Вазири маориф ва илм аз озмоишгоҳҳои Донишгоҳи техникии Тоҷикистон дидан намуд
ДУШАНБЕ, 3.02.2022. /АМИТ «Ховар»/. Имрӯз Вазири маориф ва илми Ҷумҳурии Тоҷикистон Муҳаммадюсуф Имомзода аз озмоишгоҳи технологияҳои мошинсозӣ ва озмоишгоҳи ал-Ҷазарии Донишгоҳи техникии Тоҷикистон ба номи академик М.Осимӣ боздид ба амал овард, иттилоъ дод сардори маркази матбуоти Вазорати маориф ва илми Ҷумҳурии Тоҷикистон Эҳсони Хушбахт.
Дар ҷараёни боздид аз озмоишгоҳҳо Вазири маориф ва илмро муовини аввали Вазири маориф ва илм Муҳаммаддовуд Саломиён ва муовини Вазири маориф ва илм Диловар Қодирзода ҳамроҳӣ намуданд.
Ректори Донишгоҳи техникии Тоҷикистон ба номи академик М.С.Осимӣ Қудрат Давлатзода ба меҳмонон доир ба озмоишгоҳи технологияҳои мошинсозӣ ва озмоишгоҳи ал-Ҷазарӣ маълумоти муфассал пешниҳод кард.
Зикр гардид, ки озмоишгоҳи технологияҳои мошинсозӣ дар доираи ҳамкории мутақобилан судманди Ҷумҳурии Тоҷикистон ва Ҷумҳурии Ҳиндустон дар донишгоҳ бунёд гардида, дар он номгӯи зиёди дастгоҳ ва таҷҳизоти муосир ҷойгиранд. Озмоишгоҳ дар раванди таълим васеъ истифода шуда, донишҷӯён тавассути истифодаи он донишҳои амалии худро мустаҳкам месозанд.
Дар заминаи ҳамкории судманд миёни Ҷумҳурии Тоҷикистон ва Ҷумҳурии Туркия дар донишгоҳ аввалин озмоишгоҳи ал-Ҷазарӣ дар Осиёи Миёна таъсис дода шуд. Озмоишгоҳи таълимӣ-истеҳсолӣ ба номи ал-Ҷазарӣ (Cezeri Lab)- ин маҷмӯи дастгоҳ ва таҷҳизоти рақамӣ мебошад, ки барои тарҳрезӣ ва тайёр намудани робот, инчунин дигар таҷҳизоти худидорашаванда (мехатроника) пешбинӣ гардидааст. Дар озмоишгоҳ зиёда аз 60 номгӯй дастгоҳ ва таҷҳизоти муосир ҷойгир буда, имкони амалӣ намудани раванди технологии истеҳсол аз тарҳрезӣ то маҳсулоти тайёрро доранд.
Зимни боздид аз озмоишгоҳҳо кормандони илмӣ ба ҳайати меҳмонон имконияти амалии озмоишгоҳҳо, маҳсулоти дар озмоишгоҳ омодашуда ва дурнамои рушди озмоишгоҳҳои донишгоҳро намоиш доданд.
АКСҲО аз маркази матбуоти Вазорати маориф ва илми ҶТ
Имрӯз даври асосии имтиҳонҳои марказонидаи дохилшавӣ ба муассисаҳои таълимии таҳсилоти миёнаи касбӣ ва олии касбӣ оғоз гардид
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
