СЕ САБАҚ БАРОИ ДАВЛАТҲОИ СААД. Ва ё Чӣ бояд кард, то фоҷиаи Алмаато аз нав такрор нашавад- назари коршинос

Январь 18, 2022 11:34

ДУШАНБЕ, 18.01.2022 /АМИТ «Ховар»/. Сармуҳаррири маҷаллаи «Евразия.Эксперт», таҳлилгари сиёсӣ Вячеслав Сутирин (ДАР АКС) дар барномаи Sputnik Беларус нуқтаи назари худро дар бораи он ки чаро ҳодисаҳо дар Қазоқистон босуръат пеш рафтанд ва чӣ барои наҷоти кишвар кумак намуд, ҳамчунин чӣ бояд кард, то чунин фоҷиаҳо минбаъд рух надиҳанд, баён намуд.

Вячеслав Сутирин зикр кард, ки таҳлили рӯйдодҳои Қазоқистон имкон медиҳад, ки барои кишварҳои ИДМ се дарси асосӣ ҷудо карда шавад.

«Аввалан — умеди шаффоф ба он ки ба мо сармояҳою маблағҳо меоянд, мо бо ҳама дӯстӣ мекунем, аз ин рӯ набояд ба касе такя карду муносибатҳои махсуси амиқ ба роҳ монд. Хайрият ки Қазоқистон узви СААД аст. Маҳз ҳамин «умеди охирин» буд, ки кишварро наҷот дод», — иброз намуд коршинос».

Ба гуфтаи ӯ, дарси дуюм таҳкими СААД ва иқтидори он барои вокуниши фаврӣ ба чунин хатарҳост.

«Сеюм — набояд танҳо бо таҳкими соҳаи низомии амният маҳдуд шавем. Амнияти иттилоотӣ ва ҷамъиятӣ хеле муҳим аст. Ин решаи мушкилотест, ки баъдан хусусияти системавӣ ва ҳарбӣ пайдо мекунанд. Инҷо таблиғи ҷараёнҳои радикалӣ дар назар аст- шурӯъ аз  миллатгароии радикалӣ то ба ифротгароии динӣ»,- гуфт Сутирин.

Ёдовар мешавем, ки қаблан Президенти Тоҷикистон Эмомалӣ Раҳмон  низ аз зарурати таҳияи низоми ҳифзи фазои иттилоотӣ сухан гуфта буданд.

Сарвари давлат таваҷҷуҳи аъзои Шӯроро ба ҳузури ҳуҷайраҳои хуфтаи терроризми байналмилалӣ, ифротгароӣ ва радикализм дар кишварҳои узви СААД ва ҷалбу таблиғи онҳо миёни шаҳрвандон ҷалб намуданд. Дар ин замина Эмомалӣ Раҳмон хостори таҳкими фаъолияти муштараки мақомоти салоҳиятдори кишварҳои узви СААД барои муқобила бо ин хатару таҳдидҳо шуданд.

                                                                       АКС: Sputnik

Январь 18, 2022 11:34

Хабарҳои дигари ин бахш

Беш аз 300 таълимгирандаи Донишкадаи ҳарбӣ савганди садоқат ба Ватан ёд намуд
Дар Тоҷикистон назорат барои таваққуфи нодуруст дар ҷойҳои манъшуда пурқувват карда шуд
Дар Душанбе Маркази зиддимухаддиротии Созмони ҳамкории Шанхай таъсис меёбад
Дар Душанбе Маркази тамоси электронӣ оид ба қабули муроҷиатҳо ташкил карда шуд
АМАЛИЁТИ «БАЧАҲО». Бо мақсади пешгирии ҳодисаҳои роҳу нақлиёт бо иштироки кӯдакону наврасон гузаронида мешавад
Сатҳи забондонии кормандони милитсияи Хатлон санҷида мешавад
Дар шаш моҳ дар Тоҷикистон 495 ҳолати машғул шудан ба ҷодугарӣ ва фолбинӣ ошкор карда шуд
«МАДАНИЯТИ ШАҲРДОРӢ». Дар Хатлон бо мақсади таҳким бахшидани ҳамкорӣ бо аҳолӣ амалиёт гузаронида шуд
Дар Душанбе татбиқи марҳилаи дуюми лоиҳаи «Шаҳри бехатар» баррасӣ гардид
Дар Хатлон масъалаҳои ҳифзи тартиботи ҷамъиятӣ баррасӣ карда шуданд
Дар Вазорати мудофиаи Тоҷикистон тарҳрезии либоси хизматчиёни ҳарбӣ дар шакли ягонаи миллӣ баррасӣ гардид
Сатҳи забондонии кормандони Вазорати корҳои дохилӣ санҷида мешавад