Дар шаҳри Ҳисор фабрикаи парандапарварӣ барои 40 ҳазор сар мурғ бунёд мешавад
ҲИСОР, 30.03.2022 /АМИТ «Ховар»/. Ба ифтихори ҷашни 35-солагии Истиқлоли давлатии Ҷумҳурии Тоҷикистон дар деҳаи «Ситора»-и Ҷамоати деҳоти «Навобод»-и шаҳри Ҳисор фабрикаи парандапарварӣ бунёд мегардад, ки дар айни замон корҳои сохтмонии ин иншоот бо маром идома доранд, хабар медиҳад мухбири минтақавии АМИТ «Ховар».
Тибқи иттилои масъулини Мақомоти иҷроияи ҳокимияти давлатии шаҳри Ҳисор, фабрикаи парандапарварӣ мувофиқи лоиҳа дуошёна буда, дар майдони 4 гектар бунёд мешавад. Дар он 40 ҳазор сар паранда парвариш ёфта, дар оянда имконияти зиёд кардани саршумори мурғҳо дар назар аст. Ҳамчунин дар ин корхона барои 60 нафар ҷойи кори доимӣ бо тамоми шароит ва маоши хуб фароҳам оварда шуда, бештар сокинони маҳаллӣ ба кор ҷалб карда мешаванд.
Имрӯзҳо корҳои асосӣ дар фабрика ба итмом расида, устоҳои маҳаллӣ сохтани лона барои тухмгузории мурғҳоро дар дохили фабрика ба роҳ мондаанд. Айни ҳол маъмурияти фабрика дар заминҳои холии назди фабрика барои бунёди боғи тамашк (малина) омодагӣ мегиранд.
Иҷрокунандаи вазифаи Раиси шаҳри Ҳисор Қосим Роҳбар зимни сафари корӣ ба корхона ҷиҳати шинонидани гулу буттаҳо ва дарахту ниҳолҳои ороишӣ дар роҳраву назди бинои маъмурии фабрика ба масъулин тавсияву маслиҳатҳои судманд дод.
АКСҲО: Мақомоти иҷроияи ҳокимияти давлатии шаҳри Ҳисор
Сокинони деҳаи Фуруғдеҳи ноҳияи Хуросон бо оби тозаи нӯшокӣ таъмин шуданд
Дар ноҳияи Ёвон кишти картошка идома дорад
МАСЛИҲАТИ МУТАХАССИС. Башаклдарории дарахтон аз охири моҳи ноябр ва аввали декабр оғоз мегардад
Оид ба таъмини амнияти долонҳои энергетикӣ-нақлиётӣ ва таъсири он ба рушди минтақаи Осиёи Марказӣ ҳамоиш доир мегардад
Ассамблеяи СММ оид ба муҳити зист қатъномаи Тоҷикистонро оид ба ҳифзи пиряхҳо ва криосфера қабул намуд
ИСТИФОДАИ САМАРАНОКИ ЗАМИН. Сокинони ноҳияи Ёвон заминҳои наздиҳавлигиро оқилона истифода мебаранд
Дар шаҳру ноҳияҳои вилояти Суғд майдони гармхонаҳои инноватсионӣ зиёд мегардад
Дар ноҳияи Ҷалолиддини Балхӣ 16 навъи меваи ситрусӣ парвариш меёбад
«МУҚОВИМАТ БА КОРРУПСИЯ ДАР СОҲАИ ТИҶОРАТ». Дар Душанбе масъалаҳои муқовимат ба ин зуҳурот ва дастгирии соҳибкорӣ баррасӣ шуданд
Содироти маҳсулоти кишоварзӣ аз Тоҷикистон ба Русия баррасӣ гардид
Маросими ҷоизасупорӣ ба ғолибони Озмуни ҷумҳуриявии «Бренди сол – 2025» баргузор гардид
ШУРОИ МИЛЛИИ ОБ. Он ба истифода, ҳифз ва идоракунии устувори захираҳои обӣ дар Тоҷикистон мусоидат менамояд
