Хушбахт Азизбеков ғолиби озмуни «Омӯзгори соли Тоҷикистон-2021» гардид
ДУШАНБЕ, 27.01.202. /АМИТ «Ховар»/. Омӯзгори фанни математикаи муассисаи таҳсилоти миёнаи умумии №7-и шаҳри Хоруғ Хушбахт Азизбеков ғолиби озмуни «Омӯзгори соли Тоҷикистон-2021» гардид. Дар ин бора аз маркази матбуоти Вазорати маориф ва илми Ҷумҳурии Тоҷикистон хабар доданд.
Маросими ҷамъбаст ва туҳфасупорӣ ба ғолибони даври ҷумҳуриявии озмуни «Омӯзгори соли Тоҷикистон-2021» имрӯз дар Вазорати маориф ва илми Ҷумҳурии Тоҷикистон баргузор гардида, дар он муовини якуми Вазири маориф ва илм Муҳаммаддовуд Саломиён, муовини Вазири маориф ва илм Гулчеҳра Ғанизода, сардорони раёсату шуъба ва роҳбарони муассисаҳои тобеи вазорат, намояндагони раёсат, шуъбаҳои маорифи вилоят ва шаҳру ноҳияҳо, кумитаи тадорукоти озмун, аъзои ҳакамон ва иштирокдорони озмун ширкат варзиданд.
Муовини Вазири маориф ва илм Муҳаммадовуд Саломиён иброз дошт, ки Вазорати маориф ва илм ҳамеша омода аст, ки омӯзгорони пешқадаму навовар ва эҷодкорро дастгирӣ ва меҳнати онҳоро қадрдонӣ намояд. Озмун имкон дод, ки иштирокдорон таҷрибаи педагогии худро муаррифӣ намоянд ва дар дарсҳо маҳорату малакаи хешро нишон диҳанд.
Гулчеҳра Ғанизода изҳор дошт, ки тибқи талаботи низомнома, ҳакамон маҳорату малака ва донишу ҷаҳонбинии ҳар довталабро таҳлил намуда, баҳо гузоштанд. Дар баробари ин, иҷрои талаботи ҳар як шарт миёни иштирокдорон муҳокима гардида, андешаи онҳо низ аз тарафи ҳайати ҳакамон ба инобат гирифта шуд. Давоми 3 рӯз донишу малакаи довталабон аз рӯйи 7 шарт санҷида шуд.
Инчунин ба иштирокчиёни дигари озмун, аз ҷумла, омӯзгори фанни географияи литсейи №3 барои хонандагони болаёқат дар шаҳри Душанбе Моҳира Мусоева, омӯзгори синфҳои ибтидоии муассисаи таҳсилоти миёнаи умумии №8-и шаҳри Роғун Сунбула Юсупова, омӯзгори фанни физикаи муассисаи таҳсилоти миёнаи умумии №10-и ноҳияи Б. Ғафуров Наима Зоидова ва омӯзгори фанни физикаи Литсейи тамоюли техникии ба номи «Афлотун» дар ноҳияи Данғара Шавкат Тағоев туҳфаҳои кумитаи тадорукоти озмун супорида шуданд.
Ҳамзамон аз ҷониби Иттифоқи касабаи кормандони маориф ва илми Ҷумҳурии Тоҷикистон ба иштирокчиёни озмун «Сипоснома» ва туҳфаҳои пулӣ супорида шуданд.
АКСҲО аз маркази матбуоти Вазорати маориф ва илми ҶТ
Сокинони ноҳияи Муъминобод соҳиби туҳфаи арзишманди Пешвои миллат — «Шоҳнома» мегарданд
МЕҲРГОН ОМАД, МУБОРАК, МЕҲРГОН ОМАД! Пагоҳ дар Душанбе Иди Меҳргон бо шукуҳу шаҳомати хосса таҷлил мегардад
СИТОРАИ ТОБНОК ДАР САМОИ СИНАМО. Офаридаҳои баландмазмун ба Бахтиёр Худойназаров шуҳрати ҷаҳонӣ бахшид
Коргардон Аҳмад Аминӣ: «Эрониҳо Тоҷикистонро дӯст медоранду орзуи тамошои манзараҳои нотакрори онро доранд»
Феҳристи муштараки шоҳкориҳо ва бозёфтҳои нодири осорхонаҳои миллии Осиёи Марказӣ нашр мегардад
ИДИ МЕҲРГОН-МЕРОСИ НИЁГОН. Давоми таърих дар фарҳанги мардум арзишҳои озмудашудаи миллат побарҷо мондаанд
Дар Академияи миллии илмҳо бо намояндагони Корпоратсияи «Синергия» рушди инфрасохтори рақамӣ баррасӣ шуд
СИНАМОҶАШНВОРАИ БАЙНАЛМИЛАЛИИ «ТОҶИ СОМОН». Дар кинотеатрҳои ҷумҳурӣ беш аз 40 филм намоиш дода мешавад
Дар доираи Рӯзҳои синамои Қирғизистон дар Душанбе филмҳои «Шамбала» ва «Эсимда» намоиш дода мешаванд
Котиби иҷроияи Комиссияи иқтисодии СММ барои Аврупо дар Осорхонаи миллӣ бо тамаддуни тоҷикон шинос гардид
Ҳамкории илмӣ дар самтҳои зеҳни сунъӣ ва рақамикунонӣ бо намояндагони Чин баррасӣ карда шуд
«ДУШАНБЕ ИНВЕСТ-2025». Иштирокдорони Форуми байналмилалии сармоягузорӣ «Қалъаи Ҳисор»-ро тамошо намуданд
