Дар Берлин бо ибтикори Сафорати Тоҷикистон ҷашни байналмилалии Наврӯзро таҷлил карданд
ДУШАНБЕ, 28.03.2022 /АМИТ «Ховар»/. 25 март дар шаҳри Берлин бо ибтикори Сафорати Ҷумҳурии Тоҷикистон дар Ҷумҳурии Федеративии Олмон барномаи фарҳангӣ бахшида ба ҷашни байналмилалии Наврӯз бо шукӯҳу шаҳомати хос ва дар фазои мутантан гузаронида шуд. Дар ин бора АМИТ «Ховар» бо истинод ба Сафорати Тоҷикистон дар Олмон хабар медиҳад.
Дар барномаи ҷашнӣ ҳамватанони муқими Олмон, доираҳои илму фарҳанг, намояндагони кишварҳои ҳавзаи Наврӯз, кормандони воситаҳои ахбори омма, меҳмонони фахрӣ ва дӯстони Тоҷикистон ширкат доштанд.
Сафири Тоҷикистон дар Олмон Имомудин Сатторов изҳор дошт, ки Наврӯз таҷассуми чеҳраи инсонӣ, хираду фазилат, одобу маърифат, илму адабу дониш ва ҳама хуҷастагиҳои дигари халқи тоҷик мебошад.
Барномаи рангини консертӣ бо иштироки Ҳунарманди мардумии Ҷумҳурии Тоҷикистон Давлатманд Хол дар хотири меҳмонон таассуроти дилнишин боқӣ гузошт.
Баъд аз анҷоми қисмати фарҳангӣ барои меҳмонон дастархони наврӯзӣ бо анвои гуногуни хӯрокҳои миллии тоҷикӣ ороста шуд.
АКСҲО: Сафорати ҶТ дар ҶФО
Сафири Тоҷикистон дар Русия бо ҷавонон ва донишҷӯёни тоҷик дар шаҳри Санкт-Петербург мулоқот намуд
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
