Пешвои миллат Эмомалӣ Раҳмон дар ноҳияи Кӯшониён бинои баландошёнаи истиқоматиро ба истифода доданд

Март 20, 2022 12:08

ДУШАНБЕ, 20.03.2022 /АМИТ «Ховар»/. 20 март Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар маркази ноҳияи Кӯшониён бинои баландошёнаи истиқоматиро, ки аз 7 ошёна иборат мебошад, ба истифода доданд.

Ҳангоми сохтмони бинои истиқоматӣ, ки аз 40 хона иборат аст, 12 нафар сокинони маҳаллӣ бо кори мувақатӣ таъмин буданд. Масоҳати умумии майдони иншоот 900 метри мураббаъро ташкил намуда, хонаҳои истиқоматии он 1 ва 2 ҳуҷрагӣ мебошад.

Мутобиқи маълумот ошёнаи якуми бино ҳамчун марказҳои хизматрасонӣ пешбинӣ гардидааст ва бо ба фаъолият шуруъ намудани онҳо чандин нафар сокинони маҳаллӣ соҳиби ҷойи кор хоҳанд гашт.

Баҳри самаранок истифода бурдани иншоот ва ҷиҳати таъмини сокинон бо ҷойҳои корӣ дар таҳхонаи бино коргоҳи хурди истеҳсоли дару тирезаҳои пластикӣ ба роҳ монда шудааст.

Пешвои миллат муҳтарам Эмомалӣ Раҳмон дар вазъияти тантанавӣ ба ду оилаи эҳтиёҷманд калиди хонаҳои навро тақдим карданд.

Зимни шиносоӣ Президенти мамлакат муҳтарам Эмомалӣ Раҳмон бо шароити манзилҳои зист ба сифати корҳои сохтмонӣ баҳои баланд дода, иқдоми пешгирифтаи соҳибкорро дар рӯзҳои таҷлили пуршукӯҳи ҷашни байналмилалии Наврӯз муҳиму саривақтӣ маънидод намуданд.

Дар ошёнаи якуми бинои истиқоматӣ Президенти мамлакат муҳтарам Эмомалӣ Раҳмон бо 150 нафар ятимону бепарасторон, ки аз 5 шаҳру ноҳияҳои вилояти Хатлон ба ҳам омада буданд, суҳбату мулоқоти самимии падарона анҷом дода, баҳрашон дастархони идонаи Наврӯзи оростанд.

Пешвои раиятпарвари миллат ҳама кӯдаконро бо ҷашни байналмилалии Наврӯз табрику таҳният гуфта, ба онҳо тӯҳфаҳои арзанда тақдим намуданд.

Туҳфаҳо, ки аз сару либос ва ширинӣ иборат буданд, боиси хушҳолии кӯдакон гардид.

Дар ҳаминҷо ба Сарвари давлат лоиҳаи сохтмони бинои нави 9 ошёнаи истиқоматӣ бо ҷойгиршавии марказҳои савдову хизматрасонӣ дар ошёнаи аввал, ки аз тарафи соҳибкори маҳаллӣ Дилшод Давлатов сохта мешавад, муаррифӣ гардид.

Мутобиқи маълумот дар бинои баландошёнаи сохташаванда 64 хонаи 1 ва 2 ҳуҷрагӣ ҷойгир мешавад.

Ҳамзамон дар саҳни бино таваққуфгоҳ барои зиёда аз 30 воситаи нақлиёт ва майдончаи болопӯшидаи варзишии замонавӣ банёд карда мешавад.

Пешвои миллат муҳтарам Эмомалӣ Раҳмон зимни шиносоӣ бо лоиҳаи иншооти сохташаванда, ба соҳибкор ҷиҳати босифати баланд анҷом додани корҳои бунёдӣ дастурур маслиҳатҳои муфид доданд.

Ба истифода додани бинои истиқоматӣ ва муаррифии лоиҳаи сохтмони бинои баландошёна дар ноҳияи Кӯшониён 20.03.2022

Март 20, 2022 12:08

Хабарҳои дигари ин бахш

Президенти Ҷумҳурии Тоҷикистон Эмомалӣ Раҳмон дар чорабинии сатҳи баланди оғози Даҳсолаи байналмилалии амал оид ба илмҳои яхшиносӣ (криосферӣ), солҳои 2025-2034 иштирок ва суханронӣ намуданд
Президенти Ҷумҳурии Тоҷикистон Эмомалӣ Раҳмон бо сафари корӣ вориди шаҳри Нитсаи Ҷумҳурии Фаронса шуданд
Президенти Ҷумҳурии Тоҷикистон Эмомалӣ Раҳмон ба Ҷумҳурии Фаронса сафар намуданд
Президенти Ҷумҳурии Тоҷикистон Эмомалӣ Раҳмон бо Сарвазири Ҷумҳурии Исломии Покистон Шаҳбоз Шариф суҳбати телефонӣ анҷом доданд
Президенти Ҷумҳурии Тоҷикистон Эмомалӣ Раҳмон ба Президенти тозаинтихоби Ҷумҳурии Корея Ли Ҷе Мюн барқияи табрикӣ ирсол намуданд
Президенти Ҷумҳурии Тоҷикистон Эмомалӣ Раҳмон бо Раиси Ҷумҳурии Исломии Эрон Масъуди Пизишкиён суҳбати телефонӣ анҷом доданд
Сарвари давлат Эмомалӣ Раҳмон бо сарони ҳукуматҳои кишварҳои иштирокдори ИДМ мулоқот намуданд
Паёми шодбошии Президенти Ҷумҳурии Тоҷикистон, Пешвои миллат Эмомалӣ Раҳмон ба муносибати иди Қурбон
Пешвои миллат Эмомалӣ Раҳмон Раиси Ҳукумати Федератсияи Русия Михаил Мишустинро ба ҳузур пазируфтанд
Президенти Ҷумҳурии Тоҷикистон Эмомалӣ Раҳмон бо рафти сохтмони роҳи мошингард аз дарвозаи Ғарбӣ то маҳаллаи Чортути шаҳри Душанбе шинос шуданд
Сарвари давлат Эмомалӣ Раҳмон бо корҳои сохтмонӣ дар Варзишгоҳи миллии Тоҷикистон дар шаҳри Душанбе шинос шуданд
Пешвои миллат Эмомалӣ Раҳмон дар ноҳияи Синои шаҳри Душанбе бо корҳои сохтмонӣ дар Чойхонаи миллӣ шинос шуданд