Руминия, Малайзия, Корея ва Озарбойҷон барои шаҳрвандони Тоҷикистон озмуни бурсияҳо эълон намуданд
ДУШАНБЕ, 25.02.2022. /АМИТ «Ховар»/. Қабули ҳуҷҷатҳои довталабон аз Тоҷикистон барои иштирок дар озмуни бурсияҳои таҳсилии муассисаҳои таҳсилоти олии ҷумҳуриҳои Малайзия, Корея ва Озарбойҷон дар соли таҳсили 2022-2023 оғоз гардид. Дар ин бора ба АМИТ «Ховар» дар Муассисаи давлатии «Маркази барномаҳои байналмилалӣ» -и Вазорати маориф ва илми Ҷумҳурии Тоҷикистон хабар доданд.
Ҳамчунин Донишгоҳи давлатии техникии Воронеж, Донишгоҳи давлатии Олтой, Донишгоҳи давлатии меъморӣ ва сохтмони Пенза, Донишгоҳи давлатии Новгород ва дигар донишгоҳҳои олӣ ва илмии Федератсияи Русия омодаанд шаҳрвандони ҷумҳуриро аз рӯи равияҳои дақиқ, табиии риёзӣ, гуманитарӣ ва коркарди технологияҳои навин ба тариқи ройгон ба таҳсил фаро гиранд.
Маркази барномаҳои байналмилалӣ ба диққати довталабон мерасонад, ки муассисаҳои олӣ ва илмии давлати Руминия аз рӯи зинаҳои гуногуни таҳсил қабули ҳуҷҷатҳои довталабонро ҷиҳати иштирок дар озмуни бурсияҳои таҳсилӣ барои шаҳрвандони Тоҷикистон дар соли таҳсили 2022-2023 эълон намудаанд.
Руминия эълон доштааст, ки гирандагони стипендияҳое, ки аз ҷониби ин давлат барои таҳсил дар зинаи бакалавр ва магистр дар донишгоҳҳо қабул мешаванд, бо мақсади тарғиби забон ва фарҳанги руминӣ бо ин забон таҳсил мекунанд.
Инчунин докторантҳо метавонанд таҳсилро бо забони руминӣ ё забони хориҷии муқаррарнамудаи барномаи докторӣ интихоб кунанд. Барои номзадҳое, ки забони руминиро намедонанд, барои омӯхтани забони руминӣ пеш аз таҳсил дар донишгоҳ, ба истиснои дорандагони стипендияҳои докторӣ, ки шакли таҳсили забони хориҷии дар докторантура муқарраршударо интихоб кардаанд, як сол барои омӯзиши забони руминӣ ба тариқи ройгон пешбинӣ шудааст.
Довталабон метавонанд барои маълумоти муфассал ба Маркази барномаҳои байналмилалӣ муроҷиат намоянд.
АКС: АМИТ «Ховар»
Дар Душанбе дуюмин Синамоҷашнвораи байналмилалӣ «Тоҷи сомон» баргузор мегардад
Дар театри Муҳаммадҷон Қосимов намоишномаи «Ман Таҳминаам…» аз рӯи достони «Шоҳнома» пешниҳод мегардад
Бо ташаббуси Агентии ҳифзи мероси таърихию фарҳангӣ дар ноҳияи Ховалинг Рӯзи Ваҳдати миллӣ ҷашн гирифта шуд
Шоири халқии Тоҷикистон Камол Насрулло: «Ҳақиқат ин аст, ки Пешвои миллат ваҳдатро бунёд гузошту таҳким доду қавӣ сохт»
Дар Осорхонаи миллӣ гӯшаи доимоамалкунандаи «Ваҳдати миллӣ» ташкил гардидааст
Тамоми комёбиҳои миллат ва саодати рӯзгори мардум аз иттиҳоди миллӣ ибтидо мегирад
«ЭМОМАЛӢ РАҲМОН – МЕЪМОРИ СУЛҲУ ВАҲДАТ». Дар Вазорати фарҳанг ҳамоиши илмӣ доир гардид
Таҳти унвони «Қисса ва ҳикояҳо» китоби Абдурофеъ Рабизода нашр гардид
«ДАР МЕҲМОНИИ ДУШАНБЕ». Фестивали байналмилалии эҷодиёти бадеии кӯдакон ва наврасони ИДМ оғоз гардид
Дар Агентии ҳифзи мероси таърихию фарҳангӣ таҳти унвони «Ваҳдати миллат — бақои миллат!» ҳамоиш баргузор шуд
Дар ёдгории Ҳалқаҷари ноҳияи Хуросон бозёфти нодири таърихӣ — «обкӯзаи хонуми Сагкин» кашф гардид
«Душанбе — нусхае аз биҳишт». Таҳти ин унвон дар васфи пойтахти Тоҷикистон китоб ба нашр расид
