НИШАСТИ МАТБУОТӢ: Солҳои 2022-2026 дар ноҳияи Рӯдакӣ бунёди 20 корхонаи саноатӣ пешбинӣ шудааст
ДУШАНБЕ, 11.02.2022 /АМИТ «Ховар»/. Солҳои 2022-2026 дар ноҳияи Рӯдакӣ бунёди 20 корхонаи саноатӣ пешбинӣ шудааст. Ин нуктаро имрӯз Раиси ноҳия Азизулло Исматзода зимни нишасти матбуотӣ дар ҷамъи намояндагони ВАО баён намуд.
«Дар робита ба Солҳои рушди саноат эълон шудани солҳои 2022-2026 аз ҷониби Пешвои миллат муҳтарам Эмомалӣ Раҳмон дар Паёми навбатӣ ба Маҷлиси Олӣ қарори дахлдори раиси ноҳия ба тавсиб расид, ки тибқи нақша-чорабиниҳо, дар панҷсолаи минбаъда бунёди 20 корхонаи саноатӣ пешбинӣ шудааст», — гуфт ӯ.
Дар идома Азизулло Исматзода зикр намуд, ки ҳамасола теъдоди хонандагон беш аз 6 ҳазор нафар зиёд мешавад ва зарурат пеш меояд, ки ҳар сол 5 муассисаи таълимӣ барои 640 ҷойи нишаст дар як баст сохта ба истифода диҳанд.
«Дар давраи ҳисоботӣ бахшида ба 30-солагии Истиқлолияти давлатии Ҷумҳурии Тоҷикистон 5 бинои иловагии муассисаҳои таълимӣ барои 735 ҷойи нишаст ва 5 синфхонаи иловагӣ дар назди таълимгоҳҳо сохта ба истифода шуданд. Ҳоло сохтмони 38 синфхонаҳои иловагӣ бо 936 ҷойи нишаст дар назди муассисаҳои таълимӣ идома дорад», — тазаккур дод раиси ноҳия.
Ҳамчунин маълумот дода шуд, ки дар ноҳияи Рӯдакӣ шумораи корхонаҳои саноатӣ 109 ададро ташкил дода, ҳамагӣ дар соҳаи саноат 1634 нафар кормандон фаъолият доранд. Соли 2021 дар ноҳия 10 корхонаи саноатӣ бинобар сабабҳои фарсуда будани таҷҳизот ва рақобатнопазирии маҳсулот, ҳамчунин аз таъсири пандемияи COVID-19 аз фаъолият бозмонданд.
АКС: АМИТ «Ховар»
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
«ТОҶИКИСТОН-2026». Дар Душанбе Намоишгоҳи байналмилалии универсалӣ доир мегардад
Ҳамкории Тоҷикистон бо Иттиҳоди Аврупо дар соҳаи энергетика ва захираҳои об густариш меёбад
Татбиқи лоиҳаҳои сармоягузорӣ дар самти энергияи барқароршаванда байни Тоҷикистон ва Ҳиндустон баррасӣ шуд
ИСЛОҲОТ ДАР НИЗОМИ ИҶОЗАТДИҲӢ. Тоҷикистон фазои маъмуриро барои соҳибкорону сармоягузорон мусоидтар намуд
Дар Тоҷикистон кадом бахши кишоварзӣ аз андоз аз арзиши иловашуда ва боҷи гумрукӣ пурра озод мебошад?
Лоиҳаи «Барномаи давлатии рушди инноватсионии соҳаи пахтакорӣ барои солҳои 2026-2030» таҳия мегардад
