Тоҷикистон ва Покистон ҳамкориро дар самти назорати маводи нашъаовар ва пешгирии нашъамандӣ таҳким мебахшанд
ДУШАНБЕ, 17.03.2022. /АМИТ «Ховар»/. Масъалаҳои таҳкими ҳамкории судманди дуҷониба миёни мақомоти ваколатдори Тоҷикистон ва Покистон дар заминаи созишномаи байниҳукуматӣ ва дар доираи Созмони ҳамкории Шанхай дар самти назорати маводи нашъаовар ва пешгирии нашъамандӣ 16 март дар шаҳри Вена зимни мулоқоти директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода бо директори генералии Қувваҳои зиддимухаддироти Ҷумҳурии Исломии Покистон Гулам Шабир баррасӣ гардиданд. Дар ин бора ба АМИТ «Ховар» дар Агентии назорати маводи нашъаовар хабар доданд.
Ҷонибҳо ҳамчунин омодагии худро ҷиҳати пешгирии қочоқи маводи нашъаовар, махсусан моддаҳои синтетикии психотропӣ аз Афғонистон, ки солҳои охир аз ҷониби гурӯҳҳои муташаккили нашъаҷаллоби фаромиллӣ содир карда мешаванд, иброз намуданд.
Бо назардошти таҳдиду хатарҳои муосир ба амнияти миллии ҳарду кишвар, ҷонибҳо ба имзо расонидани санади нави ҳамкории дуҷонибаро ба мақсад мувофиқ шумориданд.
Ёдовар мешавем, ки директори Агентии назорати маводи нашъаовари назди Президенти Ҷумҳурии Тоҷикистон Ҳабибулло Воҳидзода барои иштирок дар Иҷлосияи 65-уми Комиссияи СММ оид ба маводи нашъаовар, ки то 18 март идома меёбад, дар шаҳри Венаи Австрия қарор дорад.
Дар ҳошияи Иҷлосия Ҳабибулло Воҳидзода бо роҳбарони ҳайатҳои ИМА ва Арабистони Саудӣ Тод Робинсон ва Муҳаммад Алҳакабанӣ мулоқот анҷом дода, дурнамои рушди ҳамкории Тоҷикистонро бо ин кишварҳо дар самти назорати маводи нашъаовар баррасӣ кард.
Директори Агентӣ инчунин дар Вена тариқи маҷозӣ «Шарҳи вазъи назорати маводи нашъаовар дар Ҷумҳурии Тоҷикистон дар соли 2021»-ро муаррифӣ карда, дар чорабинии канории Созмони ҳамкории Шанхай ва Раёсати СММ оид ба маводи нашъаовар ва ҷинояткорӣ таҳти унвони «Пурзӯр намудани ҳамкориҳои зиддимухаддиротӣ дар доираи СҲШ, мусоидат намудан ба назорати фаромиллии маводи нашъовар» иштирок намуд.
АКС: Агентии назорати маводи нашъаовари назди Президенти ҶТ
Дар Тоҷикистон бо мақсади пешгирии ҳодисаҳои роҳу нақлиёт амалиёти «Автобус» оғоз гардид
Ҳабибулло Воҳидзода бо прокурорҳои генералии Қазоқистон ва Туркманистон мулоқот намуд
Намояндагони Тоҷикистон дар вохӯрии роҳбарони бюроҳои миллии марказии «Интерпол»-и давлатҳои ИДМ иштирок намуданд
Тоҷикистон ва Ҳиндустон ҳамкориро дар самти пешгирӣ ва рафъи ҳолатҳои фавқулода тақвият медиҳанд
Прокурорҳои генералии Тоҷикистон ва Эрон тақвияти ҳамкории ҳуқуқиро баррасӣ намуданд
Ҳабибулло Воҳидзода дар ҷаласаи ҳафтуми прокурорҳои генералии кишварҳои аъзои Созмони ҳамкории иқтисодӣ иштирок намуд
Дар Душанбе бо ҳамватанони бурунмарзӣ вохӯрӣ доир шуд
Дар шаҳри Исфара бахшида ба 35-солагии Истиқлоли давлатӣ гузашти ҳарбӣ доир шуд
Дар Суғд ба муносибати 35-солагии Истиқлоли давлатӣ бо иштироки беш аз 8 ҳазор нафар гузашти низомӣ доир гардид
Дар Паради ҳарбӣ ба муносибати 35-солагии Истиқлоли давлатӣ беш аз 27 ҳазор нафар иштирок намуданд
Вазири мудофиа: «Давоми солҳои соҳибистиқлолӣ Артиши миллии Тоҷикистон роҳи пуршарафу пурмасъулиятро тай намуд»
РУШДИ МАҚОМОТИ ПРОКУРАТУРАИ ҲАРБӢ. Эҳдо ба 35-солагии Истиқлолияти давлатии Тоҷикистон
