаст хӯрд
ЛИГАИ ЧЕМПИОНҲОИ КФО. Имрӯз «Истиқлол» бо дастаи футболи «Ал-Ҳилол» бозӣ мекунад
ФУТБОЛ. Замони баргузории бозиҳои даври сеюми Чемпионати Тоҷикистон дар Лигаи олӣ муайян гардид
ЛИГАИ ЧЕМПИОНҲОИ КФО. «Истиқлол» дар даври сеюм бо дастаи футболи «Ал-Ҳилол» бозӣ мекунад
МУБОРАК БОД! Дастаи мунтахаби футзали Тоҷикистон ба марҳилаи ниҳоии Ҷоми Осиё-2022 роҳ ёфт