Дар Суғд бахшида ба 29-солагии таъсиси Қувваҳои Мусаллаҳи Тоҷикистон ҳамоиш доир гардид
ДУШАНБЕ, 19.02.2022 /АМИТ «Ховар»/. Дар Шӯрои иттифоқҳои касабаи вилояти Суғд бахшида ба 29-солагии Рӯзи таъсиси Қувваҳои мусаллаҳи Ҷумҳурии Тоҷикистон ҳамоиши идона доир гардид. Дар он раиси Иттифоқи касабаи кормандони маориф ва илми вилоят Мӯсобек Мироватов, сардори Раёсати маорифи вилоят Осим Каримзода, муовини Раиси Шӯрои иттифоқҳои касабаи вилоят Толиб Оқилов, раисони Иттифоқи касабаи маорифи шаҳру ноҳияҳо, бартарафкунандагони садамаи Чернобил, муҳофизони сохти конститутсионӣ ва ҷанговарони байналмилалӣ иштирок намуданд.
Дар ин бора корманди Хадамоти матбуоти Раиси вилояти Суғд Андар Раҳмонӣ ба АМИТ «Ховар» хабар дод.
Мӯсобек Мироватов зикр кард, ки «имрӯз Артиши миллии ҷумҳуриамон барои ҳифзи марзу бум ва якпорчагии кишвар ҳамеша омодааст. Муҳофизони шуҷои Ватан, неруи техникию ҳарбии кишвар ва малакаи ҷангии ҳарбиёни мо имрӯз тавони ҳифзи Ватани азизи худро доранд».
Ҳамчунин чанд нафар собиқадорон, ки бевосита иштирокчиёни ҷанги Афғонистон, садамаи Чернобил ва муҳофизони сохти конститутсионӣ буданд, аз лаҳзаҳои мудҳиш ёдоварӣ намуданд.
Таъкид гардид, ки имрӯз шукронаи давлати тинҷу обод ва осудаи кишвар бояд кард, зеро ҳамаи он пешравиҳое, ки дар ҳамаи соҳаҳо дида мешаванд, маҳз самараи тинҷиву осудагӣ ба ҳисоб мераванд.
Дар анҷоми ҳамоиш ба ҳамаи иштирокчиёни ҷанги Афғонистон, бартарафкунандагони садамаи Чернобил, муборизони сохти конститутсионӣ, ки зиёда аз 45 нафарро ташкил медоданд, аз номи Иттифоқи касабаи кормандони маориф ва илми вилоят туҳфаҳои хотиравӣ тақдим гардиданд.
АКС: Хадамоти матбуоти Раиси в. Суғд
ДАЪВАТИ ТИРАМОҲӢ. Нақшаи даъват ба хизмати ҳарбӣ дар ноҳияи Зафаробод пеш аз муҳлат иҷро гардид
Бо мақсади пешгирии садамаҳои нақлиётӣ бо иштироки мошинҳои боркаш Гурӯҳи кории байниидоравӣ таъсис дода шуд
ИМРӮЗ-РӮЗИ КОРМАНДОНИ МАҚОМОТИ СУДӢ. Дар Суди Олӣ Конфронси Созмони судяҳои Ҷумҳурии Тоҷикистон баргузор гардид
Оид ба такмили қонунгузорӣ дар самти муқовимат ба савдои одамон конференсия доир шуд
Дар шаҳри Ваҳдат ва ноҳияи Файзобод нақшаи даъвати ҷавонон ба хизмати ҳарбӣ пурра иҷро гардид
Дар шаҳри Панҷакент нақшаи даъвати тирамоҳии ҷавонон ба хизмати ҳарбӣ иҷро шуд
Дар Ҳисор нақшаи даъвати тирамоҳии ҷавонон ба сафи Артиши миллӣ пурра иҷро гардид
Прокурори генералии Тоҷикистон бо Сафири Давлати Кувайт дар Ҷумҳурии Тоҷикистон мулоқот намуд
Дар Қирғизистон ҷаласаи Шурои вазирони мудофиаи кишварҳои аъзои Иттиҳоди Давлатҳои Мустақил доир шуд
«БА ВАТАН СОДИҚОНА ХИЗМАТ МЕКУНЕМ!». Дар Донишкадаи тарбияи ҷисмонии Тоҷикистон ҳамоиш доир шуд
Дар Душанбе нақшаи даъвати тирамоҳии ҷавонон ба сафи Қувваҳои Мусаллаҳи Ҷумҳурии Тоҷикистон пурра иҷро гардид
Байни Суди Олии Тоҷикистон ва Созмони умумиҷаҳонии моликияти зеҳнӣ Ёддошти тафоҳум оид ба ҳамкорӣ ба имзо расид
