Дар Душанбе оид ба натиҷаҳои рушди иҷтимоию иқтисодӣ ва имконияти сармоягузорӣ дар Тоҷикистон брифинг доир шуд
ДУШАНБЕ, 03.03.2022 /АМИТ «Ховар»/. 3 март дар Вазорати корҳои хориҷӣ дар бораи дастовардҳои иқтисодӣ дар соли 2021 ва имконияти сармоягузории Тоҷикистон брифинг баргузор гардид. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Дар брифинг роҳбарони намояндагии дипломатӣ, созмонҳои байналмилалӣ, ниҳодҳои байналмилалии молиявӣ ва намояндагони воситаҳои ахбори омма, роҳбарияти Вазорати корҳои хориҷӣ ва мақомоти соҳавии Тоҷикистон иштирок намуданд.
Муовини Вазири корҳои хориҷии Ҷумҳурии Тоҷикистон Шараф Шерализода зимни сухани ифтитоҳӣ дар брифинг ҳадафи он, нақши Вазорат дар ин самт, ҷамъбасти натиҷаҳои рушди иҷтимоию иқтисодӣ, имконияти сармоягузорӣ, тадбирҳои андешидашудаи Ҳукумати кишвар, раванди ҳамкорӣ дар соҳаи тиҷорат, рушди устувор, нақлиёти байналмилалӣ ва транзитӣ, сайёҳӣ, ташаббусҳои кишвар дар мавзӯи об, ҳамкорӣ бо шарикони рушд ва тағйироти соҳавӣ, аз ҷумла сабукиҳои нави андозӣ, инчунин нақшаҳо ва ҳадафҳои ояндаи кишвар дар соҳаҳои авлавиятноки ҳамкории иқтисодии хориҷиро муаррифӣ намуд.
Роҳбарияти Вазорати саноат ва технологияҳои нав, Кумитаи давлатии сармоягузорӣ ва идораи амволи давлатӣ ва Кумитаи андози назди Ҳукумати Ҷумҳурии Тоҷикистон тибқи рӯзномаи брифинг дар бораи дастовардҳои нишондиҳандаҳои асосии вазъи сармоягузорӣ раванди татбиқи барномаҳои давлатию соҳавӣ дар робита ба Солҳои рушди саноат эълон шудани солҳои 2022-2026 ва қабули Кодекси нави андоз дар таҳрири нав, имконияти ҳамкорӣ бо сармоягузорони хориҷӣ ва дигар мавзӯъҳои мавриди назар изҳори назар намуданд.
Диққати махсус ба муаррифии соҳаи сайёҳӣ ва қабули қарори нави Ҳукумати Ҷумҳурии Тоҷикистон доир ба ҷорӣ шудани низоми бераводиди яктарафа нисбат ба шаҳрвандони 52 кишвари хориҷӣ аз 1 январи 2022 ба Тоҷикистон низ дода шуд, ки сол то сол мавриди рушди ҳаматарафа қарор гирифта, диққати бештари сайёҳону меҳмонони хориҷиро ба кишвар ҷалб кардааст.
Дар фарҷоми брифинг ба саволҳои намояндагони дипломатӣ, созмонҳои байналмилалӣ, ниҳодҳои байналмилалии молиявӣ ва намояндагони воситаҳои ахбори омма посух гуфта шуд.
АКСҲО: ВКХ ҶТ
Дар Женева дурнамо ва рушди ҳамкорӣ байни Тоҷикистон ва Созмони умумиҷаҳонии моликияти зеҳнӣ баррасӣ шуд
Сафири Тоҷикистон бо Губернатори Санкт – Петербург мулоқот намуд
РАВАНДИ ОБИ ДУШАНБЕ. Сомонаи расмии Конфронси чоруми байналмилалии сатҳи баланд оид ба Даҳсолаи байналмилалии амал «Об барои рушди устувор, 2018–2028» фаъол гардид
Барои иштирок дар Конфронси байналмилалии сатҳи баланд оид ба Даҳсолаи байналмилалии амал «Об барои рушди устувор» бақайдгирӣ оғоз ёфт
Дар Қоҳира ҳамкорӣ байни ширкатҳои Тоҷикистону Миср баррасӣ гардид
Дар Душанбе Ҷаласаи навбатии Шурои сарони ҳукуматҳо (сарвазирон)-и давлатҳои узви СҲШ доир мегардад
Сафири Тоҷикистон бо муовини якуми Раиси Бонки марказии Арабистони Саудӣ мулоқот намуд
Дар Душанбе бо иштироки намояндагони 27 давлат маъракаи ниҳолшинонӣ баргузор шуд
Сафири Тоҷикистон дар Ҷумҳурии Корея бо мудири иҷроияи AFoCO мулоқот намуд
Дар Боку тавсеаи ҳамкории Тоҷикистон ва Озарбойҷон дар соҳаи воситаҳои ахбори омма баррасӣ гардид
Дар Сафорати Ҷумҳурии Тоҷикистон дар Русия Рӯзи Модар таҷлил гардид
Сафири Тоҷикистон дар Амрико бо Директори иҷроияи ширкати Mooney Group мулоқот кард
