Барномаи таҳлилии «Сарват»-и Радиои «Ховар» паҳлӯҳои ҳуқуқии истифодаи обро тавзеҳ медиҳад

Апрель 4, 2022 09:09

ДУШАНБЕ, 04.04.2022 /АМИТ «Ховар»/. Пешрафти ҳар давлат ба якчанд омилҳо, аз ҷумла иқтидори захираҳои табиии ҳудуди он вобаста аст. Аммо тақсимоти нобаробари захираҳои табиӣ дар ҳудуди кишварҳои ҷаҳон ва сатҳи афзоиши босуръати истифодаи онҳо метавонанд ба ташаккули низоъҳои минтақавӣ ва байналмилалӣ оварда расонанд. Дар чунин ҳолат зарурати танзими ин муноқишаҳо тариқи қабули санадҳои махсуси ҳуқуқиву меъёрӣ ба миён меояд.

Шумораи зиёди олимон дар навиштаҳои худ эътироф мекунанд, ки ҳуқуқи байналмилалии экологӣ дар асри XXI ба давраи нави тараққиёти худ дохил мешавад. Коршиносон ин марҳиларо ибтидои «давраи энергетикӣ — иқлимӣ» номида, ба он ишора намудаанд, ки мавҷи сеюми экологикунонии муносибатҳои байналмилалӣ оғоз меёбад. Тибқи гузоришҳои  ташкилоти ЮНЕСКО, танҳо дар нимаи дуюми асри XX дар рӯи Замин зиёда аз 1 831 муноқиша дар атрофи сарчашмаҳои об ва истифодаи захираҳои он ба қайд гирифта шуданд. Қисмати зиёди ин муноқишаҳо ба таври осоишта ҳал гардида, дар 507 маврид муноқишаҳо лаҳни шадид касб намуда, ҳатто дар 21 ҳолат бо роҳи ҳарбӣ ба анҷом расидаанд. Чунин нишондиҳанда ҷомеаи ҷаҳонро водор месозад, ки дар масъалаи об ҳамчун манбаи муноқиша ва ноамниҳои эҳтимолӣ ба таври ҷиддӣ андеша карда, барои танзими он санадҳои меъёриву ҳуқуқӣ ба тасвиб расонад.

Тафсилоти бештари мавзӯъ вобаста ба паҳлӯҳои ҳуқуқии истифодаи об имрӯз соатҳои 10:30, 14:30 ва 20:30 дар барномаи таҳлилии «Сарват»-и радиои «Ховар» бо иштироки устоди кафедраи ҳуқуқи нақлиёт ва ҳуқуқи истифодаи сарватҳои табиии Донишгоҳи миллии Тоҷикистон Яҳё Идрисов дар таҳияи муҳаррири барнома Манижа Баҳромзода пешниҳоди шунавандагон мегардад.

АКС аз бойгонӣ

Апрель 4, 2022 09:09

Хабарҳои дигари ин бахш

Дар барномаи «Сарват»-и Радиои «Ховар» чорабиниҳои сатҳи байналмилаливу минтақавӣ дар арафаи Конфронси дуюми байналмилалии сатҳи баланд тавзеҳ меёбанд
Дар барномаи «Набзи иқтисод»-и Радиои «Ховар» хатари истеъмоли обҳои газдору бегаз тавзеҳ меёбад
Дар барномаи таҳлилии «Сарват»-и Радиои «Ховар» омодагӣ ба Конфронси байналмилалии дуюми оби Душанбе баррасӣ мешавад
Дар барномаи таҳлилии «Сарват»-и Радиои «Ховар» мушкилоти ҷаҳонии обу иқлим ва нақши Тоҷикистон дар ҳалли он баррасӣ мегардад
Дар барномаи «Набзи иқтисод»-и Радиои «Ховар» масъалаи истифодаи самараноки замин ва мушкилоти хоҷагидорон баррасӣ мешавад
Дар барномаи «Сарват»-и Радиои «Ховар» масъалаи дастгирии молиявӣ барои мутобиқшавӣ ба тағйирёбии иқлим шарҳ дода мешавад
Дар барномаи «Сарват»-и Радиои «Ховар» ду Даҳсолаи байналмилалии амали марбут ба об шарҳ дода мешаванд
Дар барномаи «Сарват»-и Радиои «Ховар» мушкилоти ҷаҳонии обу иқлим баррасӣ мешаванд
Имрӯз — Рӯзи байналмилалии дарёҳо. Барномаи навбатии «Сарват»-и Радиои «Ховар» ба ин мавзӯъ бахшида мешавад
ВАО ва муаммоҳои экологӣ. Баррасии мавзӯъ дар барномаи таҳлилии «Сарват»-и Радиои «Ховар»
Аҳамияти эълони Соли байналмилалии ҳифзи пиряхҳо. Шарҳи мавзӯъ дар барномаи таҳлилии «Сарват»-и Радиои «Ховар»
Соли 2021 — яке аз ҳафт соли гармтарин дар таърих. Шарҳи мавзӯъ дар барномаи таҳлилии «Сарват»-и Радиои «Ховар»