Тоҷикистон ва Корея ҳамкориро дар соҳаи сайёҳӣ тақвият мебахшанд

ДУШАНБЕ, 04.12.2021. /АМИТ «Ховар»/. Тавсеаи ҳамкории Тоҷикистон ва Корея дар бахши сайёҳӣ зимни мулоқоти раиси Кумитаи рушди сайёҳии назди Ҳукумати Ҷумҳурии Тоҷикистон Тоҷиддин Ҷӯразода бо ҳаммуассиси ширкати «Hans Biotech» СО., LTD./«Опе Heart Smart» СО., LTD. Ҷумҳурии Корея баррасӣ гардид. Дар ин бора ба АМИТ «Ховар» аз Кумитаи рушди сайёҳӣ хабар доданд.

Дар мулоқот атрофи масъалаҳои густариши муносибатҳои дуҷониба дар соҳаи сайёҳӣ, омӯзиши таҷрибаи Корея ва ҷалби сармоягузорӣ дар ин самт табодули афкор сурат гирифт.

Бо мақсади рушди ҳамкорӣ ва оммавӣ гардондани сайёҳӣ миёни Hans Biotech» СО., LTD./«Опе Heart Smart» СО., LTD. Ҷумҳурии Корея  ва КВД «Маркази иттилоотии хизматрасониҳои сайёҳӣ»- и Кумитаи рушди сайёҳии назди Ҳукумати Ҷумҳурии Тоҷикистон Ёддошти ҳамкорӣ ба имзо расид.

Ёдрас мешавем, ки ҳайати доираҳои сармоягузории Корея дар доираи иштирок  дар Форуми сармоягузории Тоҷикистон ва Корея  ба кишвари мо омада буданд.

АКСҲО: Кумитаи рушди сайёҳӣ