Дар ноҳияи Шоҳмансури шаҳри Душанбе майдончаи варзишӣ ифтитоҳ ёфт
ДУШАНБЕ, 08.01.2022. /АМИТ «Ховар»/. Дар доираи корҳои бунёдкорию созандагӣ дар пойтахт ва тибқи нақшаи чорабиниҳои мақомоти иҷроияи ҳокимияти давлатии шаҳри Душанбе дар ноҳияи Шоҳмансур майдончаи муосири варзишӣ мавриди баҳрабардорӣ қарор дода шуд, хабар доданд аз шуъбаи иттилоотии дастгоҳи Раиси шаҳри Душанбе.
Майдончаи мазкур дар маҳаллаи Бадахшон 2-и ноҳияи Шоҳмансури пойтахт бо ташаббуси вакили Маҷлиси вакилони халқи шаҳри Душанбе ва шарикони рушд сохта шудааст. Дар расми ифтитоҳи майдончаи варзишӣ муовини Раиси шаҳри Душанбе Дилшод Одиназода, намояндагони сохторҳои марбутаи мақомоти иҷроияи ҳокимияти давлатии шаҳри Душанбе ва ноҳияи Шоҳмансур, инчунин сокинони маҳаллаи Бадахшон 2 ширкат намуданд.
Дар инҷо дар баробари майдончаи варзишӣ мавзеъ барои дилхушиву фароғати кӯдакон ва тамрини онҳо низ бо фароҳам овардани шароити зарурӣ бунёд гардидааст. Як суҳбатгоҳ низ аз ҷумлаи қисматҳои дигари иншооти мавриди назар мебошад.
Сокинон қаноатманд аз онанд, ки бо ташаббуси Раиси шаҳри Душанбе муҳтарам Рустами Эмомалӣ соҳиби чунин майдончаи муосири варзишӣ гардиданд. Зеро дар гузашта сокинони маҳалла ба чунин иншоот эҳтиёҷ доштанд. Аз сокинони хонаҳои атрофи майдончаи варзишӣ даъват карда шуд, ки барои истифодаи самаранок ва дар ҳолати хуби коршоямӣ нигоҳ доштани он кӯшиш намоянд.
Зимнан тасмим гирифта шуд, ки дар идомаи тадбирҳои созандагиву бунёдкоронаи роҳбарияти олии мамлакат ва мақомоти иҷроияи ҳокимияти давлатии шаҳри Душанбе ояндаи наздик дар маҳаллаи Бадахшон 2 бунгоҳи тиббӣ низ сохта шавад.
Зикр гардид, ки корҳои ободониву созандагие, ки давоми солҳои охир дар шаҳраку маҳаллаҳо амалӣ карда шудаанд, аз ҳадафҳои роҳбарияти шаҳри Душанбе дар самти мутобиқ намудани пойтахти кишвар ба талаботи муосири шаҳрсозӣ ба шумор мераванд.
Татбиқи ин ва дигар тадбирҳои созанда дар баробари фароҳам овардани шароити хуби истироҳату фароғат барои сокинону меҳмонони пойтахт, инчунин симои шаҳрро боз ҳам ободу зебо менамояд.
АКСҲО аз шуъбаи иттилоотии дастгоҳи Раиси шаҳри Душанбе
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
ДУШАНБЕ — ШАҲРИ СУЛҲУ СУБОТ ВА ВАҲДАТИ МИЛЛӢ. Иқтибосҳо аз суханрониҳои Президенти Тоҷикистон ба муносибати Рӯзи пойтахт
Фарҳод Раҳимӣ: «Рушди шаҳри Душанбе дар замони муосир ва нақши Раиси шаҳр муҳтарам Рустами Эмомалӣ дар шаклгирии фазои иҷтимоӣ ва маънавӣ»
ЧУ ДИЛ ДАР СИНААМ ҶОӢ, ДУШАНБЕ… Симои пойтахти Тоҷикистон ба таври шинохтанашаванда дигаргун шудааст
ДУШАНБЕ — ШАҲРИ «САБЗ». Дар пойтахт давоми 9 соли охир зиёда аз 130 миллион дона гули мавсимию бисёрсола шинонида шудааст
НАҚШИ РУСТАМИ ЭМОМАЛӢ ДАР ТАШАККУЛИ СИМОИ НАВИ ПОЙТАХТИ ТОҶИКИСТОН. Ба Рӯзи пойтахти Ҷумҳурии Тоҷикистон бахшида мешавад
