Роҳҳои Кӯлоб мутобиқ ба меъёрҳои муосир таъмиру навсозӣ мешаванд

Январь 18, 2022 09:20

ДУШАНБЕ, 18.01.2022 /АМИТ «Ховар»/. Бо мақсади ба танзим даровардани ҳаракати нақлиёт дар хиёбони Исмоили Сомонӣ, назди бозори Саховат ва марказҳои савдои шаҳри Кӯлоб, ки дар ин ҷойҳо танбашавии нақлиёт ба таври доимӣ ба назар мерасад, таъмиру навсозии роҳ аз кӯчаи Худоёр Назаров то назди пули сойи Тебалай дар кӯчаи Чармгарони поён оғоз гардид, хабар доданд ба АМИТ «Ховар» аз мақомоти иҷроияи ҳокимияти давлатии шаҳри Кӯлоб.

Паҳнои роҳ 7 метрро дар бар гирифта, дар ду шафати он бунёди роҳи пиёдагард, шабакаҳои равшаннамоӣ, хатҳои обгузар ва дигар воситаҳои хизматрасонӣ пешбинӣ гардидааст.

Ин қитъаи роҳ мутобиқ ба меъёрҳои муосири роҳсозӣ ва бо риояи қоидаҳои мавҷуда бунёд карда мешавад. Ҳамзамон роҳбарияти шаҳри Кӯлоб масъулини Идораи обу корез, шабакаҳои барқ ва бахши равшаннамоии кӯчаҳоро муваззаф намуд, ки ҷиҳати дар муҳлати муайншуда ва бо сифати баланд иҷро шудани корҳои сохтмонӣ таваҷҷуҳи ҷиддӣ зоҳир намоянд.

Сокинони маҳаллаи Чармгарони поён бо изҳори миннатдорӣ аз ташаббуси созандагии шаҳрдорӣ ваъда доданд, ки баъди навсозию мавриди истифода қарор гирифтани роҳи мошингарди кӯча ҳолати тозаву озода нигоҳ доштани онро таъмин менамоянд.

Дар оянда барои боз ҳам беҳтар гардидани ҳаракати бемамониати нақлиёт аз болои сойи Тебалай пули мошингард бунёд гардида, роҳи паҳлӯи сой аз хиёбони Исмоили Сомонӣ то кӯчаи Даминзода таъмир ва самтҳои ҳаракати нақлиёт муайян карда мешавад.

АКСҲО: мақомоти иҷроияи ҳокимияти давлатии шаҳри Кӯлоб

Январь 18, 2022 09:20

Хабарҳои дигари ин бахш

Вазири кишоварзии Тоҷикистон вобаста ба тақвияти корҳои саҳроӣ бо деҳқонони шаҳри Конибодом суҳбат намуд
Дар шаҳри Хоруғ корхонаи истеҳсоли ҳасиб бунёд мегардад
Дар Суғд барои дарёфти грантҳои раиси вилоят озмун баргузор мешавад
Дар Эстония Хонаи савдои Тоҷикистон таъсис дода мешавад
Намояндагони Тоҷикистон дар «Аirspace world 2024» дар Женева иштирок намуданд
Роҳбари хоҷагии деҳқонии «Бобои Носир»: «Истифодаи оқилонаи 7,5 гектар замин ва даромад аз он дар баланд гардидани сатҳи зиндагии 5 оила мусоидат намуд»
Деҳқонони ноҳияи Мастчоҳ имсол дар майдони зиёда аз 23 ҳазор гектар кишту парвариши зироати кишоварзиро ба нақша гирифтаанд
Дар шаҳри Хуҷанд Намоишгоҳи X байналмилалии савдо «Суғд-2024» доир мегардад
«РОҲ БА СӮИ ТИЁНШОН». Душанбе охири моҳи май мизбони конфронси байналмилалӣ мегардад
Соли 2023 ба буҷети шаҳри Гулистон аз ҳисоби хизматрасонии сайёҳӣ ва табобатӣ зиёда аз 40 миллион сомонӣ ворид шуд
Ҳоҷагидорони Кооперативи истеҳсолии «Сомон-Бохтар»-и ноҳияи Кӯшониён майдони парвариши лимӯро васеъ менамоянд
Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад