Cафири Тоҷикистон бо Президенти Ҷумҳурии Ироқ мулоқот намуд
ДУШАНБЕ, 30.09.2026 /АМИТ «Ховар»/. 29 сентябр дар Қасри Ас-Саломи шаҳри Бағдод мулоқоти Сафири Фавқулода ва Мухтори Ҷумҳурии Тоҷикистон дар Ҷумҳурии Ироқ Зубайдулло Зубайдзода бо Президенти Ҷумҳурии Ироқ Низор Муҳаммад Саид Омидӣ баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Салтанати Умон хабар доданд.
Зимни мулоқот Сафири Ҷумҳурии Тоҷикистон саломи самимӣ ва паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмонро ба Президенти Ҷумҳурии Ироқ расонида, таъкид намуд, ки Тоҷикистон ба таҳкими муносибатҳои дӯстона ва рушди ҳамкории мутақобили судманд бо Ироқ таваҷҷуҳи хосса зоҳир менамояд.
Ҷонибҳо вазъи кунунӣ ва дурнамои муносибатҳои Тоҷикистону Ироқ, инчунин роҳҳои густариши ҳамкории сиёсӣ, иқтисодию тиҷоратӣ, сармоягузорӣ, фарҳангӣ ва дигар соҳаҳои мавриди таваҷҷуҳи тарафайнро баррасӣ намуданд.
Дар ин замина, зарурати таҳкими робитаҳо байни ниҳодҳои давлатӣ, тавсеаи ҳамкории иқтисодию тиҷоратӣ ва истифодаи имконияти мавҷуда ҷиҳати рушди муносибатҳои дуҷониба таъкид гардид.
Сафири Ҷумҳурии Тоҷикистон омодагии мамлакати худро барои идомаи муколамаи созанда ва таҳкими минбаъдаи муносибатҳои дӯстона ва ҳамкории мутақобили судманди Тоҷикистону Ироқ изҳор намуд.
Дар фарҷоми мулоқот Президенти Ҷумҳурии Ироқ муҳтарам Низор Муҳаммад Саид Омидӣ ба Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон саломи самимӣ ва таманниёти нек расонида, ба муносибати 35-солагии Истиқлоли давлатии Ҷумҳурии Тоҷикистон табрикоти хешро иброз дошт.
АКС: Сафорати Ҷумҳурии Тоҷикистон дар Салтанати Умон
Дар Сеул бахшида ба 35-солагии Истиқлоли давлатии Ҷумҳурии Тоҷикистон чорабинии тантанавӣ доир шуд
Тоҷикистон ва Молдова машваратҳои консулӣ баргузор намуданд
Ҳамкории иқтисодӣ ва ҷалби сармоягузории Давлати Кувайт ба Тоҷикистон баррасӣ гардид
Сафири Тоҷикистон бо Президенти Кантони Сюрих мулоқот намуд
Сафири Тоҷикистон дар Австрия бо Президенти Ассотсиатсияи табибони «Avicenna» вохӯрӣ намуд
Ҳамкории Тоҷикистон бо Палатаи муштараки тиҷоратии Швейтсария баррасӣ гардид
Сафири Тоҷикистон бо раиси Маркази миллии ҳамкории судии байналмилалии Ироқ мулоқот намуд
Қоҳир Расулзода бо роҳбари Бюрои рушди иттиҳоди байналмилалии алоқаи барқӣ Космос Завазава мулоқот намуд
Ҳайати Тоҷикистон дар чорабинии сатҳи баланд: «Муттаҳидӣ ба хотири об: даъват ба амали дастҷамъӣ» иштирок намуд
Тоҷикистон дар Ню-Йорк ҳамоиши сатҳи баланд оид ба ҳифзи пиряхҳо ва таҳкими устувории иқлим баргузор намуд
Ҳамкории мутақобили судманд байни Тоҷикистон ва Ироқ баррасӣ гардид
Сироҷиддин Муҳриддин нақши фаъоли Тоҷикистонро дар доираи СММ ва саҳми ташаббусҳои байналмилалӣ таъкид намуд
