Даромадҳои буҷети Тоҷикистон дар семоҳаи аввал 310 миллион сомонӣ аз нақша зиёд шуданд

Апрель 20, 2022 11:42

ДУШАНБЕ, 20.04.2022 /АМИТ «Ховар»/. Даромадҳои буҷети Тоҷикистон дар семоҳаи аввали соли 2022 нисбат ба нақшаи пешбининамудаи Қонун «Дар бораи Буҷети давлатии Ҷумҳурии Тоҷикистон барои соли 2022» 4,5 фоиз ё худ 310 миллион сомонӣ (ҳудуди 25 миллион доллари ИМА) зиёд шуданд. Ҳаҷми умумии буҷети давлатии мамлакат дар се моҳи аввали соли равон беш аз 7,1 миллиард сомониро (570 миллион долларро) ташкил намуд. Дар ин бора аз маълумоти Вазорати молияи Ҷумҳурии Тоҷикистон бармеояд, иттилоъ медиҳад АМИТ «Ховар».

Чунин нишондиҳандаҳо бо афзоиши баланди даромадҳои андоз, ки ҳиссаи онҳо дар қисми даромад аз 72 фоиз зиёд буд, шарҳ дода мешаванд. Танҳо дар 2 моҳи соли равон  ҳаҷми умумии пардохтҳои андозӣ аз шаҳрвандони мамлакат нисбат ба ҳамин давраи соли 2021 18,1% (507 млн. сомонӣ) зиёдтар аст.

Мувофиқи Қонуни Ҷумҳурии Тоҷикистон дар бораи буҷет, маблағгузорӣ имсол қариб дар ҳамаи соҳаҳо, ба ғайр аз таъмини дастгоҳи давлатӣ зиёд карда шудааст.

Ба ҳисоби фоиз афзоиш дар соҳаҳои зерин: нигоҳдории тандурустӣ, комплекси сӯзишворию энергетикӣ ва кишоварзӣ ба назар мерасад.

Инчунин маблағҳои калон ба соҳаҳои маориф, ҳифзи иҷтимоӣ ва комплекси сӯзишворию энергетикӣ ҷудо карда мешаванд.

Ёдовар мешавем, ки аз 1 январи соли 2022 Кодекси нави андоз мавриди амал қарор гирифт, ки дар он барои баъзе андозҳо имтиёзу  сабукиҳо пешбинӣ шудаанд. Ҳамин тариқ, меъёри андоз аз арзиши иловашуда, ки беш аз 40%-и даромади андози буҷетро ташкил медиҳад, аз 18% то 15% поин рафт.

Ҳукумати Тоҷикистон  соли 2022 даромади буҷети мамлакатро   19,4%  зиёд менамояд.

Қисми даромади буҷет ба маблағи 33 миллиард сомонӣ (2,5 миллиард доллар) тасдиқ шудааст, ки ба 31,7 дарсади маҷмӯи маҳсулоти дохилии мамлакат баробар мебошад. Ин нисбат ба соли 2021 5,3 миллиард сомонӣ ё 19,4 фоиз зиёд мебошад.

АКС аз АМИТ «Ховар»

Апрель 20, 2022 11:42

Хабарҳои дигари ин бахш

Дар ноҳияи Бобоҷон Ғафуров бо беш аз 1 миллион доллар сармояи соҳибкорони узбек гармхонаи замонавӣ сохта мешавад
Устувории роҳҳои муҳими мошингарди Тоҷикистон ба офатҳои табиӣ баланд бардошта мешавад
Тоҷикистон ва Арабистони Саудӣ корхонаҳои муштараки коркарди маҳсулоти кишоварзӣ таъсис медиҳанд
САНАДИ НАВ. Тоҷикистон нақша дорад, ки ҳамасола 100 000 ҷойҳои корӣ таъсис диҳад
Пагоҳ намояндагони корпуси дипломатӣ ва созмонҳои байналмилалӣ аз Резервати биосферии «Ромит» дидан менамоянд
Туркия тасмим гирифтааст, ки намояндагии бонкҳои тиҷоратиашро дар Тоҷикистон ифтитоҳ намояд
Кишоварзони Кӯлоб заминҳои корамро самаранок истифода бурда, аз он ду-се ҳосил мерўёнанд
Вазири саноат ва технологияҳои нав Шералӣ Кабир аз корхонаҳои саноатии ноҳияи Шуғнон дидан намуд
Дар Душанбе тақвияти иқтидори соҳибкории хурду миёна дар Тоҷикистон баррасӣ гардид
Тоҷикистон ва Арабистони Саудӣ ҳамкориро дар соҳаи сайёҳӣ таҳким мебахшанд
Муовини Сарвазири мамлакат Сулаймон Зиёзода бо ҳолати корҳои кишоварзии ноҳияи Шуғнон шинос шуд
Масъалаи дурнамои ҳамкории миёнамуҳлат миёни Тоҷикистон ва Бонки АвруОсиёи Рушд баррасӣ гардид