Дар Кӯлоб доир ба истиқболи сазовори ҷашни 35-солагии Истиқлоли давлатии Тоҷикистон ҷаласаи гурӯҳи корӣ доир шуд

Апрель 7, 2022 14:29

ДУШАНБЕ, 07.04.2022 /АМИТ «Ховар»/. 6 апрел дар мақомоти иҷроияи ҳокимияти давлатии шаҳри Кӯлоб ҷиҳати сазовору хотирмон истиқбол гирифтани ҷашни 35- солагии Истиқлоли давлатии Ҷумҳурии Тоҷикистон ҷаласаи гурӯҳи корӣ баргузор шуд, хабар доданд ба АМИТ «Ховар» дар бахши матбуоти ниҳоди мазкур.

Дар кори ҷаласа аъзои гурӯҳи корӣ- намояндаи Ҳукумати Ҷумҳурии Тоҷикистон, Вазири нақлиёти Ҷумҳурии Тоҷикистон Азим Иброҳим, Раиси шаҳри Кӯлоб Бахтиёр Назарзода, раиси Хадамоти алоқаи назди Ҳукумати Ҷумҳурии Тоҷикистон Бег Сабур, муовини раиси вилояти Хатлон Амирхон Қурбонзода, муовинон ва роҳбари дастгоҳи раиси шаҳри Кӯлоб, мудирони шуъбаву бахшҳои дастгоҳи шаҳр, роҳбарони мақомоти ҳифзи ҳуқуқ, сардорони раёсатҳо, роҳбарони ташкилоту муассисаҳо, раисони ҷамоатҳо, масъулони муассисаҳои таълимию тиббии шаҳр ва дигар шахсони масъул иштирок доштанд.

Дар ҷаласа масъалаҳо доир ба самтҳои асосии сиёсати дохилӣ ва хориҷии ҷумҳурӣ, таҷлили ҷашни таърихии 35-солагии Истиқлоли давлатии Ҷумҳурии Тоҷикистон, даъвати ҷавонон ба хизмати ҳарбӣ ва анҷом додани корҳои таблиғотиву ташвиқотӣ дар ин самт, корҳои ободониву созандагӣ, сатҳу сифати иншооти бунёдшаванда, кишти картошка, сабзавот, ғалладонагӣ ва дигар маҳсулоти кишоварзӣ, вазъи муассисаҳои соҳаи маориф, тандурустӣ, фарҳанг ва фаъолияти онҳо дар ҷамоату деҳот, вазъи рӯзгори мардум ва дигар масъалаҳои марбут ба ҳаёти ҷомеаи имрӯз баррасӣ гардиданд.

АКСҲО: Мақомоти иҷроияи ҳокимияти давлатии шаҳри Кӯлоб

Апрель 7, 2022 14:29

Хабарҳои дигари ин бахш

Дар маҳаллаи «Сабзазор»-и пойтахт беш аз 1 км роҳи дохили маҳалла мумфарш карда шуд
Дар Хуҷанд Маҷмааи бисёрошёнаи «Темурмалик» бунёд карда мешавад
78 хоҷагии минтақаи манзилии №4-и шаҳри Норак бо оби нӯшокӣ таъмин гардид
Дар Муъминобод бахшида ба 34-солагии Истиқлолияти давлатии Ҷумҳурии Тоҷикистон ҳамоиши илмӣ-фарҳангӣ баргузор шуд
Дар назди Коллеҷи тиббии ҷумҳуриявӣ бинои нави клиника ва дармонгоҳ бунёд мегардад
Беш аз 5 километр роҳҳои дохилии маҳаллаи «40-солагии Дилварзин» мумфарш карда мешаванд
ИСТИҚЛОЛИЯТ — ФАЙЗУ БАРАКАТ ВА НУРУ ЗИЁ БА ХОНАДОНИ ҲАР ФАРДИ ТОҶИКИСТОН. Андешаҳои Пешвои миллат доир ба истиқлоли тоҷикон
Хиради омӯзгор ҷаҳлу хурофотро аз байн мебарад ва сарчашмаи комёбиҳо мегардад, — бардошт аз ҳамоиш дар вилояти Хатлон
Сарвазири мамлакат Қоҳир Расулзода дар ноҳияи Дӯстӣ бо рафти ҷамъоварии ҳосили пахта ва корҳои созандагӣ шинос гардид
Доир ба заминаҳо, таҳаввулот ва дурнамои Истиқлоли давлатӣ машварати илмӣ-назариявӣ баргузор шуд
Дар ноҳияи Рӯшон майдончаҳои варзишӣ ба истифода дода шуданд
Ба намояндагони касбу кори гуногуни вилояти Хатлон мукофотҳои давлатӣ тақдим карда шуд