ТАСС: Русия ба лоиҳаҳои иқтисодӣ бо Тоҷикистон манфиатдор аст
ДУШАНБЕ, 22.02.2022 /АМИТ «Ховар»/. Намояндаи тиҷоратии Русия Евгений Коренков гуфт, ки Федератсияи Русия ба фаъолсозии ҳамкории сармоягузорӣ бо ҷумҳурӣ умедвор аст. Ба гуфтаи ӯ, лоиҳаҳои муштараки иқтисодӣ дар робитаи тиҷоратии Русия ва Тоҷикистон нақши муҳим доранд, иттилоъ медиҳад ТАСС.
Коренков аҳамияти фаъолсозии ҳамкории сармоягузорӣ, инчунин танзими қарзҳо ва беҳбуди инфрасохтори таҳвилро тасдиқ кард.
Дар баробари ин ӯ зикр намуд, ки дар бозорҳои ду давлат бояд ширкатҳои бузурги ҳарду кишвар таъсис ёфта, кор баранд.
Евгений Коренков зикр кард, ки Тоҷикистон самти муҳими рӯзномаи иқтисодии байналмилалии Русия маҳсуб мешавад. Русия ба таъсиси корхонаҳои муштарак, ҳамкории саноатӣ ва илмию техникӣ манфиатдор аст.
«На танҳо афзоиши мунтазами аҳолӣ, суръати баланди сохтмонӣ, ҷараёни рақамикунонӣ ва саноатикунонӣ, балки имконияти гардиши содиротӣ бо давлатҳои ҳамсоя низ ба нафъи ҷумҳурӣ мебошанд», — изҳор дошт намояндаи тиҷоратӣ.
Илова бар ин, ба гуфтаи Коренков, Федератсияи Русия аллакай дар якҷоягӣ бо Вазорати саноат ва технологияҳои нав ва ҳамчунин бо Палатаи савдо ва саноати Тоҷикистон оид ба ду дархости корхонаҳои саноати сабуки Русия фаъолона ҳамкорӣ мекунад.
Сухан дар бораи фаъолони бозор дар истеҳсоли либос ва либоси ягонаи корӣ меравад. Дар нақша аст, ки онҳо аз Тоҷикистон ба миқдори зарурӣ матоъ харидорӣ кунанд ва ҳамчунин фармоиш диҳанд ё «ба сармояи корхонаҳои тавлиди ришта ворид шаванд».
АКС: © Sputnik / Амир Исоев
Зимни баргузории амалиёти назоратӣ дар Рашт 60 кабк ва як яроқи шикорӣ мусодира карда шуд
Татбиқи лоиҳаҳои сармоягузорӣ ва ҷалби сармояи Бонки Осиёии рушд ба иқтисоди Тоҷикистон муҳокима гардид
Ҳамкории Тоҷикистон ва Эрон дар самти рушди иқтисодӣ ва тиҷоратӣ густариш меёбад
Масоили коркарди дубора ва ивази мавод барои кам кардани хатари партовҳои пластикӣ баррасӣ гардид
Вазорати нақлиёти Тоҷикистон оид ба андозаи нави ҷаримаҳо барои вайрон кардани қоидаҳои ҳаракат дар роҳ маълумот медиҳад
Дурнамои ҳамкории иқтисодию тиҷоратии Тоҷикистон ва Эрон муҳокима гардид
Хушкмеваҳои Тоҷикистон дар шаҳри Пензаи Федератсияи Русия талабгори зиёд пайдо намудаанд
Дар Душанбе масъалаҳои марбут ба ҷалби сармояи мустақими Эрон ба иқтисодиёти Тоҷикистон баррасӣ шуданд
Тоҷикистон ва Эрон дар самти густариши ҳамкории саноатӣ ва тиҷоратӣ ба мувофиқа расиданд
Дар Душанбе тақвияти ҳамкории гумрукӣ байни Тоҷикистон ва Узбекистон баррасӣ гардид
Дар ҷаласаи гурӯҳи корӣ масъалаи пешгирии талафот ва истифодаи ғайриқонунии неруи барқ баррасӣ шуд
Ҷаласаи муштараки гурӯҳи корӣ ва муколамаи миллии сиёсӣ оид ба идоракунии захираҳои об баргузор гардид
