Шӯрои Сохтори минтақавии зиддитеррористии СҲШ пешниҳоди дар Ҳиндустон ва Қазоқистон гузаронидани машқҳои муштаракро дастгирӣ намуд
ДУШАНБЕ, 28.03.2022 /АМИТ «Ховар»/. Шӯрои Сохтори минтақавии зиддитеррористии Созмони Ҳамкории Шанхай (СМЗ СҲШ) дар ҷаласаи 37-ум дар Тошканд пешниҳоди баргузории тамринҳои муштараки зиддитеррористии «Манесар – Антитеррор-2022» дар соли 2022 дар Ҳиндустон ва Қазоқистон ва амалиёти сарҳадии «Сарҳади дӯстӣ – 2022»-ро ҷонибдорӣ намуд. Тавре АМИТ «Ховар» бо истинод ба ТАСС хабар медиҳад, дар ин бора рӯзи панҷшанбеи 25 март хадамоти матбуоти ин сохтор иттилоъ додааст.
«Пешниҳоди ҷониби Ҳиндустон дар бораи соли 2022 дар қаламрави ин кишвар баргузор намудани тамрини зиддитеррористии мақомоти салоҳиятдори кишварҳои узви СҲШ «Манесар – Антитеррор 2022», инчунин аз ҷониби Қазоқистон гузаронидани амалиёти муштараки сарҳадии мақомоти салоҳиятдори кишварҳои узви СҲШ «Сарҳади дӯстӣ — 2022» дастгирӣ ёфт»,-омадааст дар иттилоия.
Бино ба иттилои хадамоти матбуотӣ, ҷаласаи навбатии 38-уми Шӯрои СМЗ СҲШ моҳи октябри соли равон дар Ҳиндустон баргузор мешавад. Ҳамчунин хабар дода мешавад, ки дар ҷаласаи охир намояндаи Узбекистон Руслан Мирзоев масъулияти директори СМЗ СҲШ-ро бар уҳда гирифт.
СМЗ сохтори доимамалкунандаи СҲШ мебошад, ки соли 2002 барои мубориза бо терроризм, ифротгароӣ ва сепаратизм таъсис ёфтааст. Ҳоло аъзои СҲШ Ҳиндустон, Қазоқистон, Чин, Қирғизистон, Русия, Тоҷикистон, Покистон ва Узбекистон мебошанд. Кишварҳои нозир дар СҲШ Афғонистон, Беларус, Эрон ва Муғулистон, кишварҳои шарик Озарбойҷон, Арманистон, Камбоҷа, Непал, Туркия ва Шри-Ланка маҳсуб мешаванд. Дар нишасти сарони кишварҳои узви Созмони ҳамкории Шанхай дар моҳи сентябри соли 2021 дар Душанбе тартиби пазируфтани Эрон ба ин созмон оғоз шуд. Идораи марказии СМЗ дар Тошканд ҷойгир аст.
АКС: «Синхуа»
«Нозирони навраси ҳаракат»-и Тоҷикистон дар озмуни байналмилалӣ соҳиби ҷойи якум гардиданд
Бахшида ба ҷашни Истиқлоли давлатӣ бо иштироки кормандзанони мақомоти корҳои дохилӣ ҳамоиши идона доир гардид
Амнияти киберӣ яке аз муҳимтарин унсурҳои амнияти миллии Тоҷикистон мебошад
Ҳайати Тоҷикистон дар вохӯрии сеюми «Шабакаи занон GLO.ACT» иштирок менамояд
Дар ноҳияи Рӯдакӣ оид ба нақши шаҳрвандон дар таҳкими Истиқлоли давлатӣ ва ваҳдати миллӣ мулоқот доир гардид
«SOS». Барномаи мобилие, ки дар ҳолатҳои фавқулода ба шаҳрвандон кумак мерасонад
Тоҷикистон ва шарикони минтақавию байналмилалӣ ҳамкориро дар самти идоракунии хавфҳои иқлимӣ тақвият медиҳанд
Ҷаласаи Кумитаи роҳбарикунандаи Барномаи муштараки «Тағйир додани низоми озуқаворӣ барои беҳтар намудани ғизо дар Тоҷикистон» доир шуд
ОГОҲӢ! Аз 5 то 7 август дар баъзе минтақаҳои Тоҷикистон сар задани сел пешгӯӣ мешавад
Аз 1 август ҳаракати нақлиёт дар баъзе кӯчаҳои шаҳри Душанбе муваққатан маҳдуд карда мешавад
ИМРӮЗ — РӮЗИ КОРМАНДОНИ ХАДАМОТИ ОТАШНИШОНӢ. Кормандони ин ниҳод барои ҳифзи ҷони шаҳрвандон ба таври шабонарӯзӣ фаъолият менамоянд
Масъалаҳои таҳкими ҳамкории Тоҷикистон ва Чин дар самти мубориза бо ҷинояткорӣ баррасӣ гардиданд
