Чаҳорчӯби нави ҳамкории СММ оид ба рушди устувор дар Тоҷикистон барои солҳои 2023-2026 таҳия мегардад
ДУШАНБЕ, 19.02.2022 /АМИТ «Ховар»/. 18 феврал мулоқоти Намояндаи доимии Ҷумҳурии Тоҷикистон дар СММ Ҷонибек Ҳикмат бо муовини Дабири кулли СММ Амина Муҳаммад баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар мулоқот масъалаҳои мубрами ҳамкории Ҷумҳурии Тоҷикистон ва Созмони Милали Муттаҳид, аз ҷумла дар бахши татбиқи Ҳадафҳои рушди устувор ва ташаббуси «Нури рӯшноӣ» баррасӣ шуданд. Масъалаи раванди таҳияи Чаҳорчӯби нави ҳамкории СММ оид ба рушди устувор дар Тоҷикистон барои солҳои 2023-2026 низ мавриди муҳокима қарор гирифт.
Ҳамчунин ҷонибҳо атрофи татбиқи ҳадафу вазифаҳои Даҳсолаи байналмилалии амал «Об барои рушди устувор, 2018-2028» ва баргузории чорабиниҳои сатҳи байналмилалӣ дар доираи он, аз ҷумла Конфронси Душанбе– 2022 табодули назар намуданд.
Тавре қаблан АМИТ «Ховар» хабар дода буд, 15 июли соли 2021 дар Душанбе ҷаласаи муштараки Вазорати рушди иқтисод ва савдо ва Дафтари ҳамоҳангсозии доимии Созмони Милали Муттаҳид дар Ҷумҳурии Тоҷикистон зери унвони «Муаррифӣ ва тасдиқи харитаи роҳи Чаҳорчӯби нави ҳамкории СММ оид ба рушди устувор» баргузор гардид.
Дар ҷаласаи мазкур бо мақсади баланд бардоштани сатҳи огоҳии мақомоти давлатӣ аз раванди таҳияи Чаҳорчӯби нави ҳамкории СММ оид ба рушди устувор дар Тоҷикистон барои солҳои 2023-2026, ки ҷиҳати татбиқи барномаҳои муштараки Созмони Милали Муттаҳид дар кишвари мо замина фароҳам меорад, ба саволҳои ҳозирин посухҳои мушаххас доданд.
Шоёни зикр аст, ки пешнависи ниҳоии Чаҳорчӯби нави ҳамкории СММ оид ба рушди устувор то моҳи июни 2022 омода ва ба Ҳукумати Ҷумҳурии Тоҷикистон ҷиҳати баррасӣ ва тасдиқи баъдӣ ироа хоҳад шуд.
АКС: ВКХ ҶТ
Тоҷикистон густариши ҳамкориро бо Институти ҷаҳонии рушди сабз баррасӣ намуд
Тоҷикистон ва Иёлоти Муттаҳидаи Амрико густариши ҳамкориро дар соҳаҳои иқтисод, сармоягузорӣ ва гуманитарӣ баррасӣ намуданд
Директори АМИТ «Ховар» дар ҷаласаи Шурои роҳбарони агентиҳои давлатии иттилоотии ИДМ дар шаҳри Боку иштирок намуд
Маҷмаи Умумии СММ ташаббуси Президенти Тоҷикистонро оид ба эълони Рӯзи байналмилалии морхӯр якдилона қабул намуд
Даври сеюми машваратҳо оид ба масъалаҳои консулии Тоҷикистон ва Озарбойҷон доир шуд
Дар Душанбе машваратҳои сиёсии Тоҷикистон ва Озарбойҷон баргузор шуданд
Дар Женева бо ташаббуси Тоҷикистон чорабинии давлатҳои аъзои Созмони Милали Муттаҳид марбут ба обу иқлим баргузор шуд
Сарвазири Ҷумҳурии Тоҷикистон Қоҳир Расулзода бо Президенти Бонки Аврупоии Таҷдид ва Рушд Одил Рено-Бассо мулоқот намуд
Тоҷикистон ва Нидерланд баргузории Конфронси сеюми оби Душанберо муҳим ва саривақтӣ арзёбӣ намуданд
Тоҷикистон ва Индонезия ҳавасмандиашонро ба таҳкими ҳамкории дуҷониба изҳор намуданд
Шараф Шерализода бо ёвари Дабири кулли Созмони Милали Муттаҳид мулоқот намуд
Тоҷикистон ва Маҷористон Ёддошти тафоҳум оид ба ҳамкорӣ дар соҳаи амният ва муқовимат бо ҷинояткориро ба имзо расониданд
