Донишҷӯи ДМТ дар Олимпиадаи 12-уми байналмилалӣ аз фанни математика сазовори ҷойи дуюм шуд
ДУШАНБЕ, 25.02.2022. /АМИТ «Ховар»/. Дар доираи Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф (2020-2040) магистранти Донишгоҳи миллии Тоҷикистон Ҳикматулло Исматов дар Олимпиадаи 12-уми байналмилалӣ аз фанни математика, ки дар шаҳри Могилёви Ҷумҳурии Беларус доир шуд, сазовори ҷойи дуюм ва медали нуқра гардид, иттилоъ доданд дар Донишгоҳи миллии Тоҷикистон.
Инчунин донишҷӯйи курси 4-уми донишгоҳ Малик Ситамов бо Диплом ва донишҷӯйи курси 3-юми факултети механикаю математика Чеҳрон Раҳимзода бо Шаҳодатнома қадрдонӣ шуданд.
Ёдовар мешавем, ки аз соли 2010 инҷониб дар шаҳри Могилёви Ҷумҳурии Беларус ҳамасола чунин олимпиадаи байналмилалӣ аз фанни математика доир мегардад.
Тибқи таҳлилҳои Раёсати илми донишгоҳ, донишҷӯёни муассиса иштирокчии фаъоли олимпиадаи мазкур мебошанд. Аввалин маротиба донишҷӯёни донишгоҳ соли 2013 дар оимпиадаи мазкур иштирок намуда, миёни 50 нафар иштирокчӣ аз 24 донишгоҳи 6 давлат сазовори ҷойи 3-юм гардида буданд.
Донишҷӯёни донишгоҳ аз соли аввали баргузории ин олимпиада то инҷониб сазовори 2 ҷойи аввал, 4 ҷойи дуюм, 4 ҷойи сеюм ва 4 Дипломи ифтихорӣ гаштаанд.
АКС: ДМТ
Дар Душанбе оид ба назария ва амалияи санъат ва дизайн конференсия доир шуд
«ИЛМ — ФУРӮҒИ МАЪРИФАТ». Волидон ва омӯзгорони ғолибони озмун бо нишони «Аълочии маориф ва илм» ва «Маърифатпарвар» сарфароз гардонида шуданд
Соли 2025 Рӯзҳои фарҳанги Тоҷикистон дар Чин баргузор мегарданд
Ҳунармандони Беларус дар Осорхонаи миллӣ бо таъриху тамаддуни миллати тоҷик шинос шуданд
«БО ХУНИ ДИЛ». Дар доираи Рӯзҳои фарҳанги Беларус дар Тоҷикистон намоишгоҳи мустанади адабӣ доир шуд
РӮЗҲОИ СИНАМОИ БЕЛАРУС. Филми «Орзуи қаҳрамон» дар бораи яке аз қаҳрамонҳои миллии Беларус қисса намуд
Рӯзҳои фарҳанги Ҷумҳурии Беларус дар Ҷумҳурии Тоҷикистон идома доранд
Доир ба иҷрои «Барномаи давлатии тайёр кардани кадрҳои сатҳи баланди илмӣ барои солҳои 2021-2030» ҷаласа баргузор шуд
Имрӯз Рӯзҳои синамои Беларус оғоз меёбанд
Дар Тоҷикистон Рӯзҳои фарҳанги Ҷумҳурии Беларус оғоз мешаванд
Дар Тоҷикистон Рӯзҳои синамои Беларус доир мегарданд
Нахустин Парчами давлатии Ҷумҳурии Тоҷикистон дар Осорхонаи миллӣ ҳифз ва муаррифӣ мешавад
