Маркази тадқиқоти Аврупо ва Осиёи Русия бо ниҳодҳои бонуфузи зеҳнии Тоҷикистон ҳамкории илмию пажӯҳиширо ба роҳ мемонад
ДУШАНБЕ, 05.03.2022 /АМИТ «Ховар»/. 3 март директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода бо директори Маркази тадқиқоти Аврупо ва Осиёи Федератсияи Русия дар шаҳри Екатеринбург Андрей Русаков мулоқот намуд.
Тавре ба АМИТ «Ховар» дар Маркази тадқиқоти стратегӣ хабар доданд, Хайриддин Усмонзода доир ба самтҳои асосии фаъолияти Марказ маълумоти мухтасар ироа намуда, иброз дошт, ки пешбурди робитаҳои илмию таҳқиқотӣ бо марказҳои зеҳнии дигар кишварҳо ва бунёдҳои шарик яке аз авлавиятҳои асосӣ дар фаъолияти ин ниҳоди муҳимми давлатии Тоҷикистон ба ҳисоб меравад.
Андрей Русаков дар бораи барномаи омӯзишӣ-пажӯҳишии Маркази тадқиқоти Аврупо ва Осиё маълумот дода, таъкид намуд, ки дар марҳалаи кунунӣ яке аз ҳадафҳои муҳим пешбурди робитаҳои омӯзишӣ бо Тоҷикистон маҳсуб меёбад.
«Дар робита ба ин Марказ мақсад дорад, ки бо ниҳодҳои бонуфузи зеҳнии Тоҷикистон, махсусан Маркази тадқиқоти стратегӣ ҳамкории илмиву пажӯҳиширо ба роҳ монад», — тазаккур дод ӯ.
Дар ҳошияи мулоқот ҷонибҳо масъалаҳои мубрами минтақа, махсусан дурнамои вазъ дар Афғонистон ва таъсири он ба равандҳои амниятии давлатҳои Осиёи Марказиро баррасӣ ва арзёбӣ намуданд.
АКС: Маркази тадқиқоти стратегии назди Президенти ҶТ
ЭМОМАЛӢ РАҲМОН – ПАЙВАНДГАРИ ТОҶИКОН ВА ФОРСИЗАБОНОН. Дар ҳошияи китоби Президенти Тоҷикистон «Забони миллат – ҳастии миллат»
Аъзои ҳайати Маҷлиси умумичинии намояндагони мардумии Чин дар Осорхонаи миллӣ бо тамаддуни тоҷикон шинос гардиданд
Ёдгориҳои таърихию фарҳангии Тоҷикистон ба рӯйхати муқаддамотии ЮНЕСКО ворид гардиданд
«ҶАҲОНИ СИРК ДИЛҲОРО МУТТАҲИД МЕКУНАД!». Фестивали якуми байналмилалии санъати сиркӣ оғоз меёбад
Аъзои Маҷлиси умумичинии намояндагони мардумии Чин Қалъаи бостонии Ҳисорро тамошо намуданд
Шоири халқии Тоҷикистон Доро Наҷот аз олам даргузашт
ДАСТОВАРДИ ДАВРОНИ СОҲИБИСТИҚЛОЛӢ. Китобхонаи миллии Тоҷикистон иқтидори нигоҳдории то 10 миллион нусха китобро дорад
Дар Душанбе ҷаласаи Комиссияи ҷумҳуриявии озмунҳо баргузор гардид
Китоби «Ориёиҳо ва шинохти тамаддуни ориёӣ»-и Президенти Ҷумҳурии Тоҷикистон бо хати форсӣ рӯнамоӣ гардид
Олимони Ҳиндустон дар Осорхонаи миллии Тоҷикистон бо ёдгориҳои беназир ва бозёфтҳои нодири бостоншиносӣ шинос шуданд
Бахшида ба 35-солагии Истиқлоли давлатӣ таҳти унвони «Меъмори кохи бузурги маънавӣ» китоб нашр шуд
ЭҲЁИ ҶАШНҲОИ МИЛЛӢ ДАР 35 СОЛИ ИСТИҚЛОЛИЯТ. Ва ё мақоми байналмилалиро соҳиб гардидани онҳо
