МАРОСИМИ РӮНАМОИИ СИЛСИЛАИ 50-ҶИЛДАИ «АХТАРОНИ АДАБ». Раиси ФИКМТ Маликшо Неъматзода чандин ҷилд китоб харид ва нашри ин силсиларо кори бузург арзёбӣ намуд
ДУШАНБЕ, 10.02.2022 /АМИТ «Ховар»/. Имрӯз дар шаҳри Душанбе маросими рӯнамоии силсилаи 50-ҷилдаи «Ахтарони адаб» ва китобҳои дигари тозанашр баргузор гардид, иттилоъ медиҳад хабарнигори АМИТ «Ховар».
Зимни маросими мазкур раиси Федератсияи иттифоқҳои касабаи мустақили Тоҷикистон Маликшо Неъматзода чандин ҷилд китоб — ҳамон андозае, ки дастонаш вазни онҳоро мебардошт, харида, таассуроташро аз ин маъракаи фарҳангӣ дар саҳифаи фейсбукиаш чунин баён намудааст:
«Сипос ба Вазорати фарҳанги Тоҷикистон барои даъват ҷиҳати иштирок дар муаррифии 50-ҷилдаи китоби “Ахтарони адаб” ва дигар китобҳои тозанашри Нашриёти “Адиб”… Воқеан кори бузурге барои имрӯзиён ва фардоиён анҷом дода шудааст. Мероси миллати ман ба фарзандон ва ояндагон ҳамеша дар тӯли таърих китоб буд».
Дар маросими фарҳангие, ки ба ин муносибат дар Китобхонаи миллии Тоҷикистон доир шуд, муовини Вазири фарҳанги Ҷумҳурии Тоҷикистон Давлат Сафар, президенти Академияи миллии илмҳои Тоҷикистон Фарҳод Раҳимӣ, сардори Раёсати таъбу нашр дар Вазорати фарҳанг Раҳмоналӣ Шералӣ, олимону муҳаққиқон ва дигар дӯстдорони илму фарҳанг иштирок намуданд.
Сардори Раёсати таъбу нашр дар Вазорати фарҳанг Раҳмоналӣ Шералӣ ба итмом расонидани нашри силсилаи китоби «Ахтарони адаб»-ро навиди ниҳоят фараҳбахши фарҳангӣ номид.
Зикр гардид, ки силсилакитоби «Ахтарони адаб» осори адибони тоҷик, ашъори назмиву насриро аз Одамушшуаро Абӯабдуллоҳи Рӯдакӣ то муосирони мо дар бар мегирад.
Мавриди зикр аст, ки бори нахуст дар таърихи даврони соҳибистиқлолии Тоҷикистон бо амри Президенти Ҷумҳурии Тоҷикистон муҳтарам Эмомалӣ Раҳмон ва аз ҳисоби Фонди захиравии Президенти Ҷумҳурии Тоҷикистон нашри силсилакитоби “Ахтарони адаб, ки аз соли 2007 то инҷониб нашр мешуд, дар 50 ҷилд мукаммал гардида, бо сифати баланд ба нашр расид.
Зимни ҳамоиши фарҳангӣ шоирону нависандагон ва олимони маъруф Низом Қосим, Камол Насрулло, Кароматулло Олимов ва дагорон сухан гуфтанд.
АКСҲО аз саҳифаи фейсбукии М. Неъматзода
Таҳти унвони «Меандешам пас ҳастам» намоиши осори Рассоми халқии Тоҷикистон Сӯҳроб Қурбонов оғоз гардид
Дар Фестивали байналмилалии «Интермузей. БРИКС+» густариши ҳамкорӣ байни осорхонаҳо баррасӣ шуд
Дар Донишгоҳи технологии Тоҷикистон даври якуми Озмуни ҷумҳуриявии «Донандаи беҳтарини асарҳои Пешвои миллат» доир гардид
Бахшида ба 35-солагии робитаҳои бародаршаҳрӣ байни Душанбе ва Санкт-Петербург дар Осорхонаи миллӣ намоиши аксҳо ифтитоҳ ёфт
Аъзои ҳайати шаҳри Санкт-Петербург дар Осорхонаи миллӣ бо давраҳои пурифтихори таъриху фарҳанги бостонии тоҷикон шинос шуданд
Дабири кулли САҲА дар Осорхонаи миллии Тоҷикистон бо тамаддуни миллати тоҷик шинос шуд
Рушди ҳамкории фарҳангии Тоҷикистону Қирғизистон баррасӣ шуд
«…МОДАР ЯКТОСТ, ТОҶИКИСТОН ЯКТОСТ…». Ба зодрӯзи Шоири халқии Тоҷикистон устод Лоиқ Шералӣ 85 сол пур шуд
«МЕАНДЕШАМ, ПАС ҲАСТАМ». Таҳти ин унвон намоиши осори Рассоми халқии Тоҷикистон Суҳроб Қурбонов ташкил карда мешавад
Дар Бишкек маросими тантанавии ифтитоҳи Рӯзҳои фарҳанги Ҷумҳурии Тоҷикистон баргузор гардид
Дар Донишкадаи санъати тасвирӣ ва дизайни Тоҷикистон даврҳои омӯзишии «Эбру», 3D ва колиграфия ифтитоҳ шуданд
«ЗЕБОИИ ТОҶИКИСТОН–МЕРОС БАРОИ ОЯНДА». Дар Бишкек намоишгоҳи санъати тасвирии Тоҷикистон ифтитоҳ ёфт
