ДАРАХТ БИНШОН! Дар Боғи «Тоҷикистон»-и ноҳияи Мастчоҳ ниҳолҳои ороишию мевадиҳанда шинонида шуданд
ДУШАНБЕ, 17.01.2022 /АМИТ «Ховар»/. 15 январ Раиси вилояти Суғд Раҷаббой Аҳмадзода дар маъракаи ниҳолшинонӣ дар Боғи фарҳангӣ-фароғатии «Тоҷикистон»-и ноҳияи Мастчоҳ иштирок намуда, ба корҳои ободонию сабзазоркунӣ дар ноҳия оғоз бахшиданд. Боғи «Тоҷикистон» 8 гектар масоҳат дошта, соли 2020 пас аз навсозӣ бо иштироки Президенти Ҷумҳурии Тоҷикистон муҳтарам Эмомалӣ Раҳмон мавриди истифода қарор гирифта буд.
Тавре аз хадамоти матбуоти Раиси вилояти Суғд ба АМИТ «Ховар» иттилоъ доданд, бо иштироки раиси вилоят, роҳбари ноҳия ва кормандони ташкилоту идораҳо дар ду мавзеи ноҳия- Боғи фарҳангӣ-фароғатии «Тоҷикистон» ва қароргоҳи мақомоти иҷроияи ҳокимияти давлатии ноҳия ниҳолҳои ороишию мевадиҳанда шинонида шуданд.
Дар Боғи фарҳангӣ-фароғатии «Тоҷикистон» 2000 адад гул, 520 адад дарахтони ороишӣ, 50 адад дарахтони мевадиҳанда мавҷуд буда, ҳамзамон дорои фаввораҳо ва суҳбаткадаҳо мебошад. Бо ташкили ҳашари ниҳолшинонӣ шумораи дарахтони ороишии боғ боз ҳам афзуд.
Дар қароргоҳи мақомоти иҷроияи ҳокимияти давлатии ноҳия ниҳолҳои мевадиҳандаи чормағз шинонида шуданд.
Раиси вилоят ба роҳбарияти ноҳия ҷиҳати тақвияти корҳои сабзазоркуниву хуррамгардонӣ ва ободонию созандагӣ супоришҳо дода, зикр кард, ки мавзеъҳои истироҳатӣ ва маконҳои ҷамъиятии ноҳия бояд ҳамеша сабзу хуррам ва тозаву озода бошанд.
АКС: Хадамоти матбуоти Раиси в. Суғд
МАСЛИҲАТИ МУТАХАССИС. Навдаҳои зиёдатии дарахтонро бояд охири зимистон ва аввали баҳор бурид
Дар шафати роҳи байналмилалии шаҳри Панҷакент беш аз 1500 бех ниҳол шинонида шуд
Дар канори шоҳроҳи мошингарди Данғара–Душанбе беш аз 4000 бех ниҳол шинонида шуд
ДАРАХТ БИНШОН! Соли 2026 дар ноҳияи Рӯдакӣ 22 ҳазор бех ниҳоли ороишию сояафкан шинонида мешавад
ДАРАХТ БИНШОН! Дар шафати роҳи Бохтар–Душанбе маъракаи ниҳолшинонӣ баргузор гардид
Дар Ҷамоати деҳоти ба номи Садриддин Айнии ноҳияи Хуросон чоҳи амудӣ ба истифода дода шуд
Дар канори роҳи ёдгории Панҷакенти қадим 600 бех ниҳоли санавбар шинонида шуд
ДАРАХТ БИНШОН! Омӯзгорону донишҷӯёни Донишгоҳи давлатии Бохтар беш аз ҳазор бех ниҳол шинониданд
ДАРАХТ БИНШОН! Дар Тоҷикистон намоиш — фурӯши ниҳолҳои ҳамешасабз, ороишӣ ва мевадиҳанда оғоз гардиданд
Дар теппаҳои шоҳроҳҳои Душанбе ва ноҳияҳои тобеи ҷумҳурӣ беш аз 106 ҳазор бех ниҳол шинонида шуд
«ДУШАНБЕ — ШАҲРИ САБЗ». Дар ноҳияи Синои пойтахт зиёда аз 175 ҳазор бех дарахтон шинонида шуданд
