Кушта шудани 4000 нерӯи амниятии Афғонистон дар зимни ғасби қудрат аз тарафи толибон

Январь 2, 2022 08:52

ДУШАНБЕ, 02.01.2022. /АМИТ «Ховар»/. Ҳудуди 4000 нерӯи амниятии Афғонистон аз 1 июл то 15 август, ҳангоми ишғоли ҳокимият аз ҷониби толибон кушта ва 1000 нафари дигар бедарак шудаанд. Дар ин бора АМИТ «Ховар» имруз бо истинод ба рӯзномаи амрикоии «Washington Post»  хабар медиҳад.

 Бино ба гуфтаи собиқ сардори Ситоди артиши Афғонистон Ёсин Зиё ба «Washington Post»,    ин теъдод дар як муддати кӯтоҳ дар муқоиса бо арқоми солонаи панҷ соли ахир, ки теъдоди кушташудагони нерӯҳои амниятӣ дар як сол ба ҳисоби миёна ҳудуди 8 ҳазор нафарро ташкил медод, афзоиши қобили мулоҳизаеро нишон медиҳад.

Рӯзнома ҳафтаҳои пеш аз тасарруфи қудрат аз тарафи толибон Кобулро яке аз макони «маргумир» барои нерӯҳои амниятии Афғонистон дар ду даҳсола гуфта буд.

Зиё бо истинод ба арқоми расмии ҳукумати собиқи Афғонистон гуфтааст, аз соли 2001 то кунун ҳудуди 92 000 корманди амниятӣ кушта шудааст.

Ба навиштаи ин рӯзнома, ин рақамҳо аввалин гузориш дар бораи талафоти низомиёни афғонистонӣ аст, зеро маълумот дар бораи кушташудагон аз соли 2017 махфӣ нигоҳ дошта мешавад.

Илова бар ин, ба навиштаи рӯзнома, чанд ҳафта пеш аз тасарруфи Кобул аз сӯйи толибон*, мақомоти маҳаллӣ сабти теъдоди кушташудагон ва захмиёнро бас карданд.

Авоили моҳи август толибон ҳамлаи худро алайҳи нерӯҳои давлатии Афғонистон афзоиш дода, рӯзи 15-уми август вориди Кобул шуданд ва рӯзи дигар хотимаи ҷангро эълом карданд.

Шаби 31-уми август низомиёни амрикоӣ фурудгоҳи Кобулро тарк карда, ба ҳузури тақрибан 20-солаи низомии Амрико дар Афғонистон хотима доданд.

Аввали моҳи сентябр ҳайати ҳукумати муваққати Афғонистон бо раҳбарии Муҳаммад Ҳасан Охунд эълон шуд, ки дар замони ҳукмронии нахустини ин ҷунбиш вазири умури хориҷа буд ва аз соли 2001 таҳти таҳримоти СММ қарор дорад.

_________________________

*Толибон – ҳаракати террористии мамнуъ дар Тоҷкистон ва дигар кишварҳо

 АКС:  nytimes.com

Январь 2, 2022 08:52

Хабарҳои дигари ин бахш

Прокуратураи генералӣ дар ноҳияи Файзобод ҳолатҳои ғайриқонунӣ додан ва хариду фурӯши заминро ошкор намуд
Сел дар Панҷакент ба 48 гектар замин ва 22 манзили сокинон зарар расонд
СММ омори риққатангези марги кӯдаконро дар Афғонистон расонаӣ кард
Тоҷикистон ҳамкориро бо Кумитаи зиддитеррористии Шӯрои амнияти СММ муҳим арзёбӣ намуд
Дар қароргоҳи СММ «Стратегияи Ҷумҳурии Тоҷикистон оид ба муқовимат ба терроризм ва экстремизм барои солҳои 2021-2025» баррасӣ гардид
Прокурори генералии Тоҷикистон бо Роҳбари Намояндагии Иттиҳоди Аврупо дар СММ мулоқот кард
Тоҷикистон ва Дафтари зиддитеррористии СММ иқдомҳои муштарак оид ба мубориза бар зидди терроризмро баррасӣ намуданд
«ВАТАНПАРВАР». Маҳз чунин мусобиқот имкон медиҳанд, ки ҷавонон маҳорату малакаи ҳарбӣ-варзишии худро такмил диҳанд
Давоми 20 рӯз дар Тоҷикистон маъракаи даъвати ҳарбӣ ба қадри 50 фоиз таъмин шуд
ДАР РАМАЗОН ИНФИҶОР ВА…ЧАШМОНИ АШКБОР. Бар асари ду таркиш дар Кобул беш аз 20 нафар мактаббачагон ҷон бохтанд
Дар Қазоқистон машқҳои Низоми муштараки мудофиаи зиддиҳавоии ИДМ баргузор шуданд
Саидиброҳимови дар ҷустуҷӯбуда бо худиқрорӣ ба мақомоти милитсия ҳозир гардид