Котиби генералии Ассамблеяи парламентии Осиё дар Осорхонаи миллӣ бо таъриху тамаддуни тоҷикон шинос шуд
ДУШАНБЕ, 24.09.2026 /АМИТ «Ховар»/. 23 сентябр Котиби генералии Ассамблеяи парламентии Осиё Муҳаммадризо Маҷидӣ ва ҳамроҳонаш, ки барои иштирок дар ҷаласаи Кумитаи доимии ассамблея оид ба масъалаҳои иҷтимоӣ ва фарҳангӣ дар шаҳри Душанбе қарор доранд, дар Осорхонаи миллии Тоҷикистон бо таъриху тамаддуни халқи тоҷик шинос шуданд.
Тавре АМИТ «Ховар» бо истинод ба Осорхонаи миллӣ хабар медиҳад, меҳмонон аз толорҳои намоишии осорхона дидан намуда, бо нигораҳои нодир, бозёфтҳои арзишманди бостоншиносӣ, намунаҳои барҷастаи мероси таърихию фарҳангӣ, ҳунарҳои мардумӣ ва дигар осори моддию маънавӣ шинос шуданд.
Экспозитсияи осорхона ба меҳмонон имконият фароҳам овард, ки бо саҳифаҳои пурғановати таърихи чандинҳазорсолаи тоҷикон ва дастовардҳои фарҳангии ниёгон аз наздик ошно гарданд.
Зимни сайри осорхонавӣ оид ба таърихи пайдоиш, аҳаммияти илмӣ ва фарҳангии нигораҳо, марҳилаҳои ташаккули давлатдорӣ ва рушди фарҳанги тоҷикон маълумоти муфассал пешниҳод карда шуд.
Муҳаммадризо Маҷидӣ барои пазироӣ, ташкили сайри осорхонавӣ ва муаррифии мероси таърихию фарҳангии миллати тоҷик изҳори сипос намуда, таассуроти худро дар китоби қайди таассуроти «Меҳмонони фахрӣ» дарҷ намуд.
АКС: Осорхонаи миллии Тоҷикистон
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
Дар Осорхонаи миллии Тоҷикистон маҳфили «Шоҳномахонӣ» баргузор гардид
«ТОҶИ СОМОН». Марҳилаи интихоби беҳтарин филмҳо барои синамоҷоизаи миллӣ оғоз гардид
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
Иштирокдорони Конфронси байналмилалии «Рӯдакӣ – эҳёгари андеша ва фарҳанги миллӣ» Осорхонаи миллии Тоҷикистонро тамошо намуданд
«РӮДАКӢ — ЭҲЁГАРИ АНДЕША ВА ФАРҲАНГИ МИЛЛӢ». Таҳти ин унвон конференсияи байналмилалии илмӣ-назариявӣ доир шуд
«Нақши Пешвои миллат дар эҳё ва муаррифии тамаддуни ориёӣ». Таҳти чунин унвон маҳфили «Тоҷикшиносӣ» доир шуд
РӮДАКӢ — ЧАРОҒИ МАЪРИФАТИ МИЛЛАТ. Одамушшуаро насли имрӯз ва фардоро ба омӯхтан ва некӣ кардан даъват намудааст
