Дар чор ноҳияи шаҳри Душанбе ярмаркаҳои фурӯши маҳсулот ҷараён доранд

Апрель 26, 2022 15:09

ДУШАНБЕ, 26.04.2022. /АМИТ «Ховар»/. Дар  чор ноҳияи шаҳри Душанбе ярмаркаҳои фурӯши маҳсулоти мавриди ниёзи аввал ҷараён доранд. Ин ярмаркаҳо  дар асоси қарори дахлдори Раиси шаҳри Душанбе  Рустами Эмомалӣ бо мақсади фаровонии бозори истеъмолӣ ва ғанигардонии дастурхони сокинону меҳмонони пойтахт, инчунин  пешгирии болоравии нархи маводи озуқа  дар  моҳи  шарифи  Рамазон  ташкил карда шудаанд.

Тавре  сармутахассиси Раёсати рушди иқтисод ва савдои  мақомоти иҷроияи ҳокимияти давлатии шаҳри Душанбе Абдусалом Нозимов  ба АМИТ «Ховар»  хабар дод, ярмаркаҳои мазкур  дар  ҶСП Истиқлол «Бозори Меҳргон»-и ноҳияи Исмоили Сомонӣ,   кӯчаи Ҳусейнзода, буриши кӯчаи Мирзо Турсунзодаи ноҳияи Шоҳмансур (назди Кумитаи сохтмон ва меъмории назди Ҳукумати Ҷумҳурии Тоҷикистон),   собиқ бинои «Қарияи боло»- айни замон назди таваққуфгоҳи бинои мақомоти иҷроияи ҳокимияти давлатии ноҳияи Сино,  майдончаи назди таваққуфгоҳи КВД «Бозори Саховат»-и ноҳияи Фирдавсӣ ташкил гардида, дар онҳо маҳсулоти мавриди ниёзи аввал ба сокинону меҳмонони шаҳр бо нархҳои дастрас пешниҳод мешаванд.

«Ҳамзамон тибқи қарори дахлдори Раиси шаҳри Душанбе, дар даромадгоҳҳои бозорҳои хусусии коммуналӣ ярмаркаи доимоамалкунанда ҳамарӯза ҷараён дошта, дар 14 нуқтаи сераҳолии шаҳри Душанбе низ чунин ярмаркаҳо ҳамарӯза баргузор мегарданд, ки дар онҳо маҳсулоти зарурии мавриди ниёзи аввал манзур карда мешаванд.

Дар ярмаркаҳо аз ҷониби  Корхонаи воҳиди давлатии «Оид ба истеҳсол, харид, захира ва фурӯши маҳсулоти ниёзи аввалия дар шаҳри Душанбе»,  Иттифоқи «Тоҷикматлубот» ва  Агентии захираҳои моддии давлатӣ маҳсулоти босифат бо нархи дастрас пешниҳоди сокинони пойтахт гардонида мешаванд.

Ба зикри мавсуф, дар ярмаркаи мазкур нархи маҳсулоти мавриди ниёзи аввал назар ба бозор нисбатан арзонтар буда, нархи орд 290 сомонӣ, шакар 9,5 сомонӣ, картошка 2,5 сомонӣ мебошад. Меваҷот ва дигар маҳсулоти хоҷагии қишлоқ низ бо нархи арзонтар пешкаши харидорони шаҳр гардонида мешаванд.

Бояд тазаккур дод, ки Раиси шаҳри Душанбе Рустами Эмомалӣ  ба раисони ноҳияҳои пойтахт супориш додааст, ки   дар ҳамкорӣ бо сохторҳои марбутаи шаҳрӣ бобати дар сатҳи баланди ташкилию фарҳангӣ гузаронидани  ин ярмаркаҳо, ҷойгир кардани ғуфра ва растаҳои  савдо, ки ба талаботи муосир ҷавобгӯй мебошанд,  тадбирҳои зарурӣ андешанд.

АКС: АМИТ «Ховар»

Апрель 26, 2022 15:09

Хабарҳои дигари ин бахш

МАРҲАБО БА ПОЙТАХТИ МО! Душанбе моҳи июн ба феҳристи машҳуртарин маконҳо барои москвагиҳо шомил шуд
ҲАДИСИ МУСАВВАР. Имрӯз дар Душанбе Намоишгоҳи байналмилалии универсалии «Тоҷикистон-2022» ба кори худ шурӯъ намуд
24 июн дар Душанбе дуюмин Фестивали дӯстӣ таҳти унвони «Ҷавонон – дар масири Истиқлолият ва давлатдории миллӣ» баргузор мешавад
Дар Душанбе Фестивали II байналмилалии эҷодиёти бадеии кӯдакон ва наврасон «Шукуфаҳои пойтахт» ҷараён дорад
ДИҚҚАТ! Пагоҳ дар Душанбе Намоишгоҳи байналмилалии универсалии «Тоҷикистон-2022» оғоз мегардад
Раиси шаҳри Душанбе Рустами Эмомалӣ бо Сафири Чин дар Тоҷикистон Тсзи Шумин мулоқот намуданд
Дар Душанбе Фестивали II байналмилалии эҷодиёти кӯдакону наврасон «Шукуфаҳои пойтахт» баргузор мешавад
Дар басти якум 2588 нафар кӯдакону наврасони Душанбе ба истироҳат фаро гирифта мешаванд
Дар Душанбе бахшида ба Рӯзи Ваҳдати миллӣ ҳамоиши маърифатӣ баргузор гардид
Раиси шаҳри Душанбе Рустами Эмомалӣ ноиби Президенти Бонки аврупоии таҷдид ва рушд Марк Боуманро ба ҳузур пазируфтанд
Раиси шаҳри Душанбе Рустами Эмомалӣ бо Сафири Ҷопон дар Тоҷикистон Тосихиро Аики мулоқот анҷом доданд
Раиси шаҳри Душанбе Рустами Эмомалӣ ду кӯдакистон ва як фурӯшгоҳро ифтитоҳ намуданд