Тоҷикистон омодаи муқобила бо таҳдидҳо дар сарҳад бо Афғонистон аст

Февраль 17, 2022 13:16

ДУШАНБЕ, 17.02.2022. /АМИТ «Ховар»/. Тоҷикистон ба ҳар гуна таҳаввулоти вазъ дар марз бо Афғонистон омода аст. Тавре АМИТ «Ховар» менависад, дар ин бора имрӯз хабаргузории ТАСС бо такя ба як манбаъ дар ниҳодҳои қудратии кишвар иттилоъ додааст.

Суханони қаблан гуфтаи роҳбари ситоди кулли толибон Қорӣ Фасиҳуддин Фитратро шарҳ дода, ҳамсуҳбати хабаргузории Русия гуфтааст, ки ҳоло сарҳад ором ва таҳти назорат аст. Ба гуфтаи ӯ, иттилои фармондеҳи афғон яқинан иғвоангезона мебошад.

«Низомиёни Тоҷикистон ба дилхоҳ ҳодисаи дар сарҳад бо Афғонистон рухдиҳанда омодаанд», — бовар кунонид ӯ.

Дар ҳамин ҳол, манбаъ дар сохторҳои қудратӣ афзуд, ки вазъ дар марз таҳти назорат буда, ба муташанниҷ шудани он имкон дода намешавад.

Зимнан зикр мегардад, ки дар мавриди таҳдид ҷониби Тоҷикистон тадбирҳои ҷавобӣ меандешад.

Ёдовар мешавем, ки қаблан дар расонаҳо дар бораи интиқоли воҳидҳои толибон ба шимолу шарқи Афғонистон, гӯё «барои ҳифзи марзҳо» иттилоъ ба нашр расид. Аммо аз кишваре, ки таҳдид метавонад аз он ҷо ба амал ояд, ном бурда нашудааст.

Тоҷикистон бо Афғонистон беш аз 1400 километр марзи муштарак дорад, ки миёни кишварҳои Осиёи Марказӣ дарозтарин аст. Қисми зиёди сарҳад қад-қади дарёи Панч, қисми дигараш аз миёни кӯҳсор мегузарад. Илова бар ин, якбора чаҳор вилояти шимолу шарқи Афғонистон- Бадахшон, Тахор, Қундуз ва Балх бо Тоҷикистон ҳамсарҳад мебошанд.

 

ДАР АКС: сарҳадчиёни Тоҷикистон; мошинҳои зиреҳпӯши Қӯшунҳои сарҳадии ҶТ. Аксҳо аз АМИТ «Ховар»

Февраль 17, 2022 13:16

Хабарҳои дигари ин бахш

Ҷавонон бояд қарзи шаҳрвандӣ — таҳсили илму дониш ва саҳмгузорӣ дар пешрафти Ватанро софдилона иҷро намоянд
Тоҷикистон дар мубориза бо қочоқ ва муомилоти ғайриқонунии маводи нашъаовар нақши калидӣ дорад
Ҳайати Тоҷикистон дар чорабиниҳои канорӣ дар доираи иҷлосияи 67-уми Комиссияи Созмони Милали Муттаҳид оид ба воситаҳои нашъадор иштирок намуд
Дар Вена ҳамкории Тоҷикистон бо Чин ва Эрон дар мубориза бо муомилоти ғайриқонунии маводи нашъадор баррасӣ шуд
Ҷаласаи гурӯҳҳои кории ҳайатҳои ҳукуматии Ҷумҳурии Тоҷикистон ва Ҷумҳурии Қирғизистон баргузор гардид
Ҳайати Тоҷикистон дар чорабинии канории Қазоқистон дар Вена иштирок намуд
Дар Вена оид ба сиёсати зиддимухаддиротии Ҷумҳурии Тоҷикистон маълумот дода шуд
Мулоқоти ҳамраисони ҳайатҳои ҳукуматии Тоҷикистон ва Қирғизистон оид ба делимитатсия ва демаркатсияи сарҳади давлатӣ доир гардид
Тарбияи ватандӯстӣ — омили муттаҳидии миллат дар мубориза бар зидди ифротгароӣ ва хурофотпарастӣ
Ҳайати Тоҷикистон дар иҷлосияи 67-уми Комиссияи Созмони Милали Муттаҳид оид ба воситаҳои нашъадор дар Вена иштирок дорад
14 МАРТ-ИДИ КАСБИИ КОРМАНДОНИ ПРОКУРАТУРА. Давоми 32 сол фаъолияти ин ниҳоди давлатӣ ба таври назаррас тақвият ёфт
Эмомалӣ Раҳмон: «Хурофот хатарест, ки ба имрӯзу ояндаи Тоҷикистон ва минтақа таҳдиди ҷиддӣ дорад»