Тоҷикистон хостори ҳамоҳангсозии фаъолият барои ҷилавгирӣ аз паҳншавии маводи мухаддир гардид

Декабрь 17, 2021 09:51

ДУШАНБЕ, 17.12.2021. /АМИТ «Ховар»/. 16 декабр Директори Агентии назорати маводи нашъаовари назди Президенти Ҷумҳурии Тоҷикистон  Ҳабибулло Воҳидзода дар ҷаласаи Кумитаи роҳбарикунандаи Барномаи минтақавии Раёсати СММ оид ба маводи нашъаовар ва ҷинояткорӣ барои Афғонистон ва кишварҳои ҳамсоя дар шаҳри Москваи Федератсияи Русия иштирок ва суханронӣ намуд, хабар медиҳад АМИТ «Ховар» бо истинод ба маркази матбуоти Агентӣ.

Директори Агентӣ дар бораи дастоварду мушкилот дар самти мубориза бо гардиши ғайриқонунии маводи мухаддир ва ҷилавгирӣ аз нашъамандӣ, аз хатари паҳншавии маводи мухаддири синтетикӣ ва психотропӣ дар байни аҳолӣ, бахусус ҷавонон сухан гуфта, аз Раёсати СММ оид ба маводи мухаддир ва ҷинояткорӣ (UNODC) ва дигар кишварҳо — иштирокчиёни ҷаласа даъват кард, ки фаъолияти ҷомеаи ҷаҳониро барои пешгирии паҳншавии маводи мухаддир ҳамоҳанг созанд.

Мавсуф зикр кард, ки Ҳукумати Ҷумҳурии Тоҷикистон бо дарки хатари воқеии нашъамандӣ ба саломатии аҳолӣ ва генофонди миллат дар баробари пурзӯр намудани мубориза бар зидди муомилоти ғайриқонунии маводи мухаддир тамоми тадбирҳои заруриро дар самти пешгирии нашъамандӣ, табобат ва офиятбахшии нашъамандон меандешад.

Дар ҷаласаи мазкур ҳамчунин роҳбарон ва намояндагони мақомоти ваколатдори Қазоқистон, Қирғизистон, Туркманистон, Узбекистон, Эрон ва Покистон, инчунин намояндагони Раёсати СММ оид ба маводи нашъаовар ва ҷинояткорӣ, Маркази минтақавии ҳамоҳангсозии иттилоотӣ дар Осиёи Марказӣ оид ба мубориза бо муомилоти ғайриқонунии воситаҳои нашъадор, моддаҳои психотропӣ ва прекрурсорҳои онҳо ва дигар кишварҳову ташкилоту созмонҳои байналмилалии маблағгузор ширкат варзиданд.

Дар ҷаласа дастовардҳои асосии Барномаи минтақавии UNODC барои Афғонистон ва кишварҳои ҳамсоя дар марҳилаи II ва шарҳи афзалияти асосии стратегӣ оид ба марҳилаи III Барномаи мазкур барои соли 2022, баррасии талошҳо барои кафолати тавонмандии минтақавии мубориза бо маводи нашъадор ва ҳамкорӣ бо Барномаи минтақавии UNODC барои Афғонистон ва кишварҳои ҳамсоя, изҳороти кишварҳои маблағгузор ва шарикони Барномаи минтақавӣ, оғози расмии марҳилаи сеюми Барномаи минтақавии UNODC барои солҳои (2022-2025) мавриди муҳокима қарор гирифтанд.

АКС: Агентии назорати маводи нашъаовари назди Президенти ҶТ

Декабрь 17, 2021 09:51

Хабарҳои дигари ин бахш

АФЗАЛИЯТ ВА БАРТАРИЯТИ ХИЗМАТИ АСКАРӢ. Ҷавонон баробари ворид шудан ба хизмат таҳти ҳимояти Артиши миллӣ қарор мегиранд
Стратегияи миллӣ оид ба назорати маводи нашъаовар дар мақомоти гумруки Тоҷикистон тавзеҳ дода шуд
Дар Хатлон якчанд ноҳия даъвати баҳориро ба сафи Қувваҳои мусаллаҳи Ҷумҳурии Тоҷикистон ҷамъбаст намуданд
Дар шаҳри Бӯстон вохӯрии навбатии гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор шуд
Тоҷикистон дар самти мубориза бо терроризму экстремизм яке аз давлатҳои пешсаф аст
10 АПРЕЛ-РӮЗИ ҚӮШУНҲОИ ДОХИЛИИ ТОҶИКИСТОН. Ба ташкили ин сохтори низомӣ 33 сол пур шуд
Байни Вазорати корҳои дохилии Тоҷикистон ва Вазорати амнияти ҷамъиятии Чин Ёддошти тафоҳум ба имзо расид
Хизмат дар сафи Қувваҳои Мусаллаҳи Тоҷикистон мактаби шуҷоату мардонагӣ аст
ТЕРРОРИЗМ ЧИСТ? ТЕРРОРИСТ КИСТ? Чаро як фард тамоми арзишҳои инсониро канор гузошта, ба ин роҳи манфур меравад?
Дар Истаравшан гурӯҳи нахустини ҷавонон ба сафи Қувваҳои Мусаллаҳ пайваст
Дар Душанбе масъалаи татбиқи марҳилаи дуюми низоми «Шаҳри бехатар» баррасӣ шуд
Дар Суғд нахустин гурӯҳи даъватшавандагонро ба таври тантанавӣ ба хизмати ҳарбӣ гусел намуданд