HAPPY ANNIVERSARY! Тоҷикистон ва ИМА 30-солагии муносибатҳои дӯстона ва дипломатиро таҷлил менамоянд

Декабрь 24, 2021 12:08

ДУШАНБЕ, 24.12.2021 /АМИТ «Ховар»/. 30 сол пеш, 25 декабри соли 1991 Иёлоти Муттаҳидаи Амрико истиқлолияти Ҷумҳурии Тоҷикистонро ба расмият шинохт ва 14 феврали соли 1992 мамлакатҳои мо дар бораи барқарор намудани муносибатҳои дипломатӣ аҳд карданд.  

Дар варақаи иттилоотии сафорат зикр шудааст, ки аз замони барқарории муносибатҳои дипломатӣ Иёлоти Муттаҳида ба мардуми Тоҷикистон ба маблағи 1,8 миллиард доллар барои рушди иқтисодӣ, амнияти озуқаворӣ, тандурустӣ, таъминоти оби тоза, маориф, амният, дастрасӣ ба неруи барқ ва ба роҳ мондани равобити байнишахсӣ миёни мардуми кишварҳоямон кумак кардааст. Ин барномаҳо барои раҳоии хонаводаҳо аз камбизоатӣ, коҳиши камғизоӣ, афзоиши саводнокӣ, эҷоди ҷойҳои нави корӣ, наҷот додани ҳаёти мардум ва ҳифзи Тоҷикистон аз таҳдидҳои амниятӣ кумак кардаанд.

Сафорати ИМА дар Душанбе барои таҷлили 30-юмин солгарди равобити судманд ва дӯстона миёни Иёлоти Муттаҳида ва Ҷумҳурии Тоҷикистон давоми моҳҳои оянда як силсила чорабиниҳо ва маъракаҳо баргузор хоҳад кард. Чорабиниҳои зерин ба нақша гирифта шудаанд:

24 декабр:

  • Ифтитоҳи намоиши аксҳои аксбардорони ҳаваскори тоҷик аз саросари Тоҷикистон, даромади озод. Оғоз:17:00.

Аз 11 то 14 январ:

  • Нишасти матбуотӣ бахшида ба 30-юмин солгарди муносибатҳои ИМА ва Тоҷикистон
  • Нашри китоб оид ба таърихи муносибатҳои ИМА ва Тоҷикистон.
  • Нашри аксҳо дар бораи равобити Тоҷикистону Амрико.
  • Ифтитоҳи намоишгоҳи аксҳо бахшида ба муносибатҳои ИМА ва Тоҷикистон.
  • Нахустнамоиши филми мустанад дар бораи муносибатҳои ИМА ва Тоҷикистон.
  • Кушодашавии озмуни сурудҳои тоҷикию амрикоӣ.

Аз 17 то 23 январ:

  • Сафари гурӯҳи мусиқанавозони «The Fremonts» аз шаҳри Боулдери иёлати Колорадо дар Тоҷикистон.

Феврал

  • Аз 7 то 12 феврал: Сафари гурӯҳҳои мусиқанавозони Маркази неруҳои ҳавоии ИМА (AFCENT) дар Тоҷикистон.
  • Аз 14 то 19 феврал: Фестивали намоиши филмҳои тоҷикию амрикоӣ.

Март

 12 март: Рӯзи инноватсияҳо дар Маркази амрикоии шаҳри Душанбе.

  • Нашри 1000 адад китоби комикс бахшида ба дӯстии ИМА ва Тоҷикистон.

Март-апрел 

  • Сафари мусиқанавозони тоҷику амрикоӣ дар доираи «Battle of the Bands».

Май

  • Фестивали минтақавии Go Viral дар Душанбе

  АКС: манбаъҳои боз

Декабрь 24, 2021 12:08

Хабарҳои дигари ин бахш

Дар Ню-Йорк аз ташаббусҳои ҷаҳонии Тоҷикистон дар соҳаи захираҳои об ва тағйирёбии иқлим ёдовар шуданд
Сироҷиддин Муҳриддин дар муколамаҳои сатҳи баланд оид ба низомҳои огоҳии бармаҳал иштирок намуд
Соҳибкорону сармоягузорони тоҷик дар Форуми байналмилалии сармоягузории Хоразм иштирок намуданд
Дар Женева 34-солагии Истиқлолияти давлатии Ҷумҳурии Тоҷикистонро ҷашн гирифтанд
Сафири Тоҷикистон дар Туркия бо волии Трабзон мулоқот намуд
Ҳайати Тоҷикистон дар вохӯрии ҷаҳонии вазирони Семаул ва ҳамоиши роҳбарони Семаул иштирок дорад
Дар Вена нахустин консерти Оркестри давлатии симфонии Тоҷикистон баргузор шуд
Сафири Тоҷикистон бо Котиби Шурои олии фазои маҷозии Эрон мулоқот намуд
Дар Душанбе машваратҳои сиёсии Тоҷикистон ва Беларус баргузор шуданд
Сироҷиддин Муҳриддин бо муовини вазири корҳои хориҷии Беларус Павел Утюпин мулоқот намуд
Дар Москва машваратҳои байниидоравии вазоратҳои корҳои хориҷии Тоҷикистону Русия доир гардиданд
Дар Ашқобод 34-солагии Истиқлоли давлатии Ҷумҳурии Тоҷикистонро ҷашн гирифтанд