Вазири корҳои хориҷии Чин ба пешгирии ҷанг дар Осиёи Марказӣ даъват намуд
ДУШАНБЕ, 11.01.2022 /АМИТ «Ховар»/. Вазири корҳои хориҷии Чин Ван И зимни суҳбати телефонӣ бо ҳамтои русаш Сергей Лавров гуфт, ки Чин ва Русия ҳамчун узви доимии Шӯрои амнияти СММ набояд иҷоза диҳанд, ки кишварҳои Осиёи Марказӣ ба бесарусомонӣ ва ҷанг гирифтор шаванд. Суханони ӯро имрӯз, 11 январ, сомонаи ВКХ Чин иқтибос овардааст, хабар медиҳад АМИТ «Ховар».
«Чин ва Русия ҳамчун узви доимии Шӯрои амнияти СММ ва ҳамсояҳои дӯсти кишварҳои Осиёи Марказӣ бояд нагузоранд, ки Осиёи Марказӣ ба бесарусомонӣ ва ҷанг гирифтор шавад», — таъкид кард Ван И.
Ӯ илова намуд, ки «Москва ва Пекин бояд ба амиқтар кардани ҳамоҳангӣ ва ҳамкорӣ, муқовимат ба мудохилаи неруҳои беруна ба корҳои дохилии кишварҳои Осиёи Марказӣ идома диҳанд».
Илова бар ин, Ван И даъват кард, ки пеши роҳи «инқилобҳои ранга» ва «се неруи бадӣ» (терроризм, экстремизм, сепаратизм, — тавзеҳи АМИТ «Ховар») гирифта шавад, то боиси «бесарусомонӣ» нагарданд.
Ӯ тазаккур дод, ки Москва ва Пекинро низ мебояд ба кишварҳои Осиёи Марказӣ дар мубориза бо пандемия ва рушди иқтисодашон кумак намоянд ва барои аз байн бурдани заминаҳои иҷтимоие, ки бесуботӣ ба вуҷуд меоранд, талош варзанд.
Ба ақидаи ӯ, Русия ва Чин бояд «таҳкими ҳамоҳангӣ ва ҳамёрии Созмони ҳамкории Шанхай ва СААД-ро барои вокуниши муштарак ба чолишҳои мухталифи амнияти минтақа дастгирӣ кунанд».
Суҳбати телефонии Сергей Лавров ва Ван И як рӯз пеш сурат гирифт. Тавре Вазорати корҳои хориҷии Русия хабар дод, вазирон вазъи Қазоқистонро баррасӣ намуда, нигаронии худро аз дахолати неруҳои беруна ба ҳаводиси ин ҷумҳурӣ иброз кардаанд.
АКС: anna-news.info
Маркази матбуоти Вазорати корҳои дохилии Ҷумҳурии Тоҷикистон хабар медиҳад
Дар Душанбе корхонаи ғайриқонунии истеҳсоли доруворӣ ошкор гардид
Натиҷаҳои даъвати шаҳрвандон ба сафи Қувваҳои Мусаллаҳи Тоҷикистон ҷамъбаст гардиданд
ФАРЗАНДОНИ ХУДРО БЕНАЗОРАТ НАГУЗОРЕД! Ҳангоми шиноварӣ қоидаҳои бехатариро бояд риоя намуд
Ҳайати Тоҷикистон дар ҷаласаи вазирони корҳои дохилии давлатҳои аъзои СҲШ дар Бишкек иштирок намуд
Тоҷикистон ва Эрон ҳамкориро дар самти мубориза бар зидди ҷиноятҳои муташаккили фаромиллӣ тақвият мебахшанд
Эмомалӣ Собирзода дар ҷаласаи Шурои вазирони мудофиаи кишварҳои аъзои Созмони Аҳдномаи амнияти дастҷамъӣ иштирок кард
РӮЗИ КОРМАНДОНИ МАҚОМОТИ НАЗОРАТИ МАВОДИ НАШЪАОВАР. Ба ин муносибат ҷаласаи тантанавӣ баргузор гардид
Таҳти унвони «Нақши зеҳни сунъӣ дар рушди Қувваҳои Мусаллаҳ» конференсияи ҷумҳуриявии илмӣ-ҳарбӣ доир шуд
Раёсати ВКД дар вилояти Хатлон: «Таътили тобистона бояд ба давраи тарбия, донишандӯзӣ ва истироҳати солим табдил ёбад»
Юсуф Раҳмон дар Форуми байналмилалии амният ва Вохӯрии байналмилалии намояндагони воломақом иштирок намуд
РӮЗИ ҚӮШУНҲОИ САРҲАДӢ. Афсарону сарбозони ин ниҳод рисолати фарзандии худро дар назди Ватан – Модар ва халқу давлат бо сарбаландӣ адо менамоянд
