Шунавандагони курси «Зан-сарвар» соҳиби шаҳодатнома гардиданд
ДУШАНБЕ, 27.12.2021 /АМИТ «Ховар»/. 25 декабр дар Академияи идоракунии давлатии назди Президенти Ҷумҳурии Тоҷикистон бо иштироки доираи васеи заноне, ки дар вазифаҳои роҳбарикунанда фаъолият доранд, маросими ҷамъбастии супоридани шаҳодатномаҳои курси «Зан-сарвар» дар вазъияти тантанавӣ доир гардид, хабар доданд ба АМИТ «Ховар» аз Академия.
Давраи аввали курси мазкур барои шаҳру ноҳияҳои тобеи ҷумҳурӣ 26 майи соли 2021 ва дар вилояти Суғд 21 июни соли 2021 доир гардида, се давраро дар бар гирифт. Дар курси мазкур аз вилояти Суғд ва шаҳру ноҳияҳои тобеи ҷумҳурӣ 49 нафар ба таҳсил фаро гирифта шуданд.
Дар ҷамъомад Ректори Академия Абдухалил Ғафурзода, Раиси Кумитаи кор бо занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, муовини директори Агентии хизмати давлатии назди Президенти Ҷумҳурии Тоҷикистон Бибиосия Аюбӣ, роҳбари намояндагии Бунёди Ҳаннс Зайдели Олмон дар Осиёи Марказӣ доктор Макс Георг Майер иштирок намуданд.
Зикр шуд, ки курси мазкур дар асоси дастуру ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ роҳандозӣ гардида, ба он занону духтароне, ки дар мақомоти маҳаллӣ фаъолият доранд, ҷалб карда шудаанд.
Ҳадаф аз баргузории курс- мусоидат барои аз худ намудани дониш ва тарзу усулҳои роҳбарии занон дар идоракунии давлатӣ мебошад. Аз аввали курси мазкур то имрӯз 128 нафар занон аз вилоятҳои Суғду Хатлон, ВМКБ, шаҳру ноҳияҳои тобеи ҷумҳурӣ ва шаҳри Душанбе соҳиби шаҳодатнома гардидаанд.
Дар ин рӯз дар фазои тантанавӣ ба 49 нафар хатмкунандагони курс шаҳодатнома тақдим гардид.
АКСҲО: Академияи идоракунии давлатии назди Президенти ҶТ
Чойхонаи тоҷикии «Шоми Ваҳдат» фарҳанги миллати тоҷикро дар шаҳри Краснодар муаррифӣ менамояд
Дар Донишкадаи давлатии фарҳанг ва санъати Тоҷикистон Маркази машваратӣ-равоншиносӣ таъсис дода шуд
НИШАСТИ МАТБУОТӢ. Дар Консерваторияи миллии Тоҷикистон даврҳои кӯтоҳмуддати омӯзишӣ таъсис дода шудаанд
Лоиҳаи «Барномаи давлатии рушди адабиёти бачагона дар Ҷумҳурии Тоҷикистон барои солҳои 2026-2030» таҳия мегардад
3 феврал дар якчанд вазорату идораҳо нишастҳои матбуотӣ баргузор мегарданд
Дар Муассисаи давлатии «Тоҷикфилм» барои дастгирии лоиҳаҳои филмсозони ҷавон ягон монеа вуҷуд надорад
1050-СОЛАГИИ РОБИАИ БАЛХӢ. Мавзуи асосии сурудаҳои ӯ ишқу муҳаббати инсонӣ, тасвири табиат ва зебоиҳои он мебошанд
Ёдгориҳои Хутали Қадим таъриху фарҳанги бостонии миллати тоҷикро дар арсаи ҷаҳонӣ муаррифӣ менамояд
«ҲАФТРАНГ БА ХОТИРАИ УСТОД». Дар Донишкадаи давлатии санъати тасвирӣ ва дизайни Тоҷикистон намоишгоҳ оғоз гардид
САДА — ҶАШНИ БОСТОНИИ МАРДУМИ ТОҶИК. Нуру гармӣ ҷавҳар ва рамзу асли зиндагиофарии ин ид мебошанд
РӮЗИ БАЙНАЛМИЛАЛИИ ЗАРГАР. Мардуми тоҷик давоми ҳазорсолаҳо бо санъати заргарии худ шуҳрат пайдо кардааст.
НИШАСТИ МАТБУОТӢ. «Феҳристи номҳои миллии тоҷикӣ» дар таҳрири нав таҳия шудааст
