МО БА ХИЗМАТ МЕРАВЕМ! Ҷавонони Шуғнон омодагиашонро барои адои хизмати ҳарбӣ иброз доштанд
ДУШАНБЕ, 28.03.2022 /АМИТ «Ховар»/. Ҳамасола 1 апрел дар саросари мамлакат маросими даъвати баҳории ҷавонон оғоз мегардад. Аз ин рӯ ба ҷавонони ноҳияи Шуғнон, ки ба нуқтаи даъвати ҳарбӣ ҳозир шуда буданд, тавсия дода шуд, ки 1 апрели соли ҷорӣ ба комиссариати ҳарбӣ ҳозир шуда, аз комиссияи тиббӣ гузаранд. Дар ин бора АМИТ «Ховар» бо истинод ба Мақомоти иҷроияи ҳокимияти давлатии ноҳияи Шуғнон хабар медиҳад.
25 март зиёда аз 50 нафар ҷавонписарони синни даъватии ноҳияи Шуғнон дар назди бинои комиссариати ҳарбии ноҳия ҳозир шуда, барои ихтиёран ба хизмати ҳарбӣ рафтан омодагии хешро иброз намуданд.
Раиси ноҳияи Шуғнон Ҷумъа Ҷумъазода бо ҷавонони ҳозиршуда мулоқот намуда, барои чунин иқдоми ҷавонмардонаашон ҷиҳати иҷрои фармони Президенти мамлакат муҳтарам Эмомалӣ Раҳмон “Дар бораи ба эҳтиёт рухсат додани хизматчиёни ҳарбие, ки муҳлати муқарраргардидаи хизмати ҳарбиро адо намудаанд ва даъвати навбатии шаҳрвандони солҳои таваллуди 1995-2004 Ҷумҳурии Тоҷикистон ба хизмати ҳарбӣ” ба онҳо миннадорӣ изҳор намуд.
Мавсуф зикр кард, ки ҷавонписарони синни даъватӣ танҳо пас аз гузаштани комиссияи тиббӣ ва қобили хизмат дониста шудани онҳо аз ҷониби комиссия ба хизмати ҳарбӣ сафарбар карда мешаванд.
Мавриди зикр аст, ки дар рӯзи аввали даъвати ҷавонон ба хизмати ҳарбӣ маъракаи “Рӯзи даъватшаванда” бо чорабиниҳои мухталифи тантанавӣ ва фарҳангӣ–фароғатӣ доир карда мешавад.
АКС: МИҲД-и н. Шуғнон
Кумитаи рушди сайёҳӣ бахшида ба Рӯзи ҷаҳонии сайёҳӣ озмун эълон менамояд
Дар Хоруғ даври шаҳрии Озмуни ҷумҳуриявии «Беҳтарин ҳамсар» баргузор гардид
Имрӯз дар Тоҷикистон ҳарорати ҳаво ба 39 дараҷа мерасад
Волейбол дар Вилояти Мухтори Кӯҳистони Бадахшон аз ҷиҳати тиҷоратӣ дастгирӣ ёфт
4 август дар Кумитаи ҳолатҳои фавқулода ва мудофиаи гражданӣ, Агентии инноватсия ва технологияҳои рақамӣ, Хадамоти зиддиинҳисорӣ ва Ваколатдор оид ба ҳуқуқи инсон нишасти матбуотӣ баргузор мегардад
Имрӯз дар Тоҷикистон ҳавои тағйирёбанда дар назар аст
1 август дар ноҳияҳои кӯҳии Тоҷикистон хавфи сар задани селҳои пиряхӣ боқӣ мемонад
Маҷлиси Кумитаи иҷроияи Ҳизби Халқии Демократии Тоҷикистон дар шаҳри Ҳисор баргузор гардид
Неругоҳи барқи обии «Қайроққум» навсозӣ мешавад
Ҷаласаи Шурои вилоятии мутобиқсозию методӣ оид ба таълим ва тарбияи ҳуқуқии шаҳрвандон доир гардид
