«Чакомаи кӯҳистон» — таҷассумгари рӯзгори мардуми Тоҷикистон

Март 23, 2022 11:17

ДУШАНБЕ, 23.03.2022 /АМИТ «Ховар»/. «Чакомаи кӯҳистон»- таҳти чунин унвон китоби адиби шинохтаи тоҷик Шераки Ориён  дар матбааи «Ашӯриён» ба табъ расид.

«Чакомаи кӯҳистон» аз ду қисмат:  «Русто» ва «Қиссаҳои дигари  кӯҳистон» иборат буда, муаллиф онро дар  асоси рӯйдодҳои асл ва зиндагии  кӯҳистониён дар услуби силсилаҳикоя ба риштаи наср кашидааст.  Шераки Ориён дар китоби тозанашри  худ «Чакомаи кӯҳистон» 25 ҳикояи фишурдаи  пурҳикматро  гирд овардааст, ки ҳангоми мутолиа дар хотири хонанда нақши амиқ гузошта, дар замираш эҳсоси муҳаббатро ба кӯҳистон бедор месозанд.

Шераки Ориён  нависандаи сермаҳсул аст. Асарҳояш бо забонҳои гуногуни олам-англисӣ, испанӣ, арабӣ, ҷопонӣ, фаронсавӣ, булғорӣ, олмонӣ, чинӣ, ҳиндӣ ва забонҳои мардуми собиқ Иттиҳоди Шӯравӣ тарҷума ва нашр шуда, сазовори ҷоизаҳои байналмилалӣ, аз ҷумла ду Гран при ва як Ҷоми Лоҷувард гардидаанд.

Мавсуф муаллифи 68 китоби банашррасида -58-то ба тоҷикӣ, 10-то ба русӣ ва 40 филми ҳунарӣ  мебошад. Дар маҷмӯъ навиштаҳояш қариб ба чил забони мардуми дунё тарҷумаву чоп шудаанд. Иддае аз нигоштаҳои ӯ ба китобҳои дарсии макотиби олии Русия («Этика ва эстетикаи ҳаёти оилавӣ»), кишварҳои аврупоӣ («Анатомияи садоқату муҳаббати инсонӣ) ва якчанд мамолики Шарқу Тоҷикистон («Эҷод чист? Эҷодгар кист?») ворид шудаанд.

Чанде аз китобҳояш дар нашрияҳои бонуфузи Русия, монанди «Молодая гвардия», «Советский писатель», «Художественная литература», «Госкино», маҷаллаҳои «Студенческий меридиан», «Работница», «Дружба», «Советская литература», «Литературная учёба» ва зиёда аз 30 китоби дастҷамъӣ чоп шудаанд.

                                                                  АКС: АМИТ «Ховар».

Март 23, 2022 11:17

Хабарҳои дигари ин бахш

Шоҳҷоизаи Синамоҷашнвораи дуюми байналмилалии «Тоҷи Сомон»-ро коргардони тоҷик Муҳиддин Музаффар соҳиб шуд
«КИТОБИ ДУШАНБЕ». Пагоҳ дар Душанбе намоиши сенздаҳуми байналмилалӣ оғоз мегардад
Эмомалӣ Раҳмон: «Таҷлили Меҳргон далели эҳтиром ба фарҳанги қадима ва суннатҳои созандаи миллати тоҷик аст»
Имрӯз дар Фестивали «Оши палов» намудҳои гуногуни ин таоми миллӣ омода карда шуданд
СЕБҲОИ ТОҶИКИСТОН БО ТАМЪИ ЛАЗИЗАШОН МАШҲУРАНД. Дар Душанбе Иди себ ва ангур таҷлил гардид
Дар Душанбе Иди Меҳргон ба таври тантанавӣ таҷлил гардид
Имрӯз ҷашни Меҳргон бо баргузории Фестивал-намоиши маҳсулот ва техникаи кишоварзӣ оғоз мегардад
Даври ҷамъбастии Фестивал-озмуни ҷумҳуриявии телевизионии эҷодиёти халқ «Андалеб-2025» баргузор мегардад
Сокинони ноҳияи Муъминобод соҳиби туҳфаи арзишманди Пешвои миллат — «Шоҳнома» мегарданд
МЕҲРГОН ОМАД, МУБОРАК, МЕҲРГОН ОМАД! Пагоҳ дар Душанбе Иди Меҳргон бо шукуҳу шаҳомати хосса таҷлил мегардад
СИТОРАИ ТОБНОК ДАР САМОИ СИНАМО. Офаридаҳои баландмазмун ба Бахтиёр Худойназаров шуҳрати ҷаҳонӣ бахшид
Коргардон Аҳмад Аминӣ: «Эрониҳо Тоҷикистонро дӯст медоранду орзуи тамошои манзараҳои нотакрори онро доранд»