Дар Ню-Йорк бо иштироки ҳамватанон ҷашни Наврӯз таҷлил гардид
ДУШАНБЕ, 28.03.2022 /АМИТ «Ховар»/. Дар шаҳри Ню-Йорк 24 март аз ҷониби ҳамватанони бурунмарзӣ ба муносибати ҷашни байналмилалии Наврӯз чорабинии идона баргузор гардид, ки дар он Намояндаи доимии Тоҷикистон дар СММ Ҷонибек Ҳикмат иштирок ва суханронӣ намуд. Дар ин бора АМИТ «Ховар» бо истинод ба Намояндагии доимии Тоҷикистон дар СММ хабар медиҳад.
Ҷонибек Ҳикмат ҳозиринро ба муносибати фарорасии ҷашни Наврӯз муборакбод намуда, аз анъанаҳои таърихӣ ва расму русуми истиқбол аз ин ҷашни ниёгон, фалсафаи инсонпарварию зебоипарастӣ ва рисолати сулҳофарию созандагии он, ҳамгироии одаму олам, эҳёи табиат, инчунин дигар аркони расмии он, ки ба истеҳком бахшидани дӯстиву ҳамдилии башарият созгор мебошанд, ёдовар шуд.
Дар ҳамоиши мазкур гӯшаи фарҳангӣ бо парчаму нишони давлатӣ, мусаввараҳо ва намунаи ҳунарҳои дастии мардумӣ, аз қабили сӯзаниҳову чакандӯзиҳо, ороишоти минтақаҳои гуногуни кишвар, либосҳои миллӣ, китобҳо, аксҳои табиати зебои Тоҷикистон ва дастовардҳои он дар замони истиқлол ташкил шуда буд. Ҳамчунин дастурхони идонаи тоҷикӣ бо таоруфоти миллӣ ва ороиши таҷассуми рамзии он бо “ҳафт син” ва “ҳафт шин” густарда шуда, пешкаши меҳмонон гардид.
АКСҲО: Намояндагии доимии Тоҷикистон дар СММ
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
Дар Душанбе аҳаммияти ҳамкории байналмилалӣ барои таъмини рушди устувор баррасӣ гардид
Намояндаи доимии Тоҷикистон бо мудири кулли Дафтари СММ дар Вена мулоқот намуд
Дар Риёз ҳамкорӣ байни Муассисаи давлатии «Тоҷикфилм» ва Комиссияи синамои Арабистони Саудӣ баррасӣ шуд
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Сафири Тоҷикистон бо муовини вазири корҳои дохилии Миср мулоқот намуд
Сафири Тоҷикистон бо муовини Вазири адлияи Эрон мулоқот намуд
Сироҷиддин Муҳриддин бо муовини парлумонии вазири корҳои хориҷии Ҷопон Эри Арфия мулоқот намуд
Сафири Тоҷикистон дар вохӯрии муовини Котиби давлатии ИМА бо сафирони кишварҳои Осиёи Марказӣ иштирок намуд
