Тахмина Абдуалиева ва Фирӯза Ғаниева – ғолибони Озмуни ҷумҳуриявии «Мураббии соли Тоҷикистон– 2021»

Январь 13, 2022 11:20

ДУШАНБЕ, 13.01.2022. /АМИТ «Ховар»/. Мураббияи муассисаи томактабии №23-и шаҳри Хуҷанд Тахмина Абдуалиева ва мураббияи муассисаи томактабии №64-и шаҳри Душанбе Фирӯза Ғаниева дар  Озмуни ҷумҳуриявии «Мураббии соли Тоҷикистон-2021» сазовори ҷойи якум гардиданд, иттилоъ доданд ба АМИТ «Ховар» аз маркази матбуоти Вазорати маориф ва илми Ҷумҳурии Тоҷикистон.

Инчунин дар озмуни мазкур мураббияи муассисаи томактабии №24-и шаҳри Бохтар Мунира Ризоева соҳиби ҷойи дуюм, мураббияи Маркази инкишофи барвақтии кӯдаки Хазинаи Оғохони шаҳри Хоруғ Гулрӯ Гулбекова ва мураббияи муассисаи томактабии №1-и шаҳри Турсунзода Маҳбуба Пулодова сазовори ҷойи сеюм дониста шуданд.

Маросими ҷамъбасти озмун имрӯз дар Вазорати маориф ва илми Ҷумҳурии Тоҷикистон баргузор гардида, дар он муовини якуми Вазири маориф ва илми Ҷумҳурии Тоҷикистон Муҳаммаддовуд Саломиён, муовини Вазири маориф ва илм Гулчеҳра Ғанизода, сардорони раёсату шуъба ва роҳбарони муассисаҳои тобеи вазорат, намояндагони раёсат ва шуъбаҳои маорифи вилоят ва шаҳру ноҳияҳо, кумитаи тадорукоти озмун, аъзои ҳакамон ва иштирокдорони озмун ширкат варзиданд.

Зимни ифтитоҳи озмун Муҳаммадовуд Саломиён зикр кард, ки даври ҷумҳуриявии озмуни «Мураббии соли Тоҷикистон-2021» давоми се рӯз идома ёфта, ҳар довталаб тибқи низомнома шартҳои муайяншударо иҷро намуда, соҳиби холҳои зарурӣ гашт.

Зикр шуд, ки дарёфт ва муаррифӣ намудани мураббиёни боистеъдоду навовар ва эҷодкор, дастгирӣ ва ҳавасмандгардонӣ, ташаккули қобилияту фаъолияти эҷодии онҳо дар замони муосир, такмили донишу маҳорати касбӣ ва паҳн кардани таҷрибаи пешқадами педагогӣ, қадрдонии меҳнати онҳо яке аз ҳадафҳои муҳими озмун маҳсуб меёбад.

Муовини Вазири маориф ва илм Гулчеҳра Ғанизода фаъолияти иштирокчиёни озмунро вобаста ба шартҳо дар алоҳидагӣ мавриди таҳлили ҳамаҷониба қарор дод.

Гуфта шуд, ки дар иҷрои шартҳои муайяншуда – ҳисоботи мураббияҳо дар бораи фаъолияти педагогӣ, саволу ҷавоб аз рӯйи санадҳои меъёрии ҳуқуқии соҳа, таҳлилу баррасии ҳолатҳои равонӣ-педагогӣ, гузаронидани машғулияти таълимӣ, баргузории мизи мудаввар, тасвир ва сохтани мавод тибқи мазмуни раванди таълиму тарбия иштирокдорон фаъолияти хуб нишон дода, ҳунару маҳорат ва донишу малакаашонро пешниҳоди ҳакамон гардониданд.

Дар охир ба ҳамаи иштирокдорон ва ғолибон туҳфаҳои Кумитаи тадорукоти озмун, нишони «Аълочии маориф ва илми Ҷумҳурии Тоҷикистон» ва дигар туҳфаҳои арзишманд тақдим гардиданд. Ҳамзамон аз ҷониби Иттифоқи касабаи кормандони маориф ва илми Ҷумҳурии Тоҷикистон ба иштирокчиёни озмун туҳфаҳои пулӣ ва роҳхат барои истироҳат дар осоишгоҳҳо супорида шуд.

АКСҲО аз маркази матбуоти Вазорати маориф ва илми Ҷумҳурии Тоҷикистон

Январь 13, 2022 11:20

Хабарҳои дигари ин бахш

«Пайравони Камолиддини Беҳзод. Миниатюраи тоҷик». Таҳти чунин унвон дар Осорхонаи миллии Тоҷикистон намоиш ифтитоҳ гардид
«Эҳёи ҳофизаи таърих. Аз ҷонбозиҳои устод Айниву аллома Ғафуров то шоҳкориҳои Пешвои миллат», — шарҳи матбуоти даврии Тоҷикистон
«БОМИ ҶАҲОН». Дар Хоруғ Фестивали 15-уми байналмилалии фарҳангӣ ва сайёҳӣ доир мегардад
«МАН БА САФАР МЕБАРОЯМ!». Манижа Сангин дар Душанбе консерти калон барпо мекунад
ДАРГУЗАШТИ ШОИРИ ШАҲИР ҲУШАНГ СОЯ. Абдулҳамид Самад ӯро аз намояндагони насли шоирони номвари дунёи форсизабон хонд
Дар Узбекистон барои ташкили шабакаи иҷтимоии миллӣ озмун эълон гардид
«ТОҶИКИСТОН-ВАТАНИ АЗИЗИ МАН». 57 нафар довталабон аз Суғд дар даври ниҳоии озмуни ҷумҳуриявӣ иштирок мекунанд
«ТОҶИКИСТОН — ВАТАНИ АЗИЗИ МАН». Дар шаҳри Хоруғ даври вилоятии озмун оғоз ёфт
Дар Самарқанд Симпозиуми байналмилалии ҳайкалтарошӣ бо иштироки ҳунармандони кишварҳои узви Созмони ҳамкории Шанхай оғоз ёфт
Дар ноҳияи Данғара намоиши сайёри «Тоҷикистон–кишвари дарёҳои тиллоӣ» ифтитоҳ гардид
Дар Малайзия ҷомаи нодири таърихии Суғд, ки таърихи 1311-сола дорад, нигоҳдорӣ мешавад
Дар рӯзҳои таҷлили 31-солагии Истиқлолияти давлатӣ барномаҳои фарҳангӣ-фароғатии сиркӣ пешниҳод мегарданд

Маводҳои таҳлилӣ