ФУТБОЛ. Дастаи Донишгоҳи давлатии Хоруғ мақоми аввал ва Ҷоми Раиси ВМКБ – ро соҳиб шуд

Январь 15, 2022 10:15

ДУШАНБЕ, 15.01.2022 /АМИТ «Ховар»/.  Баҳри ба даст овардани Ҷоми Раиси Вилояти Мухтори Кӯҳистони Бадахшон ва бо ҳадафи таҳкими тарзи ҳаёти солиму оммавияти варзиш дар Маҷмааи варзишии шаҳри Хоруғ миёни 12 дастаи ҷавонон мусобиқаи футбол баргузор гардид, ки дар натиҷа дастаи Донишгоҳи давлатии Хоруғ мақоми аввал ва Ҷоми Раиси вилоятро соҳиб гардид.

Тавре аз ДДХ ба АМИТ “Ховар” иттилоъ доданд, дар мусобиқа асосан донишҷӯёни муассисаҳои олӣ ва кормандони ҷавони раёсату идораҳои маҳаллӣ бо ҳам рақобат намуда, ғолибон бо ҷом, медал, ифтихорнома, мукофоти пулии мақомоти иҷроияи ҳокимияти давлатӣ ва Раёсати кор бо ҷавонон ва варзиши вилоят қадрдонӣ гардиданд.

Аз рӯи натиҷаҳои даври ҷамъбастӣ дастаҳои “МИҲД – и шаҳри Хоруғ” ва “Ҷавонон” зинаҳои сеюму дуюмро сазовор шуданд.

Ректори ДДХ, профессор Гулзорхон Юсуфзода аъзои дастаи донишгоҳро баъди ғолибият дар мусобиқаи вилоятӣ бо дилгармии хосса ба ҳузур пазируфта, онҳоро боз ҳам ба дарки моҳияту асолати ватандорӣ, вафодор будан ба миллату давлат, ба таври шоиставу созгор пеша намудани ҳаёти солим ва дар рӯҳияи худшиносӣ пеш бурдани таҳсилу фаъолият ҳидоят намуда, онҳоро бо туҳфаи пулии Раёсати донишгоҳ қадрдонӣ намуд.

 АКСҲО аз  ДДХ

Январь 15, 2022 10:15

Хабарҳои дигари ин бахш

Душанбе мизбони Чемпионати CAFA-2022 оид ба футзал мегардад
Дастаи мунтахаби наврасони Тоҷикистон дар Мусобиқаи байналмилалии «Ҷоми рушд-2021» иштирок мекунад
ФУТЗАЛ. Рақибони дастаи мунтахаби Тоҷикистон дар Мусобиқаи интихобии Ҷоми Осиё-2022 муайян шуданд
6 январ маросими қуръакашии Мусобиқаи интихобии Ҷоми Осиё-2022 оид ба футзал доир мешавад
ФУТБОЛ. Тоҷикистон дар марҳилаи интихобии қуръакашии Ҷоми Осиё-2023 иштирок мекунад
Дастаи «Хуҷанд» бо медалҳои нуқраи Лигаи олии Тоҷикистон-2021 сарфароз гардонида шуд
ФУТБОЛ. Нозим Бобоҷонов ва Нуриддин Давронов ба дастаҳои «Ал-Аҳлӣ»-и Баҳрайн ва «Персита»-и Индонезия гузариш намуданд
АҲСАН! Алишер, Файзалӣ, Далер, Лайло ва Эҳсон — беҳтарин бозингарони соли 2021 эътироф гардиданд
Дар қуръакашии Ҷоми Осиё-2022 мунтахаби Тоҷикистон (U-23) шомили сабади чорум шуд
ФУТБОЛ. Беҳтаринҳои Лигаи олӣ дар соли 2021 соҳиби ҷоиза мегарданд
АҲСАН! Дастаи «Соро компания» бо медалҳои тилло қадрдонӣ гардид
Дар Душанбе Конгресси шашуми КАФА баргузор гардид

Хабарҳои муҳимтарин

Маводҳои таҳлилӣ