ДАРАХТ БИНШОН! Дар пойгоҳи Қувваҳои ҳарбӣ-ҳавоӣ ва мудофиаи зиддиҳавоӣ ҳашари ниҳолшинонӣ доир шуд
ДУШАНБЕ, 28.02.2022 /АМИТ «Ховар»/. Барои баланд бардоштани сатҳи некӯаҳволии ҷомеа, бунёди боғу токзор ва ба гардиши кишоварзӣ даровардани заминҳои тӯли солҳо бекорхобида бо иштироки ҳайати роҳбариву фармондеҳии Вазорати мудофиаи кишвар ва бо ҷалби хизматчиёни ҳарбии сатҳу зинаҳои гуногуни дастгоҳи марказиву Ситоди генералии Қувваҳои Мусаллаҳи мамлакат дар ҳудуди пойгоҳи Қувваҳои ҳарбӣ-ҳавоӣ ва мудофиаи зиддиҳавоӣ ҳашари дастҷамъонаи ниҳолшинонӣ доир карда шуд.
Тавре дар Вазорати мудофиа ба АМИТ «Ховар» хабар доданд, иштирокчиёни ҳашари дастҷамъона бо маслиҳату машварати мутахассисону масъулини хоҷагиҳои ёрирасон ва риояи қоидаҳои агросаноатӣ дар ҳудуди заминҳои обии хоҷагии ёрирасони назди Қувваҳои ҳарбӣ-ҳавоӣ ва мудофиаи зиддиҳавоӣ дар масоҳати ҳазор метри мураббаъ боғи олу бунёд намуданд.
Тайи панҷ соли охир дар ҳудуди пойгоҳи Қувваҳои ҳарбӣ-ҳавоӣ бо ҳашари дастҷамъонаи ниҳолшинонӣ дар ҳудуди 16 гектар боғи 30-солагии Истиқлолият ва 25-солагии Артиши миллӣ бунёд карда шуда, дар онҳо асосан дарахтони ороишӣ ва навъҳои гуногуни ниҳолҳои мевадиҳанда, аз қабили зардолу, себ, гелос ва ғайра шинонида шуданд.
Тибқи иттилои сардори шуъбаи кишоварзии Раёсати ақибгоҳии Вазорати мудофиа Дилшод Аминзода, бунёди боғҳои мазкур аллакай самараи дилхоҳ ба бор оварда, қисмҳои низомии баландкӯҳи кишвар дар мавсими ҷамъоварии ҳосил бо меваҳои тару тоза ва дар фасли сармо бо меваи хушк давоми сол таъмин карда мешаванд. Илова бар ин, аз ҳисоби меваҳои лазизи ҷамъоваришуда барои сарбозон афшураи мураббо, шарбат ва дигар маҳсулоти истеъмолӣ истеҳсол мегардад.
АКС: Вазорати мудофиаи ҶТ
«КИШВАРИ САБЗ». Дар шаҳри Исфара 1200 бех ниҳол шинонида шуд
ДАРАХТ БИНШОН! Дар шоҳроҳи байналмилалии Хуҷанд-Чанок 500 бех ниҳоли санавбар шинонида шуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
«КИШВАРИ САБЗ». Дар шафати роҳи мошингарди Конибодом –Хуҷанд 2700 бех ниҳол шинонида мешавад
Энергетикҳо дар маҳаллаи Лучоби Боло 1500 бех ниҳоли дарахтони мевадиҳанда шинониданд
ДАРАХТ БИНШОН! Дар Роғун, Ваҳдат ва Файзобод беш аз 2 ҳазор бех ниҳоли дарахтони ороишӣ шинонида шуд
Бо иштироки муовини Сарвазири Тоҷикистон ва аъзои ҲХДТ дар Варзоб беш аз 700 бех ниҳол шинонида шуд
Ҳифзи растаниҳои нодир вазифаи ҳар як шаҳрванд мебошад
Дар шаҳри Турсунзода зиёда аз 22 ҳазор бех ниҳол ва 300 ҳазор дона гулҳои гуногун шинонида мешаванд
БАРНОМАИ ДАВЛАТИИ КАБУДИЗОРКУНӢ. Дар Ҳисор беш аз 20 ҳазор бех ниҳоли дарахтони ҳамешасабз шинонида мешавад
Дар шаҳри Ваҳдат бо иштироки муовини Сарвазири Тоҷикистон маъракаи ниҳолшинонӣ доир гардид
Дар минтақаи Ховарон дар беш аз 7 гектар боғи мевадиҳанда бунёд мегардад
