Ҳайати тоҷирони Хатлон аз намоишгоҳи «UzFood 2022» боздид намуда, бо фаъолияти корхонаи «TESPACK» шинос мешавад
ДУШАНБЕ, 01.04.2022 /АМИТ «Ховар»/. Беш аз 30 нафар роҳбарони ширкатҳои истеҳсолии вилояти Хатлон, назири «Насими кӯҳсор», «Ҳасанҷон-2017», «Форсиён», «Маҳсулоти ширӣ», «Насими Вахш» ба Узбекистон сафар карда, аз Намоишгоҳи байналмилалии «Хӯрокворӣ, компонентҳо ва технологияҳои истеҳсолӣ — UzFood 2022» боздид намуданд, иттилоъ медиҳад АМИТ «Ховар» бо истинод ба Сафорати Ҷумҳурии Тоҷикистон дар Ҷумҳурии Узбекистон.
Сафари ҳайати доираҳои соҳибкории Тоҷикистон ба Узбекистон бо дастгирии шарикони рушди кишвар ва мусоидати Сафорати Ҷумҳурии Тоҷикистон дар Ҷумҳурии Узбекистон ташкил карда шуд.
Ҳайати соҳибкорону тоҷирони вилояти Хатлон дар ҷараёни сафар бо роҳбарони
бузургтарин шабакаҳои фурӯши чакана, аз ҷумла «Макро», «Корзинка», «Каррефур», «Барака», «Хавас» ва ғайра вохӯрӣ намуда, доир ба истеҳсоли консерваи меваю сабзавот, коркарди маҳсулоти кишоварзӣ, ташкили истеҳсолот ва фурӯши он дар бозорҳои дохилию хориҷӣ табодули афкор намуданд.
Тоҷирони вилояти Хатлон бо Сафири Ҷумҳурии Тоҷикистон дар Ҷумҳурии Узбекистон Абдуҷаббор Раҳмонзода вохӯрӣ намуда, доир ба тақвияти робитаҳои иқтисодӣ бо доираҳои тиҷоратии Узбекистон изҳори назар намуданд.
Зимни мулоқот Абдуҷаббор Раҳмонзода ба ҳайати Ҷумҳурии Тоҷикистон самтҳои мухталифи ҳамкорӣ, аз ҷумла агросаноат, басту банди маҳсулоти тайёр, таблиғоти зарурии маҳсулот ва истифодаи технологияҳои муосирро дар истеҳсолот пешниҳод кард. Ҳамчунин омодагии хешро вобаста ба мусоидат ва ташкил намудани вохӯриҳо бо сохторҳои давлатӣ ва доираҳои тиҷоратии давлати иқомат, инчунин бо фаъолоне, ки дар рушди иқтисодиёти давлати иқомат иштирок менамоянд, иброз намуд.
Қарор аст ҳайати соҳибкорону тоҷирони вилояти Хатлон 1-2 апрел бо мақсади шиносоӣ бо фаъолияти бузургтарин истеҳсолкунандагони зарфҳои пластикӣ барои маҳсулоти ширӣ дар Узбекистон «TESPACK» ва ширкатҳои истеҳсоли маҳсулоти ширии ферментӣ: кефир, биокефир, қаймоқ, сметана, айрон, йогурт, панир ва ғайра ба вилояти Самарқанд сафар намоянд.
АКСҲО: Сафорати ҶТ дар ҶУ
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
