Дар Гаага ҳамкории Тоҷикистон ва Нидерландро дар мавзӯоти об баррасӣ намуданд
ДУШАНБЕ, 01.03.2022 /АМИТ «Ховар»/. Дар шаҳри Гаага мулоқоти Сафири Ҷумҳурии Тоҷикистон Эркинхон Раҳматуллозода бо Директори кулли Департаменти «Рушди сабз»-и Вазорати корҳои хориҷии Подшоҳии Нидерланд, Сафири вижа оид ба рушди мустадом Рене ван Ҳелл баргузор гардид. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Ду ҷониб зимни баррасии ҷомеи масоили муносибатҳои тарафайн ба ҳамкории Тоҷикистону Нидерланд дар мавзуоти об, ки ҳарду кишвар дар он пешсафанд, таъкид намуда, аз нияти ширкати фаъоли Подшоҳии Нидерланд дар конфронси қарибулвуқӯи об дар Душанбе истиқбол намуданд.
Ҳангоми мулоқот Сафири Ҷумҳурии Тоҷикистон даъватномаи Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро ба номи Сарвазири Нидерланд Марк Рютте ба ҷаноби Рене ван Ҳелл тақдим намуд.
Худи ҳамон рӯз дар шаҳри Делфти Нидерландия мулоқоти Сафири Ҷумҳурии Тоҷикистон бо ректори Институти оби Делфт, ки дар ҷаҳон маъруф аст, профессор Эдди Моорс баргузор гардид.
Ҳамсуҳбатон дар мавзӯи ҳамкории босамари кишварҳо дар масоили об мубодилаи афкор намуда, дар бораи мушаххасоти Конфронси қарибулвуқӯъ дар Душанбе, ки зимни ташаббусҳои глобалии Тоҷикистон сурат хоҳад гирифт, ибрози андеша намуданд.
Профессор Э. Моорс ба фаъолияти кишвари мо дар бахши рӯзномаи умумиҷаҳонии об баҳои баланд дода, аз омодагии хеш барои ширкат дар Конфронси оби Душанбе (июни соли 2022) ва Конфронси оби Ню-Йорк (марти 2023) иттилоъ дод.
АКСҲО: ВКХ ҶТ
Сафири Тоҷикистон бо сардабири рӯзномаи «Алҷарида»-и Давлати Кувайт вохӯрӣ намуд
Сафири Тоҷикистон дар ҳамоиши 42-юми Намоишгоҳ ва Конфронси байналмилалӣ оид ба нафту гази Абу-Забӣ иштирок намуд
Идибек Қаландар дар Муколамаи Манома «IISS Manama Dialogue» иштирок намуд
Ҳайатҳои вазоратҳои корҳои хориҷии Тоҷикистон ва Лаос мулоқот намуданд
Интишори мусоҳибаи сафири Тоҷикистон дар Кувайт дар рӯзномаи кувайтии «Алҷарида»
Рӯзномаи «The Times Kuwait» мусоҳибаи сафири Тоҷикистонро нашр намуд
Сафири Тоҷикистон бо ҳамватанони муқими Ҷумҳурии Чехия мулоқот намуд
Дар Женева ҷаласаи махсус таҳти унвони «Афзалиятҳои рушди савдо барои кишварҳои рӯ ба тараққии маҳсур дар хушкӣ» баргузор гардид
Сафири Тоҷикистон дар Ҳамоиши байналмилалии «Ҳафтаи оби Қоҳира-2026» иштирок намуд
Сафири Тоҷикистон бо Дабири кулли Вазорати федералии молияи Австрия мулоқот намуд
Ҷаласаи 26-уми Кумитаи роҳбарони воҳидҳои ҳифзи ҳуқуқи Шурои роҳбарони хадамотҳои гумруки давлатҳои иштирокдори ИДМ баргузор гардид
Дар Вашингтон масъалаи омодагӣ ба Форуми сеюми соҳибкории кишварҳои Осиёи Марказӣ ва Амрико баррасӣ гардид
