Маъмурияти дипломатии Сафири Қазоқистон дар Тоҷикистон ба анҷом расид

ДУШАНБЕ, 19.03.2022 /АМИТ «Ховар»/. Имрӯз, 19 март Вазири корҳои хориҷии Ҷумҳурии Тоҷикистон Сироҷиддин Муҳриддин Сафири Фавқулода ва Мухтори Ҷумҳурии Қазоқистон дар Ҷумҳурии Тоҷикистон Аскар Тажибаевро ба муносибати анҷом ёфтани маъмурияти дипломатиаш дар Тоҷикистон ба ҳузур пазируфт. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.

Дар ҷараёни мулоқот ҷонибҳо доир ба вазъ ва дурнамои рушди муносибатҳои шарикии стратегии Тоҷикистон ва Қазоқистон мубодилаи афкор намуданд.

С.Муҳриддин ба А.Тажибаев барои саҳм дар таҳкими ҳамкории дуҷониба изҳори миннатдорӣ намуда, ба мавсуф дар фаъолияти минбаъдаи давлатӣ муваффақият орзу намуд.

Ёдовар мешавем, ки бо Фармони Президенти Қазоқистон Валихан Туреханов Сафири нави Фавқулода ва Мухтори Ҷумҳурии Қазоқистон дар Ҷумҳурии Тоҷикистон таъйин карда шуд.

АКС: ВКХ ҶТ