МИЛЛИОНҲО НАФАР ХОНДАНД. Мусоҳибаи Рустами Эмомалӣ бо хабаргузории «Синхуа» дар ВАО Чин инъикоси васеъ пайдо намуд

Январь 5, 2022 11:48

ДУШАНБЕ, 05.01.2022 /АМИТ «Ховар»/Тавре қаблан хабар дода будем, Раиси Маҷлиси миллии Маҷлиси Олии Ҷумҳурии Тоҷикистон ва Раиси шаҳри Душанбе Рустами Эмомалӣ чанде пеш бахшида ба 30-юмин солгарди барқарории равобити дипломатӣ миёни Чин ва Тоҷикистон бо хабаргузории «Синхуа» мусоҳибаи ихтисосӣ анҷом доданд. Мусоҳиба дар воситаҳои ахбори оммаи Ҷумҳурии Мардумии Чин инъикоси васеъ пайдо намуд,-иттилоъ додааст имрӯз хабарнигори махсуси АМИТ «Ховар».

Дар рӯзи барқарории равобити дипломатӣ, 4 январ, хабаргузории «Синхуа», сомонаҳои Телевизиони давлатии Ҷумҳурии Мардумии Чин (CCTV), рӯзномаи «Global Times» ва ғайра матни аслии мусоҳибаи Рустами Эмомалиро нашр намуданд.

Аз ҷумла, «The Global Times» — рӯзномаи таблоидии чинӣ, ки таҳти сарпарастии рӯзномаи «Жэнмин Жибао» нашр шуда, ба масоили байналмиллалӣ таваҷҷуҳ зоҳир мекунад, пораеро аз мусоҳиба бо Рустами Эмомалӣ таҳти унвони «Мо аввалин кишваре дар ҷаҳон ҳастем, ки бо Чин шартнома ба имзо расонидаем» нашр намудааст. Он таваҷҷуҳи бисёр корбарони интернетии чиниро ба худ ҷалб карда, тақрибан 1 миллион тамошобин пайдо кардааст».

Ҳамзамон мусоҳибаи ихтисосӣ дар ахбори «Sina.com», «Новая волна», «163.com», «Ванъи», «Зарубежная сет» рағбати афзун ба миён оварда, дар даҳҳо воситаҳои ахбори оммаи бонуфузи Чин бознашр гардид.

 АКСҲО аз бойгонии «Ховар»/скриншот

Январь 5, 2022 11:48

Хабарҳои дигари ин бахш

Дар Душанбе барои хизматчиёни давлатӣ машғулият баргузор гардид
Робитаҳои дуҷониба миёни парлумонҳои Тоҷикистон ва Чин тақвият меёбанд
БУНЁДИ МИЛЛАТ АЗ МАОРИФ ОҒОЗ МЕЁБАД. Доир ба пешниҳоди роҳҳои нави омӯзиши илмҳои табиӣ ва риёзиву дақиқ ҳамоиш баргузор гардид
Фарҳод Раҳимӣ ва Тзи Шумин масоили густариши робитаҳои байнипарлумонии Тоҷикистон ва Чинро баррасӣ намуданд
Дар Маҷлиси намояндагон лоиҳаи Қонун «Дар бораи мораторий ба санҷишҳои фаъолияти субъектҳои соҳибкорӣ» баррасӣ шуд
Шартнома миёни Ҷумҳурии Тоҷикистон ва Федератсияи Русия оид ба ҳамкорӣ дар соҳаи таъмини нафақа. Шарҳи АМИТ «Ховар» дар ин мавзӯъ
Ҳиндустон ба Тоҷикистон барои татбиқи лоиҳаҳо дар соҳаи иҷтимоӣ кумаки грантӣ мерасонад
Дар ҷаласаи навбатии иҷлосияи сеюми Маҷлиси намояндагон ба якчанд қонун тағйиру иловаҳо ворид гардиданд
Муҳаммадраҳим Юсуфӣ дар муколамаи вакилони парлумонҳои кишварҳои Осиёи Марказӣ оид ба тағйирёбии иқлим иштирок намуд
Насиба Содиқӣ бори дуюм муовини раиси Комиссияи доимии Ассамблеяи Байнипарлумонии ИДМ оид ба илм ва маориф интихоб гардид
Вакили Маҷлиси намояндагон Зоир Раҳмонзода дар ҷаласаи Комиссияи доимии АБ ИДМ иштирок намуд
Ҷаласаи комиссияи доимии Ассамблеяи Байнипарлумонии ИДМ оид ба масъалаҳои ҳуқуқӣ, амният, илм ва маориф баргузор гардид