Масъалаи густариши минбаъдаи ҳамкорӣ дар соҳаҳои илму маорифи Тоҷикистон ва Русия муҳокима шуд
ДУШАНБЕ, 19.03.2022 /АМИТ «Ховар»/. 18 март мулоқоти директори Маркази тадқиқоти стратегии назди Президенти Ҷумҳурии Тоҷикистон Хайриддин Усмонзода ва Сафири Фавқулода ва Мухтори Федератсияи Русия дар Ҷумҳурии Тоҷикистон Игор Лякин-Фролов баргузор гардид, хабар доданд ба АМИТ «Ховар» дар ниҳоди мазкур.
Директори Маркази тадқиқоти стратегии назди Президенти Ҷумҳурии Тоҷикистон робитаҳои дӯстонаи Ҷумҳурии Тоҷикистон ва Федератсияи Русияро мусбат арзёбӣ карда, гуфт, ки рушди минбаъдаи онҳо ҷавобгӯйи манфиатҳои ҳарду ҷониб мебошад, зеро Тоҷикистону Русия шарикони стратегианд. Ӯ хусусан рушди робитаҳои тиҷоратӣ ва иқтисодии ҳарду давлатро муҳим дониста, зикр намуд, ки зарфият ва имконияти воқеии ҳарду давлат дар ин самт ҳанӯз пурра истифода нашудаанд.
Хайриддин Усмонзода зимнан дар бораи масъалаҳои сиёсию амниятӣ сухан ронда, моҳияти сиёсати хориҷии «дарҳои боз»-и Пешвои миллат, Президенти Ҷумҳурии Тоҷикистон муҳтарам Эмомалӣ Раҳмонро шарҳу тавзеҳ дод. Мавсуф иброз дошт, ки Тоҷикистон ҷонибдори ҳалли мусолиматомези тамоми масъалаҳои баҳсноки минтақаи Осиёи Марказӣ ва ҷаҳон мебошад.
Сафири Фавқулода ва Мухтори Федератсияи Русия дар Ҷумҳурии Тоҷикистон Игор Лякин–Фролов барои пазироӣ ва мулоқоти самимона ба директори Маркази тадқиқоти стратегии назди Президенти Ҷумҳурии Тоҷикистон изҳори сипос намуда, ба рушди робитаҳои шарикии дӯстона ва ҳамкории Русия ва Тоҷикистон баҳои баланд дод. Мавсуф таҳкими онҳоро ҳадафи асосии фаъолияти дипломатии худ дар Ҷумҳурии Тоҷикистон номид. Ӯ аз робитаҳои фарҳангии халқҳои русу тоҷик ёдовар шуда, тазаккур дод, ки барои рушду густариши минбаъдаи ҳамкорӣ дар соҳаҳои илму маориф, адабиёту санъат барномаҳои мушаххасро роҳандозӣ хоҳад намуд.
Зимни мулоқот инчунин ҳарду тараф масъалаҳои амнияти минтақавӣ, вазъ дар Ҷумҳурии Исломии Афғонистон ва дурнамои вазъи амниятии кишварҳои Осиёи Марказӣ, аз ҷумла мубориза бар зидди терроризму ифротгароӣ, гардиши ғайриқонунии маводи мухаддир ва дигар масъалаҳои мавриди таваҷҷуҳи ҷонибҳоро мавриди арзёбӣ қарор доданд. Ҳамчунин дар доираи вохӯрӣ масоили ба роҳ мондани ҳамкории илмиву таҳқиқотӣ миёни марказҳои зеҳнии ду кишвар ва ба нақша гирифтани баргузории чорабиниҳои муштараки илмиву фарҳангӣ баррасӣ гардид.
АКС: Хадамоти матбуоти МТС ҶТ
Дар Донишгоҳи давлатии ҳуқуқ, бизнес ва сиёсати Тоҷикистон оид ба муаммоҳои глобалии экологӣ ҳамоиш доир шуд
Давраи якуми бақайдгирии довталабон барои иштирок дар имтиҳонҳои дохилшавӣ то 30 апрел идома меёбад
Қабули ҳуҷҷатҳо барои соли таҳсил дар муассисаҳои таҳсилоти олии касбии Ҷумҳурии Корея оғоз гардид
ҲУКУМАТИ ЭЛЕКТРОНӢ. Барномаи иттилоотии «Kudak.tj» барои муассисаҳои томактабии шаҳри Душанбе рунамоӣ гардид
Дар Донишгоҳи давлатии Хоруғ Маркази зеҳни сунъӣ ба фаъолият оғоз намуд
Дар Душанбе ғолибони якчанд озмунҳои ҷумҳуриявӣ қадрдонӣ гардиданд
Дар Донишгоҳи давлатии Бохтар доир ба масъалаҳои таълими забонҳои русӣ ва англисӣ конференсия баргузор гардид
35-СОЛАГИИ ИСТИҚЛОЛИ ДАВЛАТӢ. Дар деҳаҳои Обигарм, Себистон ва Лолагии шаҳри Ҳисор кӯдакистону муассисаҳои таълимӣ бунёд мегарданд
Дар мавзуи «Рушди илми тоҷик дар шароити муосир: инноватсия ва рақамикунонӣ» конференсияи илмӣ доир шуд
«ИЛМ — ФУРӮҒИ МАЪРИФАТ». Дар Донишгоҳи байналмилалии забонҳои хориҷии Тоҷикистон даври донишгоҳии озмун оғоз шуд
Доир ба иҷрои барномаҳои давлатии соҳаи маориф дар ноҳияи Рашт ҷаласа баргузор гардид
Маркази «Ганҷинаи ҳунаристони маърифат ва фарҳанги миллӣ» ба фаъолият оғоз намуд
