Вазири корҳои хориҷии Тоҷикистон дар Муколамаи Ҳиндустон ва Осиёи Марказӣ иштирок намуд
ДУШАНБЕ, 19.12.2021 /АМИТ «Ховар»/. 19 декабр дар Деҳлӣ нишасти 3-юми вазирони корҳои хориҷии Муколамаи Ҳиндустон ва кишварҳои Осиёи Марказӣ баргузор гардид, ки дар он Вазири корҳои хориҷии Тоҷикистон Сироҷиддин Муҳриддин иштирок намуд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Вазирони корҳои хориҷии Тоҷикистон роҳҳои таҳкими абзори мазкур, густариши ҳамкории тиҷоратию иқтисодӣ ва пайванди байниминтақавӣ миёни Ҳиндустон ва кишварҳои Осиёи Марказиро баррасӣ карданд.
Сироҷиддин Муҳриддин бо таваҷҷуҳ ба зарурати ҳамкории муштарак дар татбиқи иқтидори бузурги рушди иқтисодию сармоягузорӣ иброз намуд, ки Тоҷикистон ба таҳкими бештари фаъолияти Муколамаи Ҳиндустон ва Осиёи Марказӣ аҳамияти хос зоҳир менамояд. Дар ин замина мусоидат ба раванди татбиқи лоиҳаҳои бузурги зербиноӣ, нақлиётӣ, иқтисоди сабз, рақамикунонӣ ва дигар самтҳои мавриди таваҷҷуҳи тарафайн ҷиҳати тавсеаи иқтидор ва имконияти содиротӣ таъкид гардид.
Гузашта аз ин, намояндагони кишварҳои узви муколама перомуни равандҳои ҷаҳонӣ ва минтақавӣ, аз ҷумла вазъият дар Афғонистон ва ҷалби ҷомеаи ҷаҳонӣ барои аз байн бурдани мушкилоти гуманитарӣ дар кишвар табодули андеша намуданд.
Дар интиҳо оид ба натиҷаҳои нишасти сеюми Муколамаи Ҳиндустон ва кишварҳои Осиёи Марказӣ Изҳороти муштарак қабул гардид.
АКСҲО: ВКХ ҶТ
Сафири Тоҷикистон бо муовини якуми Вазири корҳои дохилии Арабистони Саудӣ мулоқот намуд
Сафири Тоҷикистон бо Вазири авиатсияи граждании Миср мулоқот намуд
Дар Душанбе омодагӣ ба Форуми ҳамкории «Осиёи Марказӣ-Ҷумҳурии Корея» мавриди баррасӣ қарор гирифт
Ҳамкории вилояти Хатлони Тоҷикистон ва вилояти Марии Туркманистон баррасӣ гардид
Дар Женева доир ба Конфронси байналмилалии сатҳи баланд оид ба ҳифзи пиряхҳо нишасти хабарӣ баргузор шуд
Сафири Тоҷикистон бо Директори генералии Академияи дипломатии Анвар Гаргаши Амороти Муттаҳидаи Араб мулоқот намуд
Тоҷикистон аъзои Гурӯҳи дӯстони Эътилофи тамаддунҳои СММ гардид
Гӯшаи фарҳангии Тоҷикистон дар Фестивали оила ва кӯдак дар шаҳри Кванҷуи Корея ташкил карда шуд
Ҳайати Тоҷикистон дар Нишасти сатҳи баланди Конвенсияҳои Базел, Роттердам ва Стокҳолм иштирок намуд
Сафири Тоҷикистон бо Директори генералии Маркази омӯзиш ва таҳқиқоти стратегии Амороти Муттаҳидаи Араб мулоқот намуд
Акрам Каримӣ бо раиси Федератсияи палатаҳои тиҷоратии Арабистони Саудӣ мулоқот намуд
Дар шаҳри Масқат дар мавзуи тақвияти муносибатҳои дуҷонибаи Тоҷикистон ва Уммон ҳамоиш доир гардид
