Ҷамшед Табарзода бо кормандони соҳаи ҳифзи ҳуқуқ ва тартиботи ҷамъиятии шаҳри Душанбе мулоқот намуд
ДУШАНБЕ, 29.01.2022 /АМИТ «Ховар»/. 28 январ дар мақомоти иҷроияи ҳокимияти давлатии ноҳияи Шоҳмансур ҷиҳати шарҳи Паёми навбатии Президенти мамлакат муҳтарам Эмомалӣ Раҳмон ба Маҷлиси Олӣ мулоқоти роҳбарияти мақомоти иҷроияи ҳокимияти давлатии шаҳри Душанбе бо кормандони соҳаи ҳифзи ҳуқуқ ва тартиботи ҷамъиятии пойтахт доир гардид, хабар доданд аз мақомоти иҷроияи ҳокимияти давлатии шаҳри Душанбе ба АМИТ «Ховар».
Дар мулоқот муовини якуми Раиси шаҳри Душанбе Ҷамшед Табарзода зикр намуд, ки тавре Сарвари давлат дар Паёмашон таъкид намуданд, мақомоти ҳифзи ҳуқуқ ва дигар сохторҳои марбутаи кишварро зарур аст, то фаъолияти худро дар самти пешгирӣ ва мубориза бар зидди гардиши ғайриқонунии маводи мухаддир ба таври ҷиддӣ тақвият бахшида, тамоми имкониятҳоро барои ошкор намудани гурӯҳҳои муташаккили ҷиноятпеша ва қочоқи маводи мухаддир сафарбар намоянд.
«Мардуми шарафманди тоҷик метавонанд дар шароити мураккабу буҳронии ҷаҳони муосир бо нангу номуси ватандорӣ, ҳисси баланди миллӣ ва иродаи қавӣ Ватани муқаддаси худро ҳифз намоянд, онро боз ҳам ободу зебо гардонанд ва нуфузу обрӯи Тоҷикистони озоду соҳибихтиёрро дар арсаи байналмилалӣ баланд бардоранд»-афзуд Ҷамшед Табарзода.
Инчунин зимни баромади иштирокчиён зикр гардид, ки бо таваҷҷуҳи роҳбарияти шаҳр зина ба зина заминаи моддию техникӣ ва ҳайати кормандони мақомоти ҳифзи ҳуқуқи пойтахт беҳтар гардида, шароити хуби кору фаъолият барои кормандони ин ниҳоди қудратӣ фароҳам шудааст. Мушоҳида ва таҳлилҳои охир нишон медиҳад, ки кормандони милитсия муҳофиз ва ҳомии халқу ватан будани худро бештар собит намуда, бо мардум дар ҳама бахшҳо ҳамкории судманд дорад.
Тазаккур дода шуд, ки саъю кӯшиши ҳар як корманди мақомоти милитсияи пойтахт ба он равона гардидааст, ки ҳифзи тартиботи ҷамъяитӣ ва амнияти шаҳрвандон дар сатҳи баланд таъмин гардида, субботу оромӣ дар кишвар, махсусан шаҳри Душанбе пойдор ва кифили пешравию рушди устувори Тоҷикистони соҳибистиқлол гардад.
АКСҲО: МИҲД-и шаҳри Душанбе
Иҷлосияи шашуми Маҷлиси вакилони халқи шаҳри Душанбе, даъвати ҳафтум баргузор мешавад
Душанбе мизбони DITE-2026 ва Форуми байналмилалӣ оид ба сайёҳии устувор мегардад
ИДИ ТИРГОН — БРЕНДИ САЙЁҲИИ ФАРҲАНГИИ ТОҶИКИСТОН. Андешаҳо дар ин мавзуъ
Дар Душанбе маросими пардабардорӣ аз нимпайкараи шоир, адиби классикии асри миёнаи Гурҷистон Шота Руставелӣ баргузор гардид
Бо мақсади муаррифии бештари имконияти сайёҳии шаҳри Душанбе лоиҳаи инноватсионии «QR-роҳнамо» таҳия гардид
Ҷаласаи Шурои ҳамоҳангсозии фаъолият дар соҳаи сайёҳӣ баргузор гардид
Эмомалӣ Раҳмон — меъмори сулҳ ва ваҳдати миллии тоҷикон
Дар Душанбе хатсайри нави автобуси барқӣ ба фаъолият оғоз намуд
Масоили рушди низоми нақлиёти шаҳри Душанбе бо БАТР баррасӣ гардид
Дурнамои рушди ҳамкорӣ байни шаҳри Душанбе ва Гурӯҳи Бонки ҷаҳонӣ баррасӣ гардид
РӮЗИ ФАРҲАНГИ НОҲИЯИ ШАҲРИНАВ. Ин чорабинӣ дар фазои идона баргузор шуд
РӮЗИ ФАРҲАНГИ НОҲИЯИ ПАНҶ. Деҳқонон беҳтарин маҳсулоти кишоварзиро пешниҳоди сокинону меҳмонони пойтахт намуданд
